你個小朋友有冇講粗口??

catcatmom

小彬彬
我有一個非常細Ｂ，同樣地有一個非常大Ｂ，佢唔鍾意打機，上次去完同學仔屋企，因佢地掛著打機，唔同佢玩 乒乓球＆圍棋，番到屋企 佢 （性格好幼稚！）
甘我叫佢要"就"下人地，一起玩打機，佢話打機side時間，下！
不過到佢大Ｄ可能又講粗口又打機，ＭＵＤ都有。
  

小彬彬 寫道:
catcatmom,

你唔駛心急, 過兩年你個仔就講嫁啦......     

小彬彬

catcatmom,

唔打机係好事, 可以多 d 時間睇書, 做運動.......我都唔想我個仔打机...............但佢暑假由朝打到晚............

ABCD媽咪

唉
我個女也有講...開頭激到我死
因佢班上的男同學成日講...佢覺得要叻過d男仔就學人講
後尾佢一講...我先唔鬧...先解識果個粗口的含意
問佢係唔係真的要表達果個意思
後尾教佢如果要同人鬧交...唔係一味講粗口
成堆粗口...人地也唔明你鬧佢乜
要有point來鬧人...唔係用粗口來鬧

不過...現在細的學埋學埋又講
激死  

小彬彬

宜家 d 細路係咁嫁啦.......就算佢唔係你面前講, 返學校都講............

ABCD媽咪

我現在也學緊點接受"女兒長大了"
佢地已在朋輩間有一套語言

我現在一路教她...佢地朋輩間有一套語言...係ok的..我接受..不過回到屋企...要用一套屋企的語言...對父母要尊重...對長輩要用敬語

開頭亞女突然在家講一d說話時...我好傷心
點解個女會變成o甘
不過回想當年...我老豆也有話過我說話變得唔乖
(但我又唔覺有問題)
就正如現在亞女的變化...
唉..現在用當年的心態同亞女分析個問題
現在呢代已不能no no no


  

小彬彬

女仔如果講 "妖" 我覺得可以接受, 但講正確讀音就唔可以接受啦................

ABCD媽咪

我係連妖也接收唔到...她可同同學講...但不能在家講..不能比我聽到...亦不能比小的細佬妹聽到..因佢地會學
有一次亞女同同學傾電話
講左一次"門小"
唉...我老公嬲到打個女一次好金
我老公好唔鐘意人講粗口...男的女的也唔鐘意
好彩現在亞女戒左講粗口的癮

麟媽媽

我諗如果我聽到亞仔講粗口，
唔知我會有咩反應…….
基本上我屋企無人講粗口，
一屋女人，得我老豆一個男人，
邊有人無啦啦講粗口啫？
讀書讀女校，更加無人講粗口喇…..
早排我同其中一個細妹有D 爭執，
佢係電話度向我講了一句粗口(單字)，
我嬲到喊左出黎！佢嫁左學埋講粗口！
咁耐姊妹竟然同我講粗口.....好傷心....
到而家我都未啋佢，除非佢打比我先….
我唔介意亞仔大個左講粗口，
但一定唔可以用粗口鬧我！我實反面。

ar1

ofcozli!~