開學十幾天,你地和囝囝囡囡都適應嗎,有無咩問題?

羊咩咩太太

囡囡問我,點解讀小學日日都要溫書同串字既,佢似乎唔係好慣 唉,媽咪都明白幼稚園咁"歎",一下子有咁既改變,大家都要花d時間既,今日唔串五個字,聽日就要串10個架啦,咁咪重吃力,一起努力啦.今日乖乖地串五個,聽日又串五個,咁咪學識十個字啦,咁諗係咪好d,正面d呢.

關於執書包方面,老師有時會寫手冊叫囡囡明天帶乜野書,但係明明比老師收起了的,搞到我同囡囡執書包都無乜信心,好驚帶漏書,唉     

G-Ma

我都覺得壓力大左, 以前幼稚園唔記帶野咪聽日再帶番lor, 宜家一唔記得帶就寫手冊, 真係要小心d.  

我個囡返左十幾日學, 明顯見佢個樣好"累", 可能係學校又要守紀律, 又要做功課同執書包, 晚晚好早就瞓啦.  讀小一真係一個新挑戰.

S.S.

so far o.k. 喇 .. 只不過時時都問我幾時可以玩呀?一晚問10次8次,不過,就未開始串字,不過,我都好擔心,因佢對英文都幾抗拒囉...
唔知第日點算呢?

至於執書包方面,係有時間表對住來執O架,所以都唔會有大困難,仔仔自己都識執,所以唔太擔心,只係中文試過帶O左上册囉...錯O左~

羊咩咩太太

G-m:

所以話以前咁歎loh,好多事老師都會比機會,循循善誘,而家就要守紀律,家長都要乖簽手冊,簽收據

亞囡個黑眼圈己經出左黎啦,每日返99到食完飯,返到屋企已經九點,check功課,溫書,同佢玩下,比佢睇一陣電視,真係無乜時間剩,早極都要10:30先上到床,正如你所講,真係一個新挑戰.

好彩有babykingdom既媽咪一齊分享喜與憂.

S.S.

我囡囡自細由99照顧, 佢可以尤得亞囡睇電視睇兩個鐘,我真係有心無力,有時會um 下99唔好比亞囡睇咁多電視;我囡囡都好抗拒英文架,帶鄉音既廣東話就聽得多,英文?no way!只靠我日常生活教下佢,但又教得幾多呢;但係我都會諗辦法令佢接受和愛上學習英文;S.S.,有時間就慢慢train下囝囝,如果佢成日想玩,不如諗下d串字遊戲,循序漸進呀,或者獎勵下佢啦.

迪迪洛洛媽媽

我個仔仲未習慣睇手冊做功課, 所以我放工返到屋企就發現佢未做哂功課, 即刻同佢做翻, 攪到好夜先

G-Ma

羊咩咩太太,

我個囡係我亞媽照顧, 都係好鍾意睇電視, 因為我亞媽要睇嘛, 所以我個囡連韓劇都追埋.  不過每日放學我亞媽一定要佢做哂功課先準開電視.  但有唔明就要等我放工返嚟問, 連埋執書包, 簽手冊, 簽通告都係要攪到10:00先瞓, 不過一瞓落床就瞓著.

我個囡就好怕中文, 因為d字難寫, 英文對佢嚟講就容易好多, 來來去去都係26個字母.

大家努力啦! 應該好快適應到既.

焯媽媽

因為參加學校的補習班, 大部份功課可以在學校內完成, 但要溫默書, 致於執書包是我執的, 他會在旁指導我, 提我要帶物書等

吃完飯看一陣電視, 九時多十時要上床了..

G-Ma

咁快要默書啦!  好彩我個囡間學校p.1一個月先默一次書, 每次默兩課.

[quote]
迪迪洛洛媽媽 寫道:
我個仔仲未習慣睇手冊做功課, 所以我放工返到屋企就發現佢未做哂功課, 即刻同佢做翻, 攪到好夜先

lillymarie

我個仔仲未慣無午睡, 3點過後就係度捱眼瞓.
慢熱, 所以未識到朋友.
功課暫時都應付到, 未開始默書, 唔知到時識唔識自己溫
有時見佢好攰, 想幫佢溫書備課, 又唔敢逼佢. 好在我有d字咭, 閒時同佢玩下matching, 當係溫書.

tommythumb

羊咩咩太太 寫道:
囡囡問我,點解讀小學日日都要溫書同串字既,佢似乎唔係好慣 唉,媽咪都明白幼稚園咁"歎",一下子有咁既改變,大家都要花d時間既,今日唔串五個字,聽日就要串10個架啦,咁咪重吃力,一起努力啦.今日乖乖地串五個,聽日又串五個,咁咪學識十個字啦,咁諗係咪好d,正面d呢.

