返幼兒園

wwma

我的囝囝比較頑皮，於是８月開始俾佢返幼兒園希望等佢可以早的学吓同人相處同守紀律, 点知第四日佢已經跌倒,隻眼仲瘀咗，真係好鬼心痛。
得２歲人仔, 送佢返学見佢係咁喊又真係好唔忍心! 又驚佢會再次唔小心跌倒! 宜家都唔知仲俾唔俾佢讀好?
想問吓大家点解會俾小朋友返幼兒園？
對小朋友有啲咩期望？

didikoko

唔好前功盡廢呀...繼續俾佢番啦, 我個囝囝七月頭(19個月)開始番學, 每日番四小時, 開頭兩三日喊足三四個鐘(聽d老師講), 跟住就慢慢唔喊啦, 剩係我送佢入學校個刻喊

ktmama

HI, WWMA

梗喺俾佢返啦, 其實返學真喺好好, 小朋友可以學到好多嘢架.  繼續堅持啦. 慢慢哋你會見到佢的進步架.

其實好多小朋友返學都會喊, 因為要佢一個人喺學校對住 d 唔識既人, 個環境又唔熟識, 但當佢慢慢習慣後, 就無嘢架, 仲會好開心.  

我個小朋友上年都有返幼兒園, 起初開學時都喊咗三個月先無再喊, 其實佢鐘意返學, 但我走嗰刻佢又唔捨得. 佢依家喺原校升 k1.  佢好鐘意佢間學校.

你多 d 同佢傾吓計, 講多d 返學的開心事, 鼓勵吓佢, 好快就會適應.  

你的心情我明白, 有時小朋友跌親真喺在所難免, 家長心痛固然有, 但唔應該因為咁就怕比佢返學, 經一事, 長一智, 佢慢慢會學精, 學校喺一個小型的社會, 佢可以學到好嘢. 俾心機啦.

wwma

多謝兩位意見! 不過就真係幾心痛!
奇實見佢喊是小, 我一直最擔心嘅就係驚老師只得一至兩個但就要睇住成十幾個咁細嘅小朋友, 一吓睇唔住咪好似我囝囝咁, 真係估唔到第４日就發生咗意外。
但都算好彩, 如果撞落啲隻眼咪.........真係好鬼驚呀！
老師話佢隻眼仔係去廁所時企唔穩跌倒撞落條扶手度撞瘀的。所以都諗咗好耐究境返唔返好？ 但個心又好想佢可以過多啲群體生活等佢可以同人相處得好Ｄ。 因為佢俾工人湊己經成為家中的小霸王, 但工人凑一對一發生意外機會又會細Ｄ, 真係唔知点好?１５�１６!

ktmama

HI, WWMA

唔好咁 15/16 啦, 你要俾 d 時間個小朋友去適應, 你可以同仔仔講要自己小心些, 多些提點他, 始終佢都有朝一日要返學.

其實反而喺幼兒園, 老師會 take care 得多d, 一些基本的技能如穿衣服, 自我梳洗都會教到, 最緊要同學校溝通得好些.  有時意外真喺好難避免, 有時自己小心但人哋唔小心都會撞到, 一上到 k1, 老師又會放手多些.

而且讀過幼兒園, 到升上 k1 時會適應得快d, 學習可以吸收得好些.  

你試吓俾 d 時間個小朋友先啦.  

didikoko

我同意呀!
報告下我今朝送個仔去番學情況....經過一個半月的時間....今日(第一次)佢同老師自己行入課室, 同我bye bye...無喊, 仲笑笑口添....我第一個感覺...佢大個仔啦....有d感動眼濕濕....

所以...時間可以改變一切

sukiwk

請問九龍區有邊間幼兒園好???
我個仔現在9個月大, 我應該幾時要報名???

