荃灣浸信會幼稚園.係咪好難入讀?

maymei

有冇媽咪分享下?學校以?做準則...係咪要信教至機會多o的呀?
thanks

jena2468

真係好難入， 上年報考已經話10個人爭1個位， 據校長講信教與否唔係主要入選原因，主要係面試時小朋友表現，佢話唔好谷，因為係冇得谷。
我個女上次面試都有回答老師，但因為比較慢熱，最後只收佢做下午後備生。
面試分兩part，先比玩具小朋友玩，從中與小朋友傾計(跟據當時小朋友手上玩具而問)，最後安排一批小朋友排排坐聽故仔，再跟故仔內容向小朋友發問。
就係咁，話易唔易，話難唔難

summer_66

hi maymei

我個女今年9月返k1, 記得上年考試同 jena2468 所講一樣, 所以我不多講, 但我覺得家長同小朋友相處都好重要, 因有位老師會企係到比分, 佢會留意埋家長同小朋友關係是/否 close, 因校長都講過, 佢地都好注重親子, 另老師講故事時, 會問小朋友, 最好小朋友有d反應 (我當時都有細細聲同個女講, 如果妳想答就舉手, 有反應係會比分, (不過, 唔好刻意大聲提, 老師會唔鍾意, 上次, 有個婆婆好刻意提個孫, 老師都叫佢比返小朋友答.) 日常同小朋友講多d故事 & 玩多d, 表現 close d. 係有幫助.

summer_66

hi J&D

我個女都係下午班, 妳果個係什麼班, 小女 K1A, 會唔會係妳果囡同班同學.