06年9月入讀蘇淅幼稚園K1既家長, 入唻交流下啦!

煎雙蛋

Hi all

我是新來的 真係後知後覺而家先知有呢個親子網，可以比我地d家長交流下，請各位多多指教

我個仔都係k1上午班的~~

十月媽咪

煎雙旦,
你個仔係K1邊班架? 我個女E班架!

十月媽咪

今日阿女卒之都放過我, 唔駛我跟佢返學, 湊佢放學喇! 今朝響屋企既時間, 做左一份freelance, 熨衫, 吸塵抹地, 煮定飯, 仲上埋bk同班friend吹水添, 嘩, 好充實!

而家阿女又瞓緊晏覺, 我又有多d私人時間, 真係, 原來咁正架! 哈哈!      

mysteven

十月媽咪,
               you look enjoyable about you full time mum life, i also want to be it ,stay at home at and look after my kid myself, because it 's better to treat and bring up the kid at every stage!~
As i need to shift duty per week ,so i am not often follow my son's stuff everyday !~~ So poor........

十月媽咪

mysteven,
嗯...so far做左全職媽咪一年零四個月左右, 我都習慣左lu, 由最初一開始, 自己一手一腳跟佢d野, 搞到成個人瘦晒(食都唔得閒食), 到佢返左學(N1), 我開始有自己時間, 亦都開 始有時間食下野, 於是乎, 心廣...自然就體胖!    到而家, 所有野都上晒軌道, 真係唔肥就奇!

不過有時都想返出唻做野架! 畢竟自己搵到錢, 就真係鍾意買乜都得, 最緊要就係, 我可以畀多D家用阿媽都得嘛! 不過都只係想下啫! 因為我知我唔捨得畀個女人地湊嘛! 所以...點都會頂硬上, 繼續自己湊佢的!  

CanKan

各位媽咪：

請問你地有冇辦法可以 lock 實個 topic 架？我每次睇都要逐個 topic 去尋找，真係好煩！

cankan

mysteven

These 2 days has the counter for making winter uniform , Has anybody go to do it? Because i have to work, so i may buy it in North Point later !~~ :-x
Does any one know where can i buy in North Point? Is it the same ??

CanKan

MySteven,

I have received your message & it is more convenient for me to find the topic now.  Thanks so much.

I go to school this morning & discuss with the parent.  They said they usually buy the school uniform in North Point as they find the supplier in school is more expensive and the quality of the school uniform is not as good as the stores in North Point.  They said there has a few stores locate in the street behind 新光 Theatre.

I finally order the uniform in School as I don't have so much time to looking for the stores in North Point.  Moreover, this time I order from the suplier of the School & I may buy those from the stores in North Point next year.

One more thing, today I see a teacher of K2 order the uniform for her student.  If you don't have time to looking for the stores in North Point, you may try to contact the class teacher to see if they can do it for you or not.  

Cankan

bbdou

各位，如果買校服，可以去北角街市的校服舖買，尤其係冬天白色嗰件線衫，學校買的個領好緊，著得好辛苦，街市買的好好多。

十月媽咪

CanKan,
哎吔, 你做乜咁衝動呀? 點解唔打電話畀我, 等我幫你買咪得囉! 學校d質地, 我今日摸過, 真係...救命...頂唔順既呢!

有個好心家長同我講, 馬寶道有個三個字既校服商(費事響度賣廣告, 總之馬寶道條街有三間校服商, 兩間係兩個字既, 一間係三個字既, 今日同阿女買左一件線衫(45蚊, 學校賣50蚊), 一套運動服(85蚊, 學校賣90蚊), 至於條裙, 因為只得22碼, 我一拎起, 覺得阿女著會太短, 但24 or 26碼又未有貨, 要下星期初至有, 所以我下星期初會打個電話去問下有貨未, 如果有, 我至跟車順便去買! 同埋呢間校服商話, 蘇幼既校褸係有分厚薄的, 佢地有得賣厚果隻, 不過我未摸過係厚成點, 因為都係未有貨! 不過條裙佢地賣110蚊, 學校就賣130蚊, 校褸佢地賣150蚊, 學校賣160蚊, 所以所有野入面, 無一樣係唔平過學校既! 所以我全部都係同佢地買, 一件都無響學校買呀!

仲有呀, 我係將呢個topic加左入"我的最愛"入面, 所以唔駛次次響幼稚園個topic入面搵餐懵!

十月媽咪

Mysteven,
馬寶道d校服商, 好近地鐵站架咋, 北角地鐵站, 馬寶道果邊出口, 一出, 行幾十幾廿步就係果間三個字既校服商架喇! 好容易搵架咋! 如果你想要電話地址之類, 話我知, 我pm畀你丫!

十月媽咪

CHM,
點呀, 點呀, 仔仔呢排點呀? 仲有冇喊呀? 適應到未呀? 聽日學校有兒歌欣賞會, 我同佬都會去禮堂做觀眾呀! 雖然無K1同學表演, 但都想睇下KC既K3學生, 水準如何嘛!  

CanKan

十月媽咪：

哎！一時醒唔起打俾你添！其實我都考慮左成五分鐘，但係唔肯定自己係咪有時間去搵間校服商，加上個家長講唔出正確既地址，所以咪唔敢博。話時話，你摸過出面校服商果條校裙既質地，係咪好過學校果個好多？學校果條我摸過，簡直係粗糙不堪。條裙22碼你都嫌短，我重同亞女訂左20碼添。

我以為兒歌斤欣賞會係播歌聽，冇諗過係小朋友現場表演，你睇完覺得點呀？

cankan

joeytcy

hihi各位

cankan你好....我係悠悠(athena)媽咪...記唔記得....(早排打過電話比你呢....)
你地個個真係好...甘清楚自己仔女d野.....我平時都係靠電話問佢炸....因平時佢係跟姑媽住(weekend先返黎).........而且我都唔係次次問佢學校d野...........只係佢有一次同我講話佢個班d男仔比先生鬧........我想問你地知唔知月尾佢地有無helloween呀......洗唔洗扮野架..........
(重有...cankan我個女係藍組)
祝各位中秋節快樂!!!!!

十月媽咪

CanKan,
我今日都摸清楚學校果條裙, 嘩, 頂唔順, 真係好"鞋"呀! 我印象中, 寶馬道果間d裙, 我摸過, 唔係好似學校果d咁鞋架, 好似係滑d既! 嗯...佢地星期三有貨, 到時我買左再confirm你!

今朝同隻佬齊齊去左睇"兒歌欣賞會", d表演大約一小時左右! 係FOR所有K1-K3既學生及有興趣既家長觀賞, 今日係K3A-K3F輪住表演, 過多幾個月就輪到K1架喇!

今日個欣賞會好精彩呀, 首先老師叫晒D今個月生日既小朋友企晒出唻, 接受全校其餘幼稚園學生的祝賀, 點祝賀佢地呢? 就係唱生日歌喇! 先唱普通話, 再唱英文! 呢PART阿女好投入, 佢仲要企最前面, 又同我揮手, 當然佢都有唱埋一份啦!

之後就輪到K3各班輪流表演, 睇得出老師係有落過心機, 亦都睇得出, 雖然每班教既野係一樣, 但係表演既方式, 做既手勢, 學生既投入程度, 老師既緊張程度都有唔同, 總之就精彩!

K3學生表演完之後, 就輪到K2老師表演雜技 (轉手帕), 呢PART笑到我C, 事關無諗過連老師都要表演埋一份, 仲要D手帕成日都轉唔起/轉轉下飛左落地等等...真係笑C我!   

跟住就輪到舞蹈組既小朋友表演一齣舞蹈, 好好睇既呢! 有D小朋友跳得好出力, 有D跳得好優美, 個個都好可愛, 好認真啊!   

最後就係全體學生起立, 然後擰轉身, 向住我地D家長大聲說: 謝謝各位家長! 我諗意思係多謝我地出席佢地既欣賞會! 然後佢地又擰番轉身, 我地D家長就企晒響佢地後面, 大家唻張幾百人既大合照, 嘩...好壯觀既呢!

幾個月後若然輪到阿女有份上台表演, 我一定要帶定部相機&錄影機, 出行力咁影低佢, 事關真係好有紀念價值呀!

遲d輪到k1表演果陣, 你地都盡量抽時間出席欣賞啦, 真係好精彩好好睇好得意架!      

CHM

十月媽咪,

一個月過咗,現在好些啦!不過發夢都係話唔返學,我覺佢一定係很唔開心,問佢學校D嘢,佢唔出聲,最多係唱下問聲好,無計!

原來有兒歌欣賞和睇班小朋友賀生日,咁多節目,又無寫手冊你又點知呀!如果早D知,一定偷懶去參加啦!

冬天校服星期二就訂了,質地真的很差,很硬,很粗糙,件白衫頸位又穿不過頭,唯有買大兩個碼,不過到時要剪短個袖才啱穿,或者到時側側膊多著便服就算.

不知是不是男仔的關係,返了學好像比以前更容易發脾氣,有時連自己都控制不了,要出手打佢,真的不知怎算好?

十月媽咪

CHM,
個兒歌欣賞會, 手冊有寫架, 不過無寫話有乜野內容之嘛! 加上我佬記得家長日果陣, 老師講過話兒歌欣賞會, 家長係可以出席做觀眾, 所以我星期三就打番學校問, 係咪真係可以畀家長欣賞, 咁個書記之類既人就答我, 話係可以出席的, 不過就係K3小朋友表演, K1要遲幾個月先有得表演!

至於學校D校服, 我真係不敢恭維, 越摸越覺得唔掂! 噚日拎住D運動服認真咁睇下, 嘩, D手袖同腳跟位, 都係果D好易"WEI"既剪裁, 馬寶道果間, D手袖同腳跟位, 唔易WEI, SO FAR我洗完成套運動服, 都係依然咁四正架!

其實呢個情緒問題, 都唔一定係關係到性別既, 小朋友本身既性格都好緊要! 你仔仔可能比較慢熱, 唔係咁容易接受新人物, 新環境, 咁佢既情緒就真係會無咁穩定, 慢慢唻啦, 大大下, 佢地習慣左, 就會開開心心上學去架喇! 我見之前日日喊既一個女仔同一個男仔, 佢地而家返學同放學都無再喊喇, 個女仔放學果陣, 仲要係開心到飛撲去佢媽咪度, 放心啦, 畀D時間仔仔適應啦!

有時我問阿女返學開唔開心? 佢都話唔開心架! 咁我問佢點解, 佢有時會話: 好多同學仔, 好恐怖呀!/ 我聽唔明老師講既野丫嘛!...之類! 但有時佢響屋企自己玩果陣, 又好搞笑果喎, 佢會將王老師上堂既情境, 用普通話演繹番出唻, 聽到我耳都側之餘, 又覺得佢好好笑! 其實佢地仲細, 有時唔想做某D野果陣, 佢地會搵藉口唔去做! 情況就正如我地大人, 有時一早起身, 情緒忽然低落, 都會唔願返工, 都會畀藉口自己, 唉...個頭今日有D痛, 不如請個S.L.偷下懶咯! 所以果陣阿女NURSERY個校長同我講, 小朋友係會鬧情緒的, 就算平時情緒好穩定果D, 都忽然間有一日會發下脾氣, 唔願返學! 不過大人千祈唔好因為咁而鬧佢地, 要耐心話畀佢地知: 媽咪知你今日好攰, 唔想返學, 但老師同埋同學仔響學校等緊你一齊玩喎, 不如我地快D起身換衫返學同佢地玩啦!

首先畀佢知道你係明白佢既感受&想法, 再畀佢知道, 無論響咩情況下(當然生病&假期就作別論啦), 都係要返學既, 久而久之, 佢返學鬧情緒呢個情況, 應該會減少的, 希望少少經驗, 可以幫到你啦!  

joeytcy

hihiCHM&十月媽

CHM..唔止剩係你個仔...我個女d脾氣係返學後都差左(K1F)...主要係唔衰得...輸唔起.....不過呢個年齡有好多都會有甘ger情況....國慶個日重激到我好慶添打左佢腳板兩野(發脾氣重拿d玩具出氣)......算啦......  

十月媽咪

joeytcy,
你意思係, 佢返左學之後, 變成唔衰得...輸唔起呀? 可唔可以畀個例子我, 等我觀察下我女有冇咁既情況呀?  

CanKan

chm / joeytcy：

So Far 我個女返左學成個月，我唔覺得佢有情緒問題，只係開學第一個星期有一日話過唔鍾意返學，之後都冇再講過。反而佢返 nursery 果陣偶爾會話唔返學，但我每次都會好堅定同佢講「返學係佢既責任，等於 daddy mummy 要返工，姐姐要去 market 一樣」，唔知係咪 kam，佢清楚知道返學 lee 樣野係冇商量餘地。

不過我覺得佢返學返得幾開心，雖然每次我問佢學校或者老師d 野，佢好多時都係答我唔知道，但當每朝我送佢入課室時，見佢急不及待同d同學仔講野，跟住一路玩玩具，一路有講有笑。雖然人數多左d，但亞女似乎 enjoy 同好多小朋友一齊既學校生活。所以你地千其唔好心軟，係返學 lee個立場一定要堅持，可以多ｄ同老師溝通下，睇下點樣可以幫倒個小朋友投入學校生活；或者同個小朋友講多d學校既野，未必係佢學校果d，可以係你地自己細個果陣時都得既。

同埋我有時會係屋企播學校隻ｃｄ 同埋隻 phonics 俾佢聽加強佢對學校既歸屬感，我希望佢可以開開心心享受幼稚園既學習生活。

十月媽咪：

我都知學校條裙既質地好差，唯一安慰自己既係最多出年再買過，你係出面買完條裙記得通知我地係咪好過係學校買。我唔知道兒歌欣賞會可以去聽，anyway 下次我會留意住，特別係 k1 有份表演既時候，一定唔可以 miss左。

cankan