已入讀今年9月中一班仔仔,囡囡習慣嗎?

henry1328

亞仔就習慣,問過佢,老師都好好,暫時功課唔多,每週有1天英語日,1天普通話日,亞仔話no prolem.
學校就要學生必需最少參加1項音樂課,例如管樂,敲擊樂等...
1項課外活動班,如童軍,書法,圍棋班等.....
D老師如見你在小學得個某些獎或在上堂了解學生興趣及後在測試表現能力好都會叫你加入.
所以d中一仔/囡好搶手, 攪到亞仔d時間亂晒.
不這個書包真係好好好鬼死重,雖然學校有locker,但都孭住走路返學,
亞仔間學校係用不同顏色file 分科,所以file特別多.
你地d小朋友點吖?分享下.

dodo199906

你仔仔用乜書包呀？我上年買咗個dr.江嘅back pack書包比佢,点知佢今年就唔肯用,個書包又重到死,無符

henry1328

普通Nike背包,不過條帶要夠粗,柔軟和厚,都$3佰幾.

janeleung

可能係開學初, 我個女都話無mug功課呀, 佢話d功課ok喎, 我都希望係咁

sorlo

呀女好慣, 仲覺得識左的朋友好開心, 希望佢識到的好既朋友啦

vv123

我個女好開心,事關比人選左做班長,其實d人多數唔識,搵佢做爛頭蟀就真,佢仲咁enjoy...不過開始教數,佢地由中數轉英數,都有少少難度,要等佢適應下.

kathy_good

Dear sorlo,

My daugter is very happy and she joins in flute and Home E. She also likes to join in badminton or red cross . Her school allows students join not more than three.

Nymph_

你地就好 la.阿女雖然都習慣新老師&同學.但我都覺得佢比較辛苦.
因為啱啱英文先默完書,佢fail    咗.返黎同我講,話老師只係話dict unit 1 ,冇比範圍,點知,佢話默書嘅時候,又唔係果回事,佢話有Ｄ英文生字佢都未學過,仲要重默.   
佢地F.1 ,書就中文,但教同exam就用英文.
唔好話小朋友,就連家長都要重新學習同適應.
      

vv123

Nymph,
中學模式完全唔同小學嫁啦,即使先生話默unit one,先生可能只係抽其中一些生字然後自己作d文章去比佢地默,咁樣已經比完全默unseen好嫁啦. 3loks提議無錯,你叫囡囡認識下d高年班姐姐去請教下,應該會有幫助.
唔好擔心,相信全班如你女兒咁fail,大有人在,因為大家都係唔適應.中學完全係呢種模式,考課外,訓練佢地自學,遲d佢地就會習慣,係你開始要放手既時候,從旁心理輔導,教佢地唔好只係學習學校書本既野,否則隨時幾科肥佬.
香港教育就是這種無奈,只求補習去補課外不足,小孩個個都變成無師自通.....仲要未學行先學走,百般技藝皆精.....可惜搞到佢地{周身刀無張利}

maba

每星期各科都有小測, 每日都要備課,重溫,
書包又重左, 全家都早左1小時起身,
返學開心過以前, 又話識左好多朋友,
呢個好朋友叫我入呢個會,
果個又叫我入呢個會一起玩, 唔知點算..    
我諗最緊要讀得有小小壓力, 又有鐘意返學既原因....
      

maba

Nymph,
我想問吓你囡囡平時點溫默書?
方法好緊要....... :

Nymph_

3 loks
其實早一兩年我已經收風,亦識得有人係度讀緊,但問番Ｄ家長,佢地話唔係咁.
最大原因係學校今年轉制,所有要求都提高咗.
    

vv123

Nymph,
我朋友個女那間,默書係成本書做範圍tim啦,正常根本無得讀,作用係想佢地擴闊詞彙,想佢地睇多d書.唔好太擔心了,適應左你女兒就會知點讀.

Nymph_

maba
其實我女女由幼稚園開始到依家,我都係教佢先將生字串熟,然後再温書嘅範圍,跟住由頭默一次,有時加第二Ｄ生字落去.
至於串字,我教佢用phonic黎串字.
其實你地認為呢個方法有冇問題呢?     

maba

Nymph,

由頭默一次,有時加第二Ｄ生字落去. --  是由你去讀或家人去讀默?

binbindog

HI

亞仔都係今年升中一, 暫時都好適應, 而且好喜歡中學的生活, 每日都有番嚟講學生的事.
亞仔每個星期, 英文都有默書or小測, 第一次默書之前老師要佢哋溫習一d詞語, 默果時竟然是老師問問題, 而學生就要默出答案....
如果不合格就需要留堂 :-|  :-|

Nymph_

maba 寫道:
Nymph,

由頭默一次,有時加第二Ｄ生字落去. --  是由你去讀或家人去讀默?

係由我自己去讀,阿女就默.
有時我要佢自己背默.

maba

Nymph_ 寫道:
[quote]
maba 寫道:
Nymph,
由頭默一次,有時加第二Ｄ生字落去. --  是由你去讀或家人去讀默?

係由我自己去讀,阿女就默.
有時我要佢自己背默.
[/quote]


Nymph,
你可試用錄音機 --  叫囡囡將默書範圍串好後,自己再將內容
錄下, 自行用錄音機默書(錄音時讀慢些,因要預備自己寫字時間),  默好後自行對.
1. 當佢錄音時可以train oral
2. 係佢錄音時可以再認字
3. 自己知道錯在那地方
4. 省回媽媽不少時間
  
當我用左呢個方法後成績可以高左10分以上, 有時什至有滿分
呢個係我小小既心得