想揀黃大仙官立小學,比d意見呀?

chowchowrn

hello.

囡囡出年要讀小學, 我想揀黃大仙官立, 但唔知學校各方面好唔好, 請各位mami 比d意見呀?   

qqwong

朋友話麻麻地, 學校地方小喎! 反而我會考慮黃大仙天主教小學....呢輪選校真痛苦!

法子

黃官麻麻地喎~~~

ching1212

chowchowrn：
hi！您好？bb和女女好嗎？
你女女今年揀小一，有冇其他心水，
黃大仙官小麻麻地，你住

chowchowrn

各位媽咪,

除左地方細外,師資方面點呀? 想知多d意見呀,唔該

ching 1212,
你好呀, 佢地好好呀,但亞女出緊水豆,所以無得去街悶到發謊。其實我心儀係新蒲剛嘉諾撒,但老公心儀黃大仙官立,所以未問下多d意見囉!! 真煩腦   

Priscillafung

聖公會基德又如何呢？有冇家長對這間學校有何意見？
請發表。

Mami_King

我有個朋友的囡囡，於兩年前抽中黃大仙區某間天主教小學，係人都話黃大仙官立好，她便放棄派位走去叩門，官立終於收咗。點知出事。

話說個妹妹好乖但怕事，老師叫坐就唔敢企，理應讀官立會好合適，點知妹妹日日比人"蝦"，唔係搶零食就搶文具，妹妹又唔敢告人，唯有呀媽出馬同老師講，老師話無同學告過人，覺得妹妹作"嘢"，又或者小題大做，跟住就不了了之。

有一次，妹妹唔舒服，小息係操場嘔吐，有老師見到，處理完嘔吐物之後，妹妹繼續上堂，到我朋友接放學見個女面青青，一問先知個女嘔過，仲發高燒，我朋友激到不得了，罵個女點解要忍，又唔出聲話比老師知。其實妹妹真係好細膽又忍得，怕比老師罵，但我唔明老師點解留意唔到個學生唔舒服同埋處理完嘔吐物都唔跟進。

到學期尾大考，妹妹不幸在學校惹到水痘，校方話教統局規定要患者隔離7日，妹妹終於無得考試。妹妹患水痘原因係有同學仔患水痘而照常返學，傳開去，我朋友同班主任理論，校方回覆話已叫該同學仔唔好返學。我朋友要求補考，因妹妹真的很努力，而且係2個星期前已經叫我幫她補習及溫好書。班主任拒絕兼同我朋友講，補考與否對2年級編班影響唔大，以妹妹上學期的成績，估計都唔會入A班，叫我朋友唔好"徒"時間。激到我朋友話要投訴。

我朋友讀書唔多，托我幫手寫封信比校長，副本比班主任。班主任收到信之後，即問我朋友封信邊個幫他寫，話唔似係他本人寫，我朋友聽完就火都嚟，分明踩他。

終於校長都無見我朋友，班主任代轉告可以補考，不過唔計分，我朋友個女話唔計分考來做什麼？仲同媽媽講唔返呢間學校。以妹妹性格敢同呀媽講話轉校，我朋友即刻同妹妹揾學校了。最後張成績表點寫，我就無問了。

妹妹現在於新學校讀三年級，水平無官立好，但好開心，一有問題老師亦好主動打電話比我朋友頃。

以上純粹我朋友的不幸經歷。

qqwong

mami-king
那你朋友的女兒轉了那一間學校呢！？我女兒又是細膽又忍得的人，我怕幫她選錯學校，到時累了她不肯回校就大件事了！thanks !

Mami_King

qqwong 寫道:
mami-king
那你朋友的女兒轉了那一間學校呢！？我女兒又是細膽又忍得的人，我怕幫她選錯學校，到時累了她不肯回校就大件事了！thanks !

因為我朋友讀書唔多，驚程度高的學校自己唔識教個女，轉校時搵程度低些，成功機會又大，本來彩雲聖約瑟收妹妹插班，不過最後終於去了九龍城的溥仁天主教，唔出名，我都唔多聽過，不過我朋友話壓力少啲，校風都可以，最緊要個女開心同好鍾意間學校。

chowchowrn

Mami_King,
多謝你d意見呀, 我同老公就係非常在意埋個問題,怕小朋友唔舒服都無人理。感覺好淒涼   

ching1212

chowchowrn：
女女出水痘，要好小心 照顧，
如果有印，都要好耐先過得哂。