06年9月入讀蘇淅幼稚園K1既家長, 入唻交流下啦!

joeytcy

就講國慶啦......因為實在太應節啦....
個日朝頭早......同佢玩煮飯仔時候.....佢係(玩具)雪櫃見到將佢唐家姐小時候貼紙相...我問佢認唔認得係邊個....講講下佢就問欣欣姐姐(即佢塘家姐)唔係今日黎我地度咩?..我話唔係por....佢就話係我講架...甘我就話你記錯啦..我係同你講原本靖南(另一個小朋友)黎ger...但係因為佢發燒...所以今日佢地唔黎啦...(我之前已同佢講左).....佢跟住死口都話我有講…重即刻另轉身走左自己間房添….跟住又即刻出番黎話要返去姑媽到….發晒老脾………..然後我同佢講唔可以發脾氣….佢就開始話唔要d玩具等等……無啦啦將手上玩具掉左落地下….(呢個情況第一次)…甘跟住咸囉……我無理佢…..好快佢就埋去daddy到….係甘話番姑媽到…daddy話你唔可以甘樣架……佢就話唔要d玩具…以後唔返黎啦…講講下重話唔同表哥玩…..(奇怪…關表哥咩事呢)…..我覺得佢好過份…..連一d唔關其他人都拉埋落水出氣)……於是我打左佢隻腳板兩野….話佢甘..甘...甘樣之類….(我去返sofa到一坐底)…嘩…跟住佢就一邊索氣….一邊走埋黎話決定唔做我地個女……天呀….洗唔洗甘嚴重呀….我當時望住佢….扮聽唔到再問講咩…佢再講多一次….我就忍唔住流晒眼淚…我即刻無出聲望住電視(太心痛啦)…..佢抬起頭來見到我咸佢就問做咩咸?(佢又開始咸)...我就同佢講你話唔做我個女我好心痛所以咸…..跟住我去左廁所度唸下應該下一步點做好…….你地估下最後點……

joeytcy

(下場)
我係廁所到已經知道到我老公抱住話佢甘樣做好唔岩…..佢雖然好溫柔甘…但一直都話已經決定左唔做我地個女………我行番出黎後…..我問佢你以後唔返黎就見唔到我地lo wor……佢都堅持佢ger所為決定…..我就話甘你即時唔要你所有d玩具…….(我無好惡甘同佢講…但語氣正經)…….我話你既然決定左…就將你所有玩具囉出黎掉晒去或者比人……因你唔係到….d玩具無人玩….佢就慢慢執d玩具出黎….我有幫佢手….然後我話連個燈籠(係新)都要囉出黎….佢就話唔得……..跟住我話燈籠已經無人玩…你都唔返黎囉…..佢唸左一陣竟然同我講叫我幫佢囉d電心出黎….因為佢話d電係daddy喎….要比番daddy…(我當然話我會幫你架啦)跟住我再坐左係sofa到…..我話姑媽唔係屋企喎….佢話表哥係度…我再話表哥都唔係por…甘樣我同你執晒d野去警察局啦…..佢當堂疾左一疾…然後話”我唔去”…..甘我就話姑媽屋企又無人….你又話唔做我個女….甘我依家咪要送你去警察局囉….跟住佢就咸…..當然我緊係知佢驚啦…..佢咸左無來(當時佢係企左係房門口)….我就叫佢啦…..佢第一次隻眼射下我無反應….我就再叫佢…我重申隻手出黎…叫佢過黎….佢就開始咸得好大聲…跟住佢都有申隻手出黎….行過黎….我就覽住佢….(場面感人)….
跟住我就話 : 你知唔知亂甘發脾氣已經唔岩…唔認錯重要話唔做我地個女係好過份…..我問佢你知唔知我地其實好錫你…
(女) : 佢就話知…..
(我) : 我又問佢知唔知自已點解比我鬧
(女) : 佢話唔應該發脾氣
(我) : 我問佢你知唔知你自己唔岩
(女) : 佢話佢知….重話我都唔想甘樣架…..
其他對話唔講啦…..重知我最後就同佢講….你甘對d玩具…d玩具就好慘啦…你快d執番起去啦…同d玩具say sorry啦……..佢就照早……
知後我地都無野…無晒事…..