TongSzeLai

wwma,

唔知你BBo個間幼兒園會唔會啦;我BB返學頭兩日都係唔肯跟大隊,周圍走冇坐定,搞呢樣搞o個樣,仲fing開老師唔俾佢拖; D老師發現到呢個問題,之後幾日我就覺得佢地次次排隊都捉住佢先,活動時都會留意佢多o左 (因為返學唔夠兩個星期,我已經收o左miss幾個電話匯報    );呢兩日我BB都明顯進步o左,較守規矩,只不過仲係唔坐定定姐。
不如你試下同D老師溝通睇下佢地會唔會留意多少少你BB亦俾多少少時間你BB去適應丫。因為,我

PW530

睇到咁多mami講，真係返n1幾好woo....    須然我個女得16個月，但而家已經幫佢報咗幼兒園嘅G，諗住直升n1law.......     

wwma

TongSzeLai,
我啊Ｂ都同你ＢＢ一樣都係唔肯跟大隊,周圍走冇坐定,搞呢樣搞o個樣,仲fing開老師唔俾佢拖(以前同佢返過playgroup都係咁, 就係哩個reason所以先想早啲俾佢返学学規矩)。我都有同老師講過請佢多啲留意, 但始終２個老師要睇成十個ハ個小朋友, 睇得一又睇唔到二所以先會令佢撞咗落條扶手到救唔切!
現在返到第三星期了,但 我又唔係覺得佢有セ特別進步! 唯一係夜晚早睡了。 老師話佢除咗同我分開時喊一陣外好快就收声, 都好肯玩, 食飯就只係食２啖跟住就唔肯食,又吾肯Ｓleep。尋晚無端端又發燒又咳 (可能学校有２個小朋友都有咳), 又俾人傳染了, 所以成日都１５/１６! 好煩!

TongSzeLai

wwma,
你BB讀全日班o架?係咪長時間得濟未o甘快習慣呀?我BB已經返o左2星期學,由上星期一日一個鐘變成依個星期一日個半鐘;我BBo個度一班有3個老師但平均計都要睇成八、九個小朋友o架!

至於食飯訓覺唔多乖,係咪平時屋企有姐姐幫手餵同呵佢訓呀(因為我BB係)?結果,o係學校我BB連最鍾意的通心粉都只食兩啖,因為無姐姐幫佢"不"(佢只愛拿起匙羹放入口),呢樣野我就怪我家姐姐寵壞他,已勒令姐姐在家要train佢。說真丫,學校真的不能如姐姐般照顧他(否則如何訓練他)。

至於,你BB病了,我反而有D關心,雖然小朋友返o左學多o左病唔出奇,不過留意下學校衛生措施做得好不好o羅(尤其是全日班),因為學校要求我BB日日探熱,BB書包內要常備口罩,一日洗兩、三次手做得好足o架。

總括o黎講,我估我同你BB都應該要早D培訓紀律(否則等到上K1先返,佢反應可能一樣),只係究竟現在BB未適應丫,定間幼兒園唔o岩佢;我唔敢莽下判斷,你不如觀察多一排同去參觀下其他幼兒園,睇下大家有冇大分別。

wwma

TongSzeLai,

我BB係讀全日班o架! 不過我只係俾佢返半日咋, 見佢末習慣加上又撞到隻眼都唔想迫佢住。自己同老公當初都冇打算俾佢返幼兒園, 只係諗住返playgroup 到3 歲先讀k1, 所以又miss 咗其他幼兒園的報名時間。但佢同其他全日幼兒園其實分別應不大, 間学校奇實都ok嘅! 揀佢最大原因係佢近屋企加上係本區口俾都不錯! 佢First 3 days 由家長陪返一個鐘, 4, 5 days 家長陪返２個鐘(有分離時間), 第二週開始就小朋友自己跟老師半日咁, 不過我阿B第二週嘅第四日就發生意外了。

我都明白BB應該要早D培訓紀律, 返学會對佢好(因佢實在太頑皮同俾工人和外婆寵壞了)。但有時又心痛佢整親同多病, 加上有時又諗BB學習紀律同讀書嘅路仲有好長係咪咁早迫佢学就係對佢好呢? 自己都好矛盾!

