培正同馬頭涌(福祥街)會點揀?

iris-pc

培正要交學費,但有中學, 馬頭涌是津校, 但沒有中學. 慳番D學費補下英文或普通話會否更好呢?

klau-bk

想問係邊間馬頭涌?
如果唔想煩, 培正有中學, 會比較有利. 小一得32個位俾出面d人爭, o甘難得至入到, 更係唔好浪費.
我識得有個SFA收o左o既都考唔到.

iris-pc

係九龍城舊校,聽講紅磡灣會較好, 不過我有朋友在九龍城舊校讀, 他說教學幾好,老師都好好, 同埋網址不錯,可以派到好多好的中學, 我的囡囡普通話同中文較弱, 但交了學費已沒有太多的多餘錢可以學普通話了.  

klau-bk

你個囡囡o甘o力考到培正, 點解唔去試下叩紅磡灣馬頭涌?佢地中文係普通話教學, 九龍城就唔係. 個校園面積仲係舊校兩倍幾.
培正九百幾人爭32個位, o甘難得, 無理由放棄姐.

iris-pc

都有考紅磡灣嫁, 考完筆試仲叫囡囡面試, 諗住剩係同小朋友interview,咪由爸爸帶她去囉, 點知原來係問家長問題, 我諗係interview衰左, 因為問點解轉校時, 爸爸剩係話想慳番D學費, 我話點解你唔讚下人地間學校呀, 好似講到唔駛錢先讀唔旨在咁, 爸爸話最初囡囡話死都唔轉校要讀番培正咪求其答喎, 結果電話覆暫時冇人退學, 到九月有人退便通知你轉校囉! 個校長話囡囡考得好好嫁, 如果面試時多D誠意應該收的機會好大,真失敗!

klau-bk

點解要考筆試o既?聽朋友話小一叩門好似淨係要面試咋喎. 你個小朋友係原本o係培正讀緊小一宜家插小二? 定係o係培正讀完k3而叩門馬頭涌呢?
同埋點解係個校長打俾你o既?聽講佢好似無參與小一叩門interview喎, 原來最後拍板都係親自甄選?
既然你囡囡o甘鍾意培正, o甘就不如由得佢繼續讀落去, 有一條龍唔使o係小六再煩多一次呀嗎.

iris-pc

囡囡是培正小二生, 想插班小三, 紅磡灣馬頭涌考完筆試, 之後電話通知面試, 點知原來係見校長, 校長話她考得好好, 仲問爸爸點解轉校, 爸爸咪照直講想慳學費囉! 校長當時話冇乜位可能有位小朋友會移民退學, 叫等通知, 之後deadline咪收到電話話唔好意思冇小朋友退學暫時冇位, 如有位9月再通知囉! 不過囡囡買哂培正D書, 又過哂車費, 多數都係讀番培正唔駛煩了. 不過就要用6年的學費來換取中學學位了, 都幾貴嫁, 慳番可以學好多其他野.