一開學就要見家長

大口仔Ma

我囝囝今年開始番學, 讀K1, 番佐幾日學就收到老師電話投訴話佢坐唔定, 唔聽老師指令, 又搞人, 重話佢幾另類, 講到我囝囝好難教, 聽完心都嗑埋! 其實呢幾日我見囝囝放學好開心, 重唱歌, 又講野叻佐。  雖然囝囝係坐唔定, 但好少話唔聽教又搞人, 平時都聽話, 唔知點解番學係咁。 老師字裡行間好似想放棄我個仔咁, 好唔開心, 仲約我當面傾下, 我驚遲D要迫我退學呀!  

summer_66

hi 大口仔Ma,

唔好擔心先, 我個女都試過第一日返芭蕾舞一放學, 老師投訴佢, 四周圍唔聽講, 又攪人之後我同個女講問佢自已鐘唔鐘意學先, 佢話鐘意, 仲同佢講下再係咁, 老師就罰佢企要佢暫停, 佢都明白, 第2堂我自已直接同老師傾, 老師講佢好想學野, 可能係咁佢一到新環境就四圍探索, 可能妳個仔都係咁, 剛剛返學幾日都係適應期慢慢比佢習慣有守律, 應該唔會有問題, 老師唔會叫佢退學架, 睇下佢講麥先算啦.

大口仔Ma

summer_66

多謝你o既鼓勵.  你個女當時幾多歲, 會唔會懂事D呢?  我囝囝得3歲, 唔係太懂事, 跟我o既時候就好乖o既, 同佢講什麼都答我"知道", 叫佢要點或唔好點都答我"知道", 所以平時覺得冇異樣, 佢番興趣班都冇去攪人, 又唔會同人爭玩具, 頭先係街見到d BB同哥哥都叫早晨, 真係唔知點解老師講到佢咁極端, 我諗唯一情況唔同o既係"我唔係佢身邊"。

gary_tong

大口仔Ma 寫道:
我囝囝今年開始番學, 讀K1, 番佐幾日學就收到老師電話投訴話佢坐唔定, 唔聽老師指令, 又搞人, 重話佢幾另類, 講到我囝囝好難教, 聽完心都嗑埋! 其實呢幾日我見囝囝放學好開心, 重唱歌, 又講野叻佐。  雖然囝囝係坐唔定, 但好少話唔聽教又搞人, 平時都聽話, 唔知點解番學係咁。 老師字裡行間好似想放棄我個仔咁, 好唔開心, 仲約我當面傾下, 我驚遲D要迫我退學呀!  

我個人認為你唔好當老師係投訴你既小朋友，佢只不過是想同你講返小朋友既上課情況。有好多小朋友係學校同係屋企係兩個人，既然老師約你傾，咪就係想大家一起討論有什麼辦法幫小朋友。

召藥師

大口仔Ma，妳唔駛咁憂心ge，我個仔舊年先讀k2，之前係屋企教佢。佢樣樣都掂唯獨係有乜train佢寫字，淨係畫下畫。
一入到去k2，幾日d先生就投訴佢坐唔定，又搞人地d頭髮，但人地扯到佢件衫冇哂鏤就唔同我解釋，又話佢寫字唔得，暗示我好自己train佢多d，否則要佢留班或退學。
但係我再睇清楚佢地d功課，日日都要寫成六十幾次同一個中文字及成百次英文字或數目字，做家課做成三個鐘，佢辛苦時我又心痛，而且問佢係學校做咩野，佢淨係話寫字、寫字、寫字......，我同主任講可唔可以唔好迫佢寫咁多同深(k2開學就寫朋友、小狗、秋天等)，佢竟話叫佢寫少d會令佢自卑同追唔上，又叫我真係要咁就寫信同校長講，咁我就寫信要佢減少寫字，半年後同佢退學。而家讀保良局都唔知幾開心，又學到野。
所以，妳大可同小朋友講清楚返學要遵守規則，如果老師仍不斷投訴佢，可能佢根本唔適合個間學校ge教學方式，轉校都無妨。

大口仔Ma

多謝各位意見, 聽完你地講而家舒服D o羅。

gary_tong
我都知老師o既用意係好, 我都同佢講要配合佢, 目的都係想小朋友好。

召藥師
你小朋友o既經歷, 類似o既個案我都有聽聞, 但我真估唔到番幾日學就遇到, 而我囝囝好閞心番黎卻背後令老師難做, 收到電話時我真係好突然o架, 因為我冇諗過囝囝係咁, 聽完電話食飯都食唔落, 訓唔到。 當然我明知老師係想了解, 而佢地一定係鐘意D坐定定o既學生, 易教Do麻,  我亦明白每個老師要對10-15個學生, 坐唔定就好難教, 但係是否太早下定案要咁快和家長商量呢, 係唔係要花多數日先搵家長傾呢(番了一星期未夠), 咁樣係會嚇死家長(我真係嚇死),  我希望佢地同家長一齊努力教好D小朋友, 而唔好放棄佢地, 而家當然言之尚早, 如果老師遲D想放棄我囝囝, 咁我一定會轉校。  

多謝各位關心同意見!