TongSzeLai

wwma,

我絕對應同BB讀書嘅路仲有好長,我都唔想迫佢太早讀書寫字,學呢學o路。所以,我揀o左間幼兒園好似遊樂場o甘,只望佢第一個印象覺得返學唔係苦事,打發下佢D時間,少D機會俾姐姐同D長輩寵壞,等佢知道唔係所有人都就哂佢,樣樣照顧周到。呢樣野我就覺得而家就要俾佢知,唔遲得o羅,而家D小朋友好精,再遲D先train就難 D 改o架啦!
我都明白見到個仔整親,一定好赤同自責:cry: ;唯有呢排勤力D check住,同班Miss 提多幾次o羅! 唔好放棄,加油呀!

ktmama

HI, WWMA
講真小朋友起初返學真喺可以有好多事發生, 而你作為父母的是否只可以一路話學校怎樣, 學校那樣嗎?  與其這樣, 你倒不如想吓可以怎樣令小朋友快點適應, 你與其要老師小心看管小朋友, 你倒不如想吓如何令小朋友自己小心些.  其實二個老師看管十多個小朋友已經很好, 有些學校是 1:15 ga.  就算你小朋友在家中有工人一對一照顧, 但意外一樣都會發生, 因為意外喺意料之外, 二來小朋友很頑皮, 很難避免. 只要佢唔痛後, 咪一樣再黎過, 唔通你阻止他, 要他永遠坐定定嗎?

返學後病是很難避免, 因為每個小朋友身上都會有病菌, 所以很多小朋友喺返學初期可能會每個月都病幾日, 好返又病, 因為班房內交叉感染麻, 直至佢身體抵抗力增強後, 情況便會有改善.  但這又是必經階段, 難道你又因這個原因, 而有所顧慮嗎? 你諗諗, 佢始終都要返學.  俾佢早點適應, 到上到 k1 時, 學習和適應都會較好.   

若你的小朋友細, 你可以同老師講, 佢平時在家的情況, 需要特別留意些甚麼, 同老師多些溝通, 不要怕麻煩, 大家都喺想小朋友好o麻.  

你的心情我很明白, 你緊張小朋友, 疼錫小朋友的心情我亦很了解, 但就因為你愛鍚佢, 更加不要放棄, 要堅持. 終有一日你會發覺你沒有做錯.

加油呀

pearll

Hello

我仔仔15個月大了
現正在想他應否上PN
請問你們的小朋友都有上PN?
經驗可否分享下嗎?
真的很易病?
上PN後再升上K1較易適應?
另外
有沒有在2-3歲這年不上PN只參加Playgroup?


麻煩晒
Pearl

happypo

我大o既仔仔26個月啦,
係24個月時返o左一個月,
又喊又病,
因為大仔係我奶奶睇,
細仔我負責,
奶奶話唔畀佢返住....,
我都無法,
我好贊成你o地講法,
不過佢o地唔明呢,
而且我奶奶又辛苦o既,
所以無法...........

wwma

大家的意見都好啱! 我會要堅持, 希望真係沒有做錯!

ヌ想問吓大家覺得返全日好定半日好呢?

ktmama

HI, WWMA
我就覺得返半日會好 d.  反正你有 helper 睇. 而且可以讓小朋友快點適應.

ktmama

HI, HAPPYPO
咁你個大仔幾時開始返 K1 呀.  同樣事情再發生時你會點處理呀?

happypo 寫道:
我大o既仔仔26個月啦,
係24個月時返o左一個月,
又喊又病,
因為大仔係我奶奶睇,
細仔我負責,
奶奶話唔畀佢返住....,
我都無法,
我好贊成你o地講法,
不過佢o地唔明呢,
而且我奶奶又辛苦o既,
所以無法...........