其實對於係學校佢就無唔習慣…佢班主任都話佢係一個好獨立女仔…..佢由頭到尾都好鍾意返學….不過又時我覺得佢死撑唔衰得…..

十月媽咪

CanKan,
無問題, 校服商話聽日先有貨,我晏d會打電話去confirm, 如果真係有, 聽日就跟車, 順便去買埋條裙! 跟住就盡快向你地報告下d質地!

joeytcy,
嘩, 真係睇到我眼都突埋!    
c喇, 我想問, 你個女返學之前, 係咪都係咁架? 抑或係返學之後至係咁呢? 你個女係咪年頭出世架? 點解佢會識得講呢d說話既? 係咪有人教過佢? 抑或係佢自己發自內心講架? 我睇完之後, 心諗, 如果發生響我身上, 我都唔知點算? 睇怕我會九秒九開度門掟佢出街都似! 實在太傷父母心喇!    

joeytcy

十月媽:

係呀...我個女係1月3號出世架(即係大女).....係邊到學我都唔知...可能係電視掛.....
佢又時問野我都口牙牙....中秋節佢返黎個陣時...我同佢洗白白....佢會問點解d泡泡會走ger....又問點解d水會向下ger....
好多小朋友到呢d年齡會開始講d完全你唸唔到係佢講ger說話...有時聽到都會幾好笑............
講真....我覺得佢返學後脾氣係差左...(就上一排唔知點解佢唔肯同daddy傾電話...daddy一聽佢就話搵mummy...佢話無想同daddy傾喎..不過依家又無事啦)但係就不自於好頻密個隻...我覺得佢係情緒控制得唔好...呢d唔知係叫EQ呢....本身我想同佢報d.....course...但發覺佢返學之後佢好倦....所以等佢再識應d先再搵....

CHM

平日在

CanKan

CHM,

我個女以前返 nursery 試過調過一次位，老師既解釋係要分開我個女同另一個男仔，因為佢地兩個性格都比較剛強，但唔係愈坐愈前果隻。不如你問下老師點解會調位，我個女而家坐果個位同第一日係同一個位。

joeytcy,

睇完你個 case, 我係度諗如果係我會點做？我個女大約一年前都成日講話唔要媽咪，果陣時我聽倒後，便會問多佢一次係咪真係唔要我，如果佢答係，我便會即刻行去門口度開門走，跟住佢會喊，然後同我 say sorry。我曾經因佢個情況同佢返 nursery 個班主任傾過，佢都覺得我應該要 kam 做，要俾佢自己知道自己所說既話所需要承擔既後果。

不過佢而家已經好少話唔要我，但係會話唔要 daddy, 唔要婆婆，唔要姐姐，唔要..... 等等，我唯有同佢解釋佢 kam 樣講係唔啱，因為人地唔係一定要錫你；我會話俾佢聽佢 kam 樣我唔開心，等佢同有關人等道歉，但當然我覺得佢唔係完全發自內心 la。

好彩既係佢都幾跟我，我唯有用自己既影響力去教導佢，當然亦都有洩氣既時候，例如我同佢同埋其他人一齊去街，若果其他人想扶住佢隻手，佢立即去開話唔要，只係要媽咪。開心既係佢好跟我，唔開心係覺得佢無禮貌，所以要不停提佢 kam 樣表達係唔啱，希望講多幾次佢會記得點樣表達自己既諗法先至係正確。但到而家都重未諗倒其他更好既方法。

其實你平時同個女多唔多溝通? 會唔會因為佢俾姑媽湊，所以佢覺得姑媽錫佢多 d而覺得你唔理佢？而當佢返到屋企既時候佢覺得你話佢？你可以問下姑媽個小朋友平日既情況，睇開咩野類型既電影節目？可能佢只係照抄電視節目既對白，對當中既意義同埋嚴重性根本係唔清楚，不要太過界意小朋友講 lee D 說話，我相信 lee　個并唔係佢真正所想。

我都有諗過俾亞女去讀 EQ 班，因我自己 EQ 好差，肯定對佢有唔好既影響﹝特別當我發脾氣、鬧工人既時候﹞，我唔想佢好似我 KAM，如果你有 LEE 方面既資料便請通知我。

CANKAN

joeytcy

CHM:
你快d同你仔仔戒夜片啦....甘咪被小次機會佢發脾氣...

