我個女想做社長

momo007

我女女想趁今年中六做學校社長,她想挑戰自己能力,但
又有其他同學想做,唔知有無教師,過來人或者媽咪幫手唸唸呢?
1. 社長的職責和需要?
2. 想請教點樣成為出色社長?
3. 如何於老師面前面試成功/突出自己?
4. 如果問題係: 你有甚麼抱負和期望對於呢個社?
5. ......其他問題

andrew

momo,

If your daughter need your help, she cannot be a 社長.

G-Ma

我地當年做社長都要見老師既, 不過唔會問d咁深既問題, 最多問下你有無信心做, 係咪真係覺得自己得.  通常做得社長前幾年都會做幹事, 老師都已經好清楚你有無能力.  跟住就寫d政崗貼出嚟, 等d同學一人一票選lor.

社長職責好多, 要有心理準備, 基本上好似音樂節, 陸運會, 水運會, 戲劇節, 舞蹈節,......但凡要各社比賽既都要靠社長安排,搵社員參加, 又要搵d精英幫手排舞,排歌,寫劇本,仲要搵埋導具, 戲服.  坦白講真係好鬼忙.  不過呢個真係一個好好既訓練, 令到我係領導, 策劃, 實行,面對困難及解決困難各方面既能力都有好明顯既進步, 對於我自己日後工作上幫助好大, 仍係我中學生活一個好難忘既回憶.

一個爸爸

andrew 寫道:
momo,

If your daughter need your help, she cannot be a 社長.

同意! 我都做過社長...我係一路睇住d師兄師姐學做社長
我撞過板..衰過..又威過...


點解要幫自己仔女鋪咁多路.??
比佢地自己撞下板啦...

falafala

一個中六學生(成18歲)想擔任學校會社的一份職務，都要亞媽幫佢籌謀擔心？唔係!!
社長要照顧服務他人，一個到18歲，做少少事都要亞媽粗心的人不宜擔任。
係時候放手啦。雖然我說得不客氣，但只是我太不認同這種呵護備至的揍仔方法，絕無惡意。  

momo007

我個女只係16歲姐,中七畢業先18歲.我唔認同你地話我過度呵護,只係她遇到有問題或生活上喜與怒,她會同我講.
我想問如果你地的子女遇到問題同你們講,你們會不理會嗎?
她同我講做社長只係陸.水運會或社際比賽,找人比賽,做一些籌備,聯誼,決策工作,但社長我無經驗,所以先出post問一問過來人.
其實我都知她性格唔太適合做,亦因為咁,我先更加希望有呢個機會可以訓練她.因為只係今年先有呢個機會.

[quote]
falafala 寫道:
一個中六學生(成18歲)想擔任學校會社的一份職務，都要亞媽幫佢籌謀擔心？唔係

falafala

momo007
對不起! 我錯怪了你，以為你是凡事都鍾意代仔女做決定的'過份'好媽媽(我實在見得太多)。而你能夠與仔女有商有量如朋友，實是美事。
老師通常會選以前已活躍於社的人，如曾擔任committee member。因要熟識社員，了解他們的長處，才能分工、安排參賽，同'駛得郁'他們。在社內人際關係好的有絕對優勢。
向老師介紹時，要表現出對社的(強弱項、風格特點等)了解、對社曾有那些貢獻；抱負方面，對弱項有何改善建議？期望社會變成怎樣怎樣？為此會怎樣做？
最後當然要表達自己的責任感與誠意。
希望這些對你囡囡有幫助吧。  

一個爸爸

[quote]
momo007 寫道:
我個女只係16歲姐,中七畢業先18歲.我唔認同你地話我過度呵護,只係她遇到有問題或生活上喜與怒,她會同我講.
我想問如果你地的子女遇到問題同你們講,你們會不理會嗎?
她同我講做社長只係陸.水運會或社際比賽,找人比賽,做一些籌備,聯誼,決策工作,但社長我無經驗,所以先出post問一問過來人.
其實我都知她性格唔太適合做,亦因為咁,我先更加希望有呢個機會可以訓練她.因為只係今年先有呢個機會.
[quote]

你和自己的女兒有現些溝通是好事, 但我仍相信,學校生活要自己摸索出來,上中六就是一個自己碰,自己鍛鍊的時機,
就讓她去求教自已的學兄學姊, 就算我們給你意見,也許未必合適她學校的文法,她需要的不是你的指導,而是支持吧了.