小學波鞋???

helenting

請問各位媽咪...依家讀小學係著咩類型既波鞋架!!!

係普通白飯魚定係全白有牌子既波鞋呢???

HY412

接受全白有牌子既波鞋.

** 普通白飯魚沒有避震功能, 不太適合小孩穿.

helenting

HY412~
謝謝...

BonnieKam

其實我諗依家都少左人會(好似我地以前細個讀書咁)著白飯魚囉, 近年多數家長都係喺Dr. XXXX 買(包括我自已), 通常開學前佢地都會有個PACKAGE係一對黑皮鞋+一對白波鞋的, 一來佢地標榜照顧小朋友腳仔的發育同健康, 二來一次過買唔使咁煩, 我8月中都要同仔仔買對新的黑皮鞋開學 lu !!!  

HY412

我和囡囡因為都有扁平足, 所以囡囡由幼稚園的返學鞋 + 出街鞋 + 訂矯形鞋墊都是由 Dr. xxxx 一手包辦.

charismama

請問一黑一白package幾多錢呀?o甘可唔可以係一對黑色皮鞋加一對白色皮鞋呢?thanks.

et_0429

其實所謂Dr.XX好似好專業, 但我對其功效都幾質疑, 其書包不放東西都已很重, 另外, 我小朋友穿了DrXX的鞋一個學期竟在兩邊腳底相同位置生了類似雞眼的東西, 但鞋是不太迫的, 現在暑假不用返學雞眼便消失便消失了, 所以我覺得200多元一對鞋是否物有所值, 是見仁見智啦

appleyuen

200多元一對鞋又有牌子
都叫做好低ga la
冇牌子都要百多二百元啦

法子

我唔買dr.xxxx, 通常買Reebok, Adidas, Nike等運動大牌子,都係2-3百蚊對

HY412

      

係 Dr. Kxxx 做鞋墊真的不平宜, 加上小孩每年要更換一對, 計起又要成千蚊一對鞋. 我囡囡因為扁平足不輕微, 唯有 ......       , 囡囡用了三年, 好似沒有改善       , 但又唔敢唔用.

Dun&Hong 寫道:
其實小朋友有輕微扁平足, 唔係一定只可以著 Dr. Kxxx 的鞋, 在百貨公司的小童孩部會有其他牌子的健康黑皮鞋選擇, 款式又多, 價錢$200 - $350.
波鞋方面 - 我早幾個月在馬拉?買了一雙 New Balxxxx 全白球鞋給6歲囝囝, 特價 $170大圓, 鞋內弓位做得不錯.  要留意之見過NiXX 及 AdidXX 部份型號的弓位很平, 不適合扁平足小童, 要自己加鞋墊, 唔化算.

meimeilam

HY412,

我個仔仔都有扁平足, 佢係由幼稚園 K3 到而家升小四都一路係一間足科矯形中心做鞋墊, 都幾貴, 成 $800 一對, 仲有要做埋對拖鞋, 等佢可以平時係屋企著, 都係 $800 一對, 年年都要去驗腳, 好彩每次都有 D D 進展。

sayoma

我女女上年升小一時學校安排足部檢查,而女女亦有扁平足 (一隻較差,一隻輕微)我亦在專職治療中心做了鞋墊，但沒有做拖鞋，矯形師話鞋墊只是輔助，最最緊要多做腳部運動才是治本的方法，而矯形師教的運動很容易我女通常一邊看電視一路做，這個月剛復診較差的腳變輕微,輕微的已正常了，而鞋墊亦可繼續用，不用再做新的，因女女的腳只大了DD，當然運動要繼續啦，半年先再復診．
另外矯形師話買鞋有無牌子都可以，但最重要選合適的，買鞋時要預多大約一隻手指空間，而鞋後跟位要硬（故定腳踝）．
而著鞋時腳要盡量緊貼鞋後跟，空間應留在前面，讓腳趾有空間生長

et_0429

我都話所謂DR.XXXX的鞋是好是壞跟本亳無根據架啦, DR一字常給予家長錯覺以為好專業, 但跟本無研究証實, 它的鞋是對足部有用, 它的書包是對脊骨有幫助, DR一字只是商業技倆, 若不是我的孩子穿了那對鞋後兩邊腳都生了類似雞眼的東西, 我也仍在夢中, 各位家長真的不要人云亦云, 小孩子有扁平足不如帶他去找真正的專業人仕檢查治療好過

ykitty

Agree! Because of working needs, I brought it and know it is not as good as it sound. I buy reebock for my kid and it is quite good.

meimeilam

係佐敦道嚟架, 好似將軍澳都有,我要返屋企睇下張咭片先, 如你有需要我可以比個地址你。

honeybbb

如困單單波鞋, 我都係買nike, addidas, new balance... 佢地真for sport 同埋pro 得多, dr.kong 既鞋只係由皮鞋變波鞋, 上年我同仔仔去睇脊骨科醫生, 我都有問佢dr.kong係 咪好d, 佢話 佢地學會唔多認同佢地所標榜既功效, 特別係運動鞋應該買真係for sport個d!