小女 BAND 2 成績, 可否考丘佐榮 ??

BB200200

幾會大唔大 ??
我只諗到呢間學校, 未諗道另一間, 因為今年我可以幫個 女搵2間, 有否提議來作參考, THANKS A LOT !!

小彬彬

丘中上年只收 2% band 2 學生....

EFGMAMA

Band2學生可揀的Band2頭學校有：
何官（其實Band1/2已經係一半半）
五旬節
培道
九真

BB200200 寫道:
幾會大唔大 ??
我只諗到呢間學校, 未諗道另一間, 因為今年我可以幫個 女搵2間, 有否提議來作參考, THANKS A LOT !!

rclamlam

入到既機會唔大囉, 最好唔好浪廢左個機會, 應該揀適合既中學會比較好.

BB200200 寫道:
幾會大唔大 ??
我只諗到呢間學校, 未諗道另一間, 因為今年我可以幫個 女搵2間, 有否提議來作參考, THANKS A LOT !!

BB200200

好多謝各位提議, 我頭先同個女講而家你個成績係BAND ２只可選擇中中學校，佢話唔想，因為佢唔鍾意中文，甘我就話你要追成績，希望黎緊可以追到BAND１尾。

LilyMaMa

BB200200 ,
BAND ２,2 到點？頭、中、尾？
有否其他強項or特異功能？
小學程度如何？
這幾點對揀學校係好重要的，今年雖可選2間，但競爭都會大d，真係要小心選。希望你囡囡可以追到BAND１尾。

rclamlam

Lilymama,

如果係Band 2頭既都唔可以博英中架, 除非個區係好多英中位, 不過始終都係好危險, 萬一入唔到頭3志願就可能會去到好後, 我都有朋友個係Band 1架, 仲係band 1中添, 點知派左去十幾志願, 佢揀學校已經唔係進取.

BB200200

LilyMaMa,

我個女係頭、中、尾我唔知   我係估計大約, 其實我都諗緊選沙田(住)定九龍城(返學校),   我個女都無特異功能, 成日做D野又唔全力, 而家佢係學校田徑隊, 可以入泳隊, 不過又驚溫習時間唔久, 真係煩  

rclamlam

bb200200,

如果你住沙田真係可以揀沙田區, 咁樣機會會大o的入到英中, 你阿女宜家係五年級定六年級呀? 學校無講佢成績係點呀?

BB200200

rclamlam,

我係住響沙田, 個女返學響紅磡, 今年九月升小六, 所以我而家要幫佢諗。
今日同個同事傾計, 佢個人提議我個女選 中中, 因為佢話如果幸運入到英中, 好多科既(尊)有名稱好深, 驚我小朋友(形附)唔到, 佢會讀得好辛苦。
如果同老公講佢會話 "你話事" 好彩有你地  

3kidsma

BB200200,
如你女係41網, 自行可博一間band 1尾的沙田英中. 因九龍城少人在第一志願填沙田中學.
例如, 在沙田有很多band1生第一志願選林_謀都不中, 但41網學生放第3-4志願都入.

CindyQQ

我校今年有幾個小朋友跨區入沙田Band 1英中都入到

rclamlam

bb200200,

你阿女如果係band 2頭既, 都可以博去沙田區既林漢光同鄭榮之, 都係英中次少少既中學.

最主要係要看你個女想唔想讀英中, 就算中中都唔差架, 好似培說都唔錯.

rclamlam

bb200200,

你女間學生應該係九龍城區啦, 如果咁就唔好轉區, 到揀學校時會有跨區沙田既學位比九龍城架, 你到時揀第一志願沙田英中, 好大機會入到, 不過到第二志願就一定要揀番中中.

vivi_vivi

bb200200,

我都贊成rclamlam 俾妳既意見呀, 一來九龍城呢個網係好既校網, 二來沙田區有好多英中都俾好多誇區額放係九龍城個網, 咁樣如果妳係第一志願揀沙田英中, 真係好大機會入到, 事關好多九龍城網既家長都係心儀一啲九龍城網既名校, 所以佢哋好少會放沙田網既英中係第一志願.

