柏斯兒童音樂班

loy211

各位媽咪爹地請幫忙,我仔仔3歲半,柏斯琴行主辦的兒童音樂鋼琴班口碑如何?

onibb

2歲可以參加嗎？

loy211

3歲半至5歲

mms

我囡囡大約４歲曾参加栢斯音樂班及個人piano class.  音樂班有7-8個小朋友，對於初接觸music 的小朋友(3-4 yrs old)，是個幾好的安排。但個人piano class 就非常行貨，每堂正正30分鐘。本人不懂彈琴，家長冇得入琴房聽，希望盡力了解佢學咗D物，返屋企再練，但阿媽連個melody都未聽過，有Ｄ有心無力的感覺。D 老師個個木口木面，但好難怪老師無点照顧，從琴房帶個小朋友比你又即時帶另一個小朋友入房。上咗大約一年，情況冇改變，山長水遠學半個鐘琴，阿囡又唔多鍾意D老師。但囡囡其实幾有興趣，於是安排私人teacher 上門教，價錢同栢斯一樣($500/month)，阿媽終於知道囡囡學緊物，可以從中協助。阿囡成個唔同曬，有主動性去練琴。除此，小朋友有時会病，栢斯調堂/請假好麻煩，栢斯多多限制，告假又要醫生紙。我同意要有制度，但D制度重嚴過幼稚園。相反，私人teacher 有Ｄflexibility。當栢斯知道囡囡退學，有個shop的營運總監打比我幾次，問我冇無嘢可以幫到，即刻送練琴房的coupon比我。我當然無接受，亦沒有將真实情況說出來。總之，本人對栢斯印象嘛嘛！

Sweetiebarney

我囝囝之前係柏斯上過兒童鋼琴班，只上左一個學期。我覺得個班房太細，小朋友比較多，進度會慢D。而且好似唔係每個人有個keyboard學彈 (以前係MyMusikbox 學係有架）。不過，囝囝都幾鐘意。我現在讓他上私人piano classes。 :  

loy211

好多謝sweetiebarney 和mms的意見,我9/9會帶仔仔上第一堂,職員話當試堂但要俾錢,試完再算.
唔該晒!

ArgusMum

我囝囝之前都join過兒童鋼琴班..
我就覺得幾好..每堂完左老師都會出黎講番比家長聽學過咩野,有咩要返去同小朋友練,仲會每堂抽一個小朋友出黎彈番學過既歌仔比各位家長聽.幾好架
不過我完左個course4就無join佢地既單對單學琴.因為我覺得佢地既老師好多都比較young,對咁細年紀既小朋友未必會follow得好好..而且你又唔會知佢學左咩,好難同佢地返去練琴架...
所以我都係搵左私人上門教..

Giant

因之前份工關係, 同幾間琴行的老師們有接觸, 柏x的?     食煙、粗口、夜蒲...乜都有...; 如果覺得人品對教學冇影響的就冇所謂, 可能我個人守舊啦, 一句講晒：不敢恭維。