Help!!! 小朋友唔肯返學!!!

babybear

我個小朋友今個月開始學半日制N1, 初初返頭幾日可以家長陪上堂, 我個細路都冇喊, 仲一去度班房四圍拎野玩, 有笑容.

但係當幾日後佢開始一個人獨自返學, 佢就成日喊. 成日係屋企話唔返學!!!

每朝起身知道要返學又大喊!!! 什至嘔奶!!!

點算好? 係多數小朋友都有呢d難分難捨既行為, 定係間學校佢唔鍾意? 駛唔駛幫佢轉校?

有冇有經驗媽咪分享下?

kongkong

babybear
通常都係咁嫁. 冇左媽媽響身邊. 環境又唔太熟. 會扭計同唔肯番囉. 我個仔果時都一樣.
我初時都盡量唔同佢講番學. 係話去玩同食野. 又話小朋友等緊你. 其實佢都仲好唔願意. 我咪帶d糖. 等佢入去時. 就話:"你入去叫老師幫你剪啦." 咁佢就會入去. 咁你就要即刻閃人. 唔好俾自己多留一秒. 如果唔係會弄巧反拙.
呢個階段,都好反覆嫁. 我維持左個多月. 你而家一定好擔心又好心痛.俾多d信心, 你同小朋友一定好快適應.

babybear

多謝你既意見!
佢依家日日嘔奶, 我已經將佢早餐既份量減半. 希望佢快d適應

盈b媽

babybear
我囡囡今年10月會返全日n1. 係救世軍既nursery.

校長好好, 同我 & 我老公解釋左好多情況. 校長話好多小朋友頭幾日唔喊係因為有新鮮感, 但係新鮮感過後, 加上覺得o向學校要守既規則多多, 就會唔開心, 甚至唔願意返學.

唔好咁快就諗同小朋友轉校, 因為不斷既環境變遷會更加令小朋友難於適應, 會有反效果.

校長話唔好因此而唔比小朋友唔返學. 適應期過後, 小朋友就會好鐘意返學, 連病或者假期都要話返學添.

而家呢個時候只好比d耐性, 陪小朋友走過呢段適應期.

學校老師同校長都好有經驗, 或者你可以同佢地傾下, 睇下可以點樣家校配合去解決問題.

monkey妹

babybear,

kongkong同盈b媽講得對, 個個小朋友都要時候適應, 有快有慢, 千其唔好急等小朋友慢慢適應, 我個囡都要1,2個月才適應到, 而家都不知幾鍾意返學!

pretty05

真係好喇,搵到個topic俾我呻下

  我仔仔都係今個月返n1, 尋日先返第二日咋，可以有家長陪，因為我要返工，交由湊開既奶奶陪返學，點知尋日返第２日，我奶奶就要求我轉校．．．話間學校，校長，老師點差差．．差．．差．．（但我唔係好信囉，而且尋日仲要係有家長陪同之下上堂添，斷估學校差ｄ都唔係做俾家長睇瓜）間學校係我捒既，　奶奶講到咁差，目的只係一個，因為由頭到尾佢都唔想我送個仔入學，因為佢太寵我個仔，唔捨得俾佢喊．所以依家就不停咁搵借口要我唔好俾個仔返．．．．．．尋日嘈左好耐，仲要連自己既老公都聽埋佢媽講，都唔想俾仔返添，我真係好傷心呀，尋日係我一個人對抗佢地一家人囉，　都唔明做錯ｄ咩，我做父母既送個仔入學，　都要先考慮佢老人家既心情先可以決定嗎？

盈b媽

pretty05
你會考慮同你先生一齊去搵校長傾下嘛?

我囡囡將會讀個間nursery既校長, 一早已同我地講左你而家遇到既情況. 校長話好多老人家都唔捨得個孫仔喊, 覺得返學令個小朋友喊好淒涼, 所以老人家寧願小朋友退學唔好返學.