關於執書包方面,老師有時會寫手冊叫囡囡明天帶乜野書,但係明明比老師收起了的,搞到我同囡囡執書包都無乜信心,好驚帶漏書,唉     

一日串五個字？？

我亞仔開學咁耐都係比左一個字佢串！！

執書包就 :tongue:  :tongue: ，學校有 d 書都未派，就寫手冊話要帶，我地寫落手冊話唔見到個d 書喎，佢就話遲d 會補番，無就唔使帶！！咁你明知未派，做乜要叫人帶？！   

焯媽媽

jody&joe 寫道:
我個女係返上午校,但因為學校有託管服務,所以擺佢係校食飯同做埋功課先走,個女最唔開心就係同學仔走得佢唔走得,佢話
返學唔好玩,無玩具,要守紀律,你地話點好?

我仔也是上午校, 放學後參加學輔班, 5時才放學, 全班絕大部份同學都參加的, 都無物問題, 但最慘返到家, 便想睡, 無時間溫書.

我同他講, 要大個仔先可以返小學, 他成日都想大個仔, (因為他很想學揸車,做司機),因此, 他很喜歡返小學..

EASYMA

我直頭覺得e+d小學教到d 學生呆架, 唔比旭, 坐定定, 英文一味教grammer, 睇見個仔讀呢d 學校, 跟住又望望人地外國人d 學校真係有d頂唔順, 做mud 鬼呀, 成日默書, 默到個腦塞晒, 香港嘅教育制度真係吃不消!!

迪迪洛洛媽媽

G-Ma 寫道:
咁快要默書啦!  好彩我個囡間學校p.1一個月先默一次書, 每次默兩課.

學校講明每星期都有中英文默書, 不過仔仔同你囡囡一樣, 英文就好d, 中文就差d.  所以做中文功課, d字寫到好醜樣.  我個仔又係好慢熱, 同我講無朋友, 好想打電話比以前幼稚園的同學仔.

lillymarie

EASYMA 寫道:
我直頭覺得e+d小學教到d 學生呆架, 唔比旭, 坐定定, 英文一味教grammer, 睇見個仔讀呢d 學校, 跟住又望望人地外國人d 學校真係有d頂唔順, 做mud 鬼呀, 成日默書, 默到個腦塞晒, 香港嘅教育制度真係吃不消!!

都唔一定呀, 昨日信報先有段新聞: 美教育投入大成效低
美國教育制度成效差再次得到印證. 根據經濟合作發展組織(OECD)昨天發表的報告, 美國花在小學及中學的教育經費位居發達國家前列, 但學生成績卻落後其他先進國, 輟學率亦較高. 13.9.2006

waterdrop

my girl is very happy abt the school, but having difficulties about playing with her little classmates... kids already call her names, and seems (at least this is how she feels) some are just enjoying picking on her.  She is so sad always when we talk about this.  Of course my girl has to be part of the problem as i know that she is kinda narrow-minded, like to complains... i am having a so call "discussion time" with her everyday, to try to find out how she really feels and hope to give her some support somehow.

but, i do think i am very lucky already, as at least she is already enjoying the study itself. (one less thing worry)

G-Ma

我都係咁話, 小一仲係好細個, 係咪真係要咁呆板呢?

EASYMA 寫道:
我直頭覺得e+d小學教到d 學生呆架, 唔比旭, 坐定定, 英文一味教grammer, 睇見個仔讀呢d 學校, 跟住又望望人地外國人d 學校真係有d頂唔順, 做mud 鬼呀, 成日默書, 默到個腦塞晒, 香港嘅教育制度真係吃不消!!

ngyanting2000

我囝囝返咗小學一星期多，　囝囝好適應，　可能學校係午飯後有一堂比小朋友做功課（約三十分鐘），　所以囝囝ｄ功課係學校都做好先返屋企，　我放工返到屋企可以即刻同囝囝對功課，　然後可以溫書（用十至十五分鐘），可能宜家ｄ功課唔係太多２－４類，至於點書方面要２２號先有英文點書．　

羊咩咩太太

tommythumb,

比你嚇死我,我以為你話我一日串五個字咁小!

有時我都唔知學校點架,帶左返去d書就唔用,或者係收左我,但又會寫手冊叫囡囡聽日帶番  :tongue:  :tongue: ,原來係帶書方面係有咁多問題既

我真係唔多歡喜佢地寫手冊話無帶書,有d冤枉呀     

tommythumb 寫道:
[quote]
羊咩咩太太 寫道:
囡囡問我,點解讀小學日日都要溫書同串字既,佢似乎唔係好慣 唉,媽咪都明白幼稚園咁"歎",一下子有咁既改變,大家都要花d時間既,今日唔串五個字,聽日就要串10個架啦,咁咪重吃力,一起努力啦.今日乖乖地串五個,聽日又串五個,咁咪學識十個字啦,咁諗係咪好d,正面d呢.

關於執書包方面,老師有時會寫手冊叫囡囡明天帶乜野書,但係明明比老師收起了的,搞到我同囡囡執書包都無乜信心,好驚帶漏書,唉     

一日串五個字？？

我亞仔開學咁耐都係比左一個字佢串！！

執書包就 :tongue:  :tongue: ，學校有 d 書都未派，就寫手冊話要帶，我地寫落手冊話唔見到個d 書喎，佢就話遲d 會補番，無就唔使帶！！咁你明知未派，做乜要叫人帶？！    [/quote]