剛開學我已經覺得好忟憎啦！(小一家長加油站)

PF1000

小傑媽媽:
介唔介意講下是那所小學?

cc0524

我都想知係邊間小學!!    

samantha821

我都想邊間???   

snoopy888

cc0524 寫道:
我都想知係邊間小學!!    

如果唔方便公開, 可否pm告知.

meimeilam

小傑媽媽 :

有冇攪錯, 咁都得, 可否 pm 個學校名比我。

我係第二個 topic 見到你話小二轉校問題, 你係唔係想同個仔轉校呀?

麟媽媽

小傑媽媽,

唔係你地有問題，亦唔係學校問題，需要既係適應期。
由幼稚園上到小學，小學同幼稚園好唔同架！
剩係師生比例已經差得遠，上堂排排坐咁，
小學老師同學生好少身體接觸，唔同幼稚園時，
小學老師上堂講課，除非小朋友嘔或者肚痾，
如果唔係，個學生唔出聲，係無人知佢發燒的。
所以我教我個仔，有咩唔舒服便要舉手，
話比老師知，其實好多小學都係學生自己去校務處，
由D 書記姐姐照顧同打比家長，唔好以為老師會跟進，
因為仲有成班同學係班房，佢要睇住其他學生，
所以，小學生係要學得獨立一D 咁囉，
唔同幼稚園時上堂有起碼2個老師，一個行開都得。

仲有同老師溝通你都要搵啱時間，
返學時候打去未必搵到，因為老師唔多空堂的，
另外唔好放學打去，因為安排緊放學，又係搵唔到既。
如果功課上只問班主任，佢真係會唔知架，
好似我仔班主任只教英文一科，其他科目佢未必知既。
所以最好搵日陪個仔返學，識多幾個家長拎埋電話，
小一抄手冊好多時抄到甩甩漏，咁一人抄漏一D，
打去問多兩個家長，夾埋咪知做咩功課囉！

你唔好咁炆，呢個階段好快大家都會適應，
尤其是唔好係小朋友面前表現煩燥不安，
咁樣佢地亦會對升上小學感到焦慮不安的！
而家只係返左學一星期多D 啫，慢慢黎喇。

益力多

小傑媽媽,

我估唔係只有你間學校係咁,
我仔仔都係剛開小一
開頭果幾日真係連有咩功課都唔知
雖然已經寫左係手冊, 同埋網上面都有得睇
但唔知點解, 睇極都睇唔明
ARM ARM 呢個星期叫好小小
原來上小一, 真係家長同個小朋友都要適應
為左唔好影響仔仔對學校O既印象, 唯有係佢面前控制O下
上黎 BK發洩

LV77

Hi 小傑媽媽，

首先泠靜些,唔好咁忟憎!費時俾囝囝睇到加添佢壓加,更加唔開心呀!

初初開學就一定有些混亂,加上小朋友由幼稚園上黎另一階段,完全未適應,都唔知應該點做,或者你教小朋友有mug唔清楚�唔明白就問老師，再唔係你係放學後時間致電班主任問下，或跟其他同班家長溝通下，睇下有無改善！！！

小傑媽媽 寫道:
meimeilam,

其實我真係有咁諗過囉，不過今年之內如果情況唔係太差而又唔會令到我個仔唔想返學的話，我諗我都唔會轉校既，因為轉校對個小朋友影響會好大，我老公亦唔贊成，所以希望遲d一切有改善啦！ :cry:
所以我都好想知道其他學校有冇咁既情況囉…

[quote]
meimeilam 寫道:
小傑媽媽 :

有冇攪錯, 咁都得, 可否 pm 個學校名比我。

我係第二個 topic 見到你話小二轉校問題, 你係唔係想同個仔轉校呀?

[/quote] :

JJBBCC

小傑媽媽,

Relax~~

小一上半年都是適應期,你覺得亂,你仔仔咪重驚!  你要用平常心去guide你仔仔!  
上多 BK 啦!

kit7266

美術堂只帶膠水, 剪刀, 鉛筆, 墊枱紙。 顏色筆, 圖紙由學校提供
如果小朋友唔舒服, 最好教佢要話比老師知
功課上網可以check到, 叫仔仔問多幾個同學仔電話, 最好是住在你家附近, 唔見左d工作紙、通告都有得影印.
小朋友返小一是會比較混亂, 他們還在適應中, 帶漏功課, 多左份同學仔功課, 唔見左鉛筆、擦膠.........家長亦要慢慢適應!!!

麟媽媽

小傑媽媽,

我好明白你既感受，亞仔小一時我何嘗唔係哩埋喊，
個仔係我地眼中仲係好細個，未曾係咁獨立，
一時間要揹個大大既書包，自己坐車同埋食飯，
怕佢上堂唔明，又怕佢亂黎，又怕佢比老師鬧….
但小朋友比我地想像中快適應的，遲D 佢地會好開心既。
你要多D 同小朋友分享學校既所有事，要正面D，
比多D 鼓勵，今日抄漏野唔緊要，只要聽日抄齊咪得囉！
你地記住小一出錯輸得起，最緊要仔女佢地從中學習，
今日唔記得做功課比老師鬧，怕咩呢？鬧完佢覺得難受，
下次佢對功課咪小心D，要提佢面對老師係佢，唔係父母架！

唔好唔開心了，到測驗考試仲大沖擊黎緊架，大家放鬆D！

迪迪洛洛媽媽

小傑媽媽,

麟媽媽講得很有道理, 她的經驗給我們很多啟示. 小一階段每個小朋友都會偶到不同的問題, 無論健康, 學業, 人際等, 但時間和經驗可以將問題解決.  開懷點, 如果你常常表現覺得這所學校不好, 小朋友可能會不知不覺受你影響, 對學校反感!

確實小一的生活不只是小朋友的適應期, 對我們大人來說, 也需要去面對及學習.  BK也有很多小一媽媽, 包括我在內, 大家一齊努力吧!    .