不如你同你先生約校長傾一傾, 等你先生聽下校長點講, 令佢明白呢一個係適應期.

pretty05

盈b媽：其實個ｄ情況我去學校時，老師己經講過喇，我亦都有同老人家佢地解釋過，　問題係佢不想俾個孫返學，所以成日搵野黎講．．．又喊喎，　好像我對佢做過ｄ咩壞事咁．．．我只係想個仔早ｄ適應姐．都要受佢地咁多壓力．依家係佢老人家唔捨得咋喎，我個仔暫時都無野，如果係個仔返左個幾，２個月都唔鐘意返，就話要考慮下洗唔洗轉校姐．依家純碎係佢個人問題咋

monkey妹

pretty05,

辛苦你啦! 其實而家d老人家真係太錫d細路, 有時係過份左!
只不過小小問題就話對個小朋友唔好, 唔通我地係佢呀媽都唔識點樣為d小朋友好嗎? 我睇你都要d時間才可勸到你奶奶啦!

chan803

pretty05,

其實你現在最需要係同你老公分析利敝, 要令到佢支持比小朋友返學的決定,  而唔係同老人家佢地解釋.

只要兩夫婦一條心, 基本上可以當老人家佢地唱歌. 過多兩個月, 佢地就會見到返學的好處.

kongkong

pretty05
我當初都有呢個問題. 但果個唔係我奶奶. 係我自己媽媽.
佢話:"咁細個, 就要困住佢.唔駛番啦".當時心情梗係好難過, 真係諗左好多轉~番唔番呢?! 跟住我就同佢講. 而家番一個月先. bb唔想番先至退學. 可隨時退嫁!
之後我媽都冇出聲. 我個仔就由我帶番學. 我梗係唔會俾佢見到喊既場面. 當中就經歷左小朋友扭計唔入學校既場面.
後尾大人同小朋友都習慣左. 我媽發現bb真係有d 出人意表既野學番黎. 又講多好多.就慢慢接受左. 總括黎講. 番n1我個人覺得會對升k1係有好大幫助.
大人同小朋友都係要面對呢個轉變的. 只係遲與早既問題. 你冇決定錯. 唔駛唔happy!   

pretty05

多謝咁多位媽咪既安慰呀 ~ 真係好開心有人明白我

   其實我嬲係佢地一家人咁齊心,仲要只係返左2日咋,連老公都係咁, 我只係送去返學,唔係做錯咩大件事, 我純碎企係媽咪既角度為我仔安排適當既事情, 而佢地就為自己既私心, 要我放棄入學, 再加上連老公咁樣......令俄特別心酸, 好似孤身作戰咁.....哎.........e家奶奶喊生減死咁, 搞到我變左係衰人,令到佢咁傷心.

    我自問當住佢地面，己經係自己忍受幾興都好，都安慰佢地講清楚問題所在，　可以的話，我直情想發佢老脾添呀．咁佢唔捨得，咁我咪同佢講，自己湊返學先再返工，費事送到學校又係度喊苦喊忽咁，咁樣對小朋友都唔好架痳，而且我自己做媽咪真係好想親自送仔仔返學，但佢又死都唔肯喎，雖然我真係好想親自送，但佢唔肯都算，咪讓俾佢送返學囉，但佢又俾說話我聽囉，講到好像我係度怪佢，唔俾佢送返學．．．哎．．．我都唔知自己仲可以忍到幾時

mercy_mama

會唔會係你太緊張個小朋友,所以佢先可能話唔返學,因為小朋友好敏感,佢知佢發脾氣有效,就會日日發.
我個女佢都係上個月返n1,但佢好開心,日日起身就話要返學.