十月媽咪

CHM,
阿女話今日所有小朋友都係食旦糕同埋飲左水, 唔知係唔係真呢?  

十月媽咪

CanKan,
下? 你個女都試過? c喇c喇, 下個會唔會到我架? 弊喇弊喇! 不過你個方法好似好d, 應該你自己行出門口, 唔應該係我掟佢出門口, 若然大吉利是我遇到呢個問題, 我要記住係我自己行出門口, 咪我驚我火遮眼果陣, 變左掟佢出門口呀!    

joeytcy

cankan:
我個女平時同我講電話內容除左間唔中問佢係學校玩咩外...多數都係講故仔...佢成日叫我講比佢聽....有時就一齊講....佢講幾句就到我接落去....重有係電話到玩包剪 .....有時就鬥講生果名同顏色囉.........

十月媽咪

joeytcy,
你囡囡好得意呀, 會響電話同你講故事, 仲玩埋故事接龍添! 又玩包剪揼, 我果個...唉...真係問一句, 答一句, 唔啱聽果d, 直頭唔鬼答, 畀番個電話我添呀!    

joeytcy

佢通常次次都話講故仔...我唸原因係我多數會講唔同故仔比佢聽......hehe其實係次次都作d故仔求其講炸.......另外講生果名可以試下佢...初初玩個陣時都好好笑..有次我講左番茄...佢即刻話mummy唔係喎...係餸呢個喎...hahaha
呢樣野我係小巴學返黎ger...有次我上小巴...聽到個mummy同個仔係玩呢d...玩得好開心...所以我就開始同個女玩啦....真係多謝個位太太....

我轉左張相呀..呢個就係我個女啦...

joeytcy

各位 :
另我想問你地知唔知除左萬聖節要扮鬼扮馬外....12月聖誕聯歡會洗唔洗扮架....overover

CanKan

各位媽咪：

我暫時都未收到消息學校萬聖節有咩攪作，等我聽日湊亞女返學既時候問下老師先！

不過話時話，今朝湊亞女入課室既時候，見佢坐個位唔同左，同埋佢果組好似少左d小朋友，不過今日太趕，睇得唔係好清楚，等我聽日睇真 d。

我亞女都同我講話學校尋日飲維他水。

cankan

十月媽咪

joeytcy,
噚日打過返學校問呢個萬聖節既問題, 書記話遲少少會有詳細通告放入手冊, 不過肯定既係, 果日係唔駛著校服, 佢話可以著便服, 亦可以為小朋友打扮一番, 悉隨尊便架!

之前, 我都問過k2 & k3既家長, 佢地都話年年都有搞萬聖節party架, 都會有幾多小朋友扮鬼扮馬的, 我而家考慮緊, 究竟幫阿女扮小仙女好丫, 定係小女巫好呀!     我諗住收到通告之後, 睇清楚至決定!

另外, 聖誕節個聯歡會我就唔知駛唔駛打扮一番喇, 不過可以肯定既係, 阿女果班已經開始準備聖誕節既表演項目, 幾乎日日都有綵排咁滯架! 今日見到老師畀左d用益力多樽加紙條做成既pongpong (好似啦啦隊用果d彩球), 阿女放學果陣, 我問佢係咪有玩pongpong, 佢話係聖誕節表演架! 所以到時如果家長可以出席觀賞既話,大家記得請定假喇! 我諗一定好得意, 好可愛架!    

十月媽咪

CanKan,
今日同阿女去完廁所, 送左佢入課室之外, 再望去kelly課室, 已經唔見左你喇, 我仲想話畀條校服裙你直接摸下個質地

joeytcy

甘你知唔知你個女表演咩呀....我總未收到任何料喎.....而且我個女昨日無返學.....發燒呀...佢d鼻竇炎又黎啦...轉親季就係甘.............

另外我想問呀bow tei 增講學券制...係蘇浙都好似有份受惠喎...係咪呢....如果有就   

joeytcy

十月媽....

我都唸緊扮咩呀....其實我個女已有一套大長金裙同一套自制天使服飾..但如果今年唔著就唔岩架啦....所以我咪想知x,mas洗唔洗扮野羅...如果(helloween&X'mas)兩日都要就可以兩套都著下痲......不過如聖誕節有表演...我唸唔洗扮lor............

CanKan

十月媽咪：

我今日走既時候見倒你係課室門口望緊個女，因為差唔多夠鐘返工，所以咪冇同你講 bye bye。其實你個女個班房 d 窗 kam 高，都望得幾辛苦喎！

我今日都問過亞女班老師，佢都係同我講話萬聖節係會有活動。舊年我幫亞女扮女巫，今年應該唔會再扮女巫，而家考慮緊同佢扮公主、仙子、南瓜.........，女仔可能比較貪靚，我覺得佢扮女巫唔係 kam enjoy。 :evil:

原來以經開始綵排緊聖誕表演，但你點知佢地係學黎表演，而唔你平時上堂 d 活動？ 我亞女連提都冇提過！

今日認真望入亞女班房，發覺有成三四張椅子係冇小朋友坐，唔知係 d 小朋友遲到，抑或有 小朋友唔讀；但係有一樣野肯定係亞女果組少左人，因為平時亞女係坐主席位，而家佢唔駛坐主席位，而主席位亦冇放到椅子係度。

你亞女要穿 24碼裙，但係我訂左20碼裙俾我個女，可能我訂細左添！ 唯有等攞裙果日湊埋亞女去度下，如果真係短得滯睇下可唔可以換條大d。校褸我唔諗住買住，因為之前讀 nursery 果陣買左都冇麥點著過；不過果陣時學校係有冷衫既，唔係好冷既時候著冷衫，冷既時候著羽絨，件校褸都冇麥點著過，所以我想睇定 d 先，費事浪費，如果要買，我估應該隨時買倒，真係冇得賣咪著住自己 d 褸頂住當先，幼稚園應該唔會kam 嚴掛！

十月媽咪

joeytcy,
大長今同萬聖節or聖誕節都好似無乜關聯喎! 似民族服多d!
不過聖誕節有表演, 可能都係著番自己衫, 未必係學校提供的表演服架, 不過到時再問老師喇!

CanKan,
哎吔, 原來你見到我呀, 咁你走埋唻叫我吖嘛! 阿女個課室d窗, 以我既高度, 真係...唉...望塵莫及呀! 仲要衰到封晒d門, 你地果班度門張紙都除左喇, 我女果班度門張紙仲未捨得除呀!

其實點解我知阿女綵排緊聖誕節表演呢, 事緣噚日送阿女返學果陣, 因為胡叔叔架車好早到學校, 好似0845就到學校喇, 咁我咪有成十分鐘裝下d小朋友響度做乜囉!

咁其中一個小朋友, 佢一見到我, 就係咁跳係咁跳, 仲要企響課室中間勁跳喎! 跟住老師又糾正佢既跳法, 唔知點樣舉高隻手, 一二三四五六七八之類, 好有節奏的! 老師可能見我個樣好疑惑, 於是就同我講: 我地準備緊聖誕節既表演, 而家教緊佢地點跳!

其實當時我都打個突架, 而家先十月, 咁咪即係要排兩個月, 嘩, 好認真啊! 咁跟住今日送阿女去完廁所再入課室, 老師已經閂左門, 仲派緊d排排隊球, 咁放學果陣, 我咪問阿女果d pongpong用唻做乜囉, 阿女就話係聖誕節表演一二三四...好搞笑的! 就係咁喇!

至於呢個萬聖節呢, 其實我屋企有條小仙女裙, 不過係吊帶, 我驚月尾唔知會唔會涼, 到時出面又要加多件長袖外套, 冚左條裙, 又好似無乜意思, 所以咪諗緊好唔好同佢扮小女巫, 咁買件斗逢, 加個丫叉, 加埋頂尖帽, 搞掂! 無論咩天氣, 都可以著得, 事關入面果part係任我著丫嘛! 不過就學你話齋, 小女巫就一定唔夠小仙女靚架喇, 但就真係方便嘛!