按2004/2006年度中學學位分配中, 九龍城網有以下幾間沙田英中既誇區額, 計計埋埋都好多架

1. 浸信會呂明才中學 (沙田) >>>> 10個位
2. 鄭榮之中學 (沙田) >>>> 3個位
3. 聖母無玷聖心書院 (沙田) >>>> 10個位
4. 天主教郭得勝中學 >>>> 13個位
5. 五旬節林漢光中學 >>>> 13個位
6. 沙田循道衞理中學 >>>> 16個位
7. 沙田培英中學 >>>> 13個位
8. 沙田曾肇添中學 >>>> 26個位
9. 沙田崇真中學>>>> 10個位
10. 聖公會林裘謀中學 >>>> 13個位
11. 聖羅撒書院  >>>> 6個位

BB200200

rclamlam, vivi_vivi,

其實我覺得個女適合英中, 因為由佢小一開始佢D中文唔係甘好, 什到考試唔合格, 佢平日功課響補習社, 個導師話佢中文要教幾次才明白, 但英文教一次就明, 所以我個 女想入英中。
但係我老公話想個女讀中中, 因為佢中文唔係甘好, 要迫佢面對多D中文, 而佢英文底唔係甘差, 上到高中如果係英文佢會(形附)到, 而且我同事都提議讀中中, 我都諗著比佢讀中中, 等佢磨練下中文
其實我已經諗著用九龍城選學校, 但係我老公話沙田    話方便個女返學,  請問如果沙田中中有邊幾間學校, 等我比老公睇, 睇下佢選唔選沙田。而家我心水自行選五旬節,九真或德蘭,  但係個衰老話要沙田  

想請問一個問題, 假如我已經選左以上其中2間自行考, 是否在填表時都填這2間入幾會大??

THANKS A LOT !!

rclamlam

bb200200,

我覺得你自己就揀番九龍城區學校, 因為沙田區都有好多人, 要跨區係自己收生度出線真係好難架.

德蘭我建議你唔好揀, 我記得唔係英中來喎.

你唔好諗住個女中文唔好揀英中會岩佢o的, 如果英中你中/英/數唔合格都幾麻煩架, 英中唔係只顧英文, 相反中中唔會容易讀得過英中, 唔好諗住容易.

真係想讀英中, 你真係第一志願揀沙田啦, 越少學位九龍城區既家長一定唔揀, 而且好少住沙田出到去九龍城番學, 而且機會率問題.

edithedith

bb200200,

唔好意思, 我啱啱路過, 都有小小意見.

我覺得你應該"就"住個女ge才能去揀, 以免選錯, 因為選錯係會好大件事, 我最近有一位同事, 佢個仔在小六時全級三十多名, 去咗荃灣嗰間安柱(英中), 入到英中嗰年佢屋企非常開心, 可惜, 佢個仔越讀越唔惦, 結果今年暑假要補考, 之後只可以試升中二, 更令佢媽媽傷感的是, 學校社工叫佢早些同佢個仔轉校, 因為以佢經驗佢覺得佢個仔就算試升到, 跟住落嚟都唔會跟得上. 唉, 做父母的梗係想個細路能步步高陞啦, 所以當初知道佢噤叻十分安慰, 但點會估到會變成咁呢, 依家佢媽媽擔心得不得了....

正因為咁, 我覺得如果你個女係Band 2成績的話, 縱使佢可以追得好一些, 我認為都係揀一間程度適合佢的中學為佳, 其實英文比中文好些真的不代表佢英文就非常好, 要整體來看, 如果揀中學得好, 中中都幾好, 除了學業外, 我們做父母的最大祈望就係仔女不會學壞.

如果你老公想你個女入沙田讀, 如果係跨網, 那麼試試胡中中學, 這間中學雖然係中文中學, 但佢哋課程已經近似英中了, 另外又可以試試馬鞍山崇真, 我見佢哋d成績都唔差, 最重要係佢d學生幾乖.

希望幫到你.