奶奶方面,其實佢都係因為太愛個小朋友,我奶奶都唔俾我個女返學,話咁細個好慘,我就話小朋友可以同其他小朋友一齊玩可以學多d嘢,要個小朋友日日跟住大人去街/街市,一陣有virus,野咗d病就真係慘,而且佢未適應,

佢始終都要返學,現在如果咁就唔返學,下年佢好大可能用同方法.(小朋友一次成功,就會成日用同類方法) 咁下年係唔係都唔返學?

pretty05,
放鬆d,有須要call 我啦!

pretty05

mercy_mama 好多謝你呀　∼

　　我自己一向都唔寵仔仔的，唔係我緊張呀，係奶奶咋，衣家既情況唔係我仔仔唔肯返，　而係我奶奶自己唔想佢返咋！所以先勞氣．　因為我仔仔本身好怕陌生人，而且學野都比同年小朋友遲好多，所以入學對佢有幫助．

　　哎呀，我只係激氣身為媽咪，對仔仔既事一ｄ話事權都無囉，乜都就佢老人家，乜都要聽佢講，跟佢做法．佢想點就點，以前我就係就佢，順佢意，到最後都搞到事情一堆手尾俾我執，我次次事後都好後悔，所以今次就算佢老人家再俾說話我聽，再嘈，我都會堅持，　其怹野我可以忍讓，但關於仔仔返學我今次點都會向認為岩既方向去做決定．唔理佢要生要死喇．．．

88654321

kongkong,
記唔記得我呀?
我都好驚呀,我知我囡囡實係喊得最耐嗰個,佢連番playgroup都痴住我唔肯落地玩,你番水浸都見過佢啦,又瘦又細粒,佢比人蝦又實喊,我太唔放心比佢自己番學,但我又知番學對佢來講係好嘅,我怕到時佢响學校喊,我响條街喊.

kongkong

緊係記得la. ~connie
我想講既係囡囡到時一定一定係會喊. 真係連你自己都喊嫁!
我直情番工都冇心情做野.
俾人蝦就唔太驚. 因為老師會睇住o麻!  果時學校有話, 其實家長只要狠 心放低小朋友俾佢地. 小朋友就會好快適應. 你真係要俾心機呀!!
我今個星期又番唔到水浸.我都好想番呀.

88654321 寫道:
kongkong,
記唔記得我呀?
我都好驚呀,我知我囡囡實係喊得最耐嗰個,佢連番playgroup都痴住我唔肯落地玩,你番水浸都見過佢啦,又瘦又細粒,佢比人蝦又實喊,我太唔放心比佢自己番學,但我又知番學對佢來講係好嘅,我怕到時佢响學校喊,我响條街喊.

88654321

但係會唔會嚇怕咗佢,以後都怕咗番學架??
水浸搬咗,無咗BB房. :evil:

mercy_mama

pretty05

我覺得有d太就小朋友的老人家係屋企,就更要送個小朋友返學.
起碼個細無得俾d老人家縱慣.

d小朋友好勁o架,好識睇大人的反映,所以做媽媽就算再心痛/肉赤都要做到好堅持/好唔緊咁!

你放心,我撐你       

babybear

honghong, 盈b媽, monkey妹: 多謝妳地比d意見同支持!!!
honghong:
我今日就係好似你咁"佢一入去我就即刻閃人. 唔好俾自己多留一秒" d miss 都話唔好比佢見到你, 佢就會快d收聲唔再喊.
盈b媽:
咁又係:"...不斷既環境變遷會更加令小朋友難於適應, 會有反效果..."

pretty05:
好似你個case 都幾頭痕. 其實你奶奶明唔明點解你要比個仔返學? 佢知唔知你係為個仔好? 千祈唔好心軟!!! 到你囝囝適應o左之後比佢見到你囝囝學到野, 佢就自然冇聲出.

kongkong

梗係同佢講聲
"bb,媽媽去番工/買野.  你放學我番黎接你."
然後走人!

88654321 寫道:
但係會唔會嚇怕咗佢,以後都怕咗番學架??
水浸搬咗,無咗BB房. :evil: