06年9月入讀蘇淅幼稚園K1既家長, 入唻交流下啦!

joeytcy

甘有係......學我老公話事計大長今都out左lou.......
你地有無問過你地個女隔離個同學叫咩名...我個女話佢隔離個同學叫朱凱婷...另外一個何x春(我聽唔到佢中間個字係咩...好似嫌字掛)...另外一個桐桐喎...........

十月媽咪

所以阿大長今呢...算啦...暫時收起佢先啦!    

阿女淨係知佢左手邊個同學仔叫迪迪, 佢今日無返學(係阿女講既, 我女仲問我: 媽咪呀, 唔知迪迪今日係咪唔舒服呢? 佢今日無返學呀!), 右邊前邊既同學仔, 一個都

十月媽咪

今日阿女想我跟埋佢返學呀, 不過我唔想跟, 事關噚晚做份freelance做到好夜, 成身酸痛, 所以唔想響北角逗留幾粒鐘, 所以同阿女講唔跟佢返學, 到佢上車之後, 見我無上車, 佢個樣好似好失望呀!  :cry:

joeytcy

早晨 :

可能你個女慣左成日預你會係學校見到你....今日知你唔去咪有小小失落.........相信好快就無野.......一次半次無問題..........

十月媽咪

唔知阿女返到學校, 有冇掛住我呢? 我家陣有少少掛住佢, 想佢快d放學返唻添!    

CanKan

其實慣左日日陪佢返學，陪少一日自己都會掛住個小朋友，所以話個小朋友想我地陪，可能其實係我地想小朋友陪我地都未頂。

好似我日日同個女返學，行果條樓梯都覺得幾辛苦，連埋學校果 d 樓梯，夾埋成佰級，有時都會諗不如叫亞女搭褓姆車返學，大家唔駛 kam 辛苦，一個星期先搵幾日去學校望下佢。

所以有時亞女同我講好累，我便會同佢講若果你覺得累唔想行，不如唔好同媽咪搭地下鐵，改為搭褓姆車返學便可以唔駛行啦；跟住我問佢你想搭地下鐵定係搭褓姆車，佢便答搭地下鐵啦！似乎佢都好 enjoy 朝早果段親子時間！

而家朝朝都同佢去哂廁所、洗埋手、飲埋水、整好哂d頭髮先至入課室，萬一改為搭褓姆車，我都驚自己唔效心。 但有時行果 d 樓梯真係幾難頂，最主要係我個膝頭哥係有 d 問題，行太多樓梯唔係幾好，唯有等出年覆診既時候問下醫生有咩野辦法可以舒緩下，若果唔係第時攪到唔行得就大件事啦！

話時話而家d天氣，你地小朋友夜晚瞓覺有冇開冷氣？

cankan

joeytcy

cankan:
請問你個膝頭做咩呀....
另我個女係姑媽到好多時都無開冷氣...除非個日真係好熱...
不過佢地真係競....甘都頂得順......

十月媽咪

CanKan,
咁你不如畀kelly坐番胡叔叔架車啦, 而家佢地真係幾乎日日都係八點四十五至五十分左右就返到學校架喇! 咁你咪唔駛行果段樓梯之餘, 又可以日日都跟車送kelly返學囉!

講真, 其實我都好enjoy日日跟佢返學架, 因為坐車果段時間, 我地會帶兩三本故事書響車度睇同埋講故事, 有時又會借畀其他小朋友睇下, 等阿女學下同人地分享兼輪流睇呢個美德! 但如果我唔跟車, 呢d野, 就真係完全做唔到喇!  :cry:  :cry:

今日anson同kelly齊齊跳舞, 佢兩個放學果陣好friend呀, 齊齊跑跑跳跳, 又玩又笑, 好開心既呢! 胡太問我會唔會考慮同佢改為一星期上兩堂, 咁除左星期六果堂我一定上唔到之外, 我而家都諗緊好唔好畀佢上埋星期日十一點果堂呀! 係呢, 你會唔會考慮加多一堂呀?

呢輪我地無開冷氣呀, so far淨係開風扇, 但瞓到半夜都覺得凍, 所以唔駛開冷氣都好舒服呀!

請問你地有冇人知, 除左S.L.之外, 其他原因請假, 駛唔駛書面申請通知學校架? 抑或都係打個電話返學校請假就OK呀?

pearll

Hi 十月媽咪
你好
請問你係咪住將軍澳?
我住將軍澳並於今日為仔仔報左蘇浙
想請問一下
校車可以比家長一齊坐/跟車?
再收費?
以及想請問你對此校的小小評語?

: 麻煩晒

joeytcy

我唸打電話請假都得啦掛....... overover

joeytcy

pearll:

我都係住將軍澳架.........不過我個女平日就係西灣河住(跟姑媽)....所以有關校車都要又十月mother講lou....

另不如你講下點解會想讀蘇浙???

(敝..老板出左黎.,.遲d再講)

十月媽咪

pearll,
係囉係囉, 我都想了解下點解你想報蘇浙先, 然後先再答你個問題!    

至於校車, 蘇浙係無provide校車畀一d住響九龍區既學生的, 我地平時坐返學放學既, 係姆褓車! 我女係跟胡叔叔架車, 家長可以跟車, 有時學校有d家長可以參與既活動, 我佬會請假出席, 咁胡叔叔都畀我地兩公婆一齊跟車的! 至於車費方面, 係1000蚊一個月, 出年唔知會唔會加價, 胡叔叔係只收小朋友既車費, 家長跟車係無額外收費的!  不過有時胡叔叔都唔太鼓勵家長真係長期跟車的, 而我除左開學頭一個月跟足之外, 踏入十月, 都係跟下唔跟下的!

你住將軍澳邊頭? 我住O.S., 所以胡叔叔架車比較適合我個女, 因為O.S.返學係尾站, 大約0825上車, 0850左右返到學校 (不過開學頭兩三個星期, 幾乎日日都遲到的, 因為學校附近既路實在太窄太混亂喇), 至於放學呢, O.S.係頭站, 所以1145放學, 1210左右就返到屋企喇! 好快趣既呢!    

kilam

all,

請你地小朋友讀緊K幾呀?
我想問下你地覺得老師好唔好,有冇愛心,會晤會好多時都鬧人呢?
又有冇讀緊K2,,知唔知老師如何或者比較嚴呢?

十月媽咪

kilam,
我地呢度幾個都係k1架, 暫時唔係好覺老師成日鬧人, so far我昅左成個月, 都見唔到老師鬧人!

至於老師有冇愛心呢, 我就仲觀察緊, 不過可以肯定既係, 佢地除左普通話了得之外, 仲係能歌善舞的, 好掂!    

pearll

Hello 十月媽媽 joeytcy

  我住怡心園
報蘇淅的主要原因
普通話授課+有英語學習而價錢相宜
而且歷史悠久相傳校風好好

mysteven

joeytcy,
我認出你女女是K1F嗎?因為我記得坐係我仔隔離個好似是你女女,她曾告訴我是由姑媽照顧,那個小女孩好乖好叻,有一次填色(紅書包),只有她能不出界填完整個書包.

irene09

Hi Pearl,
我都住係將軍澳又報左蘇浙, 終於遇到志同道合的人,
因連我老公都話我做乜報到遠,樓下d幼稚園咪幾好! 唉

pearll 寫道:
Hello 十月媽媽 joeytcy

  我住怡心園
報蘇淅的主要原因
普通話授課+有英語學習而價錢相宜
而且歷史悠久相傳校風好好

                  :-|

CanKan

joeytcy：

我膝頭係好多年前開始唔舒服，一直睇醫生睇到而家，曾經有醫生話我知係軟骨退化，但最近覆診另外一個醫生話唔係，不過係解釋唔倒點解；亦曾有再另外一個醫生叫我最好唔好拎太重既野，增加膝頭個所需承擔既壓力。所以你問我咩野事，我都答唔倒你，總之就係唔好要個膝頭太操勞。

十月媽咪：

我暫時重頂得順，都唔會考慮同亞女搭校車住，第時先再算；至於胡叔叔架車，對於我黎講就兜左少少，而且 sofar 拾左果段時間，我自己都有d暈車浪，莫講話同亞女睇書，剩係同佢講野分散佢注意力我都唔係幾頂得順。

我諗我唔會同佢報每星期兩堂跳舞啦！原因係 (1) 除左星期五同星期日 d 時間比較啱我之外，其他時間我都覺得麻麻地，所以我要留番星期日作為補堂之用。(2) 有時星期日我同我老公會同個女出去行下，去山頂、大尾督之類，若果報左跳舞等到跳完先出去就太晏啦！變左反而俾跳舞限制左。其實我最初係報星期日既，不過後尾諗諗下就改左之麻。

我同意呀！個個老師都能歌善舞，有時亞女係屋企，會學老師放本書係個電子琴前面彈呀。再者亞女班個林老師好 nice，每次佢見倒亞女都會攬住佢，令我都感受倒好 sweet 呀！

我開始同亞女睇緊 d 公主裙啦！你地點呀?

cankan

joeytcy

hihi mysteven

係呀...個個就係我個女啦...你個仔仔叫咩名呀...
但係我睇過佢本手冊.....原來一個月先級一次印....我個女全部都只係級要加把勁個隻左喎.......唔知學校以咩黎量度指標呢.......我同我個妹傾開計同佢講...佢話覺得我個女應該有好多野可以做到....佢叫我打電問下老師....不過我自己又覺得第一個月都唔使甘緊張住......遲多一兩個月全部都係甘我就會問下ger.........(不過我個女總以為自己本手冊無級豬就係好...hahaha....點知比我老公踢爆左...佢知道後都偏偏地咀....好彩最後都無野.....叫佢努力d啦....)

joeytcy

hihi pearll

1)學費價錢唔係甘貴....比起西灣河有d學校總貴得多...
2)國語....(因會係將來語言之一...早學易跟d)
3)我暫時都係得一個....恐怕會種壞...所以想佢去傳統學校訓練一下.....