06年9月入讀蘇淅幼稚園K1既家長, 入唻交流下啦!

joeytcy

我今晚去左個女到食飯....無錯....佢今次評估都係粉紅色.......不過如果下一次都係清一色粉紅...甘我就會問下老師啦......

另外我個女今晚食飯個陣時初時都無野......佢差唔多食完時(我已食完)...同我講話有d野同我講.....佢細細話佢唔開心.......我問佢你有心事同我傾呀.....跟住佢係我耳邊叫我唔好話比daddy(其實我老公跟本係佢隔離之痳)........佢初初都無講...整係話唔開心...跟住我問佢你唔通比老師鬧?...佢話唔係....跟住佢就有小小眼紅紅話...老師鬧佢一個好朋友....甘我問鬧完佢係咪鬧你呀....佢話剩係話佢個同學喎.....然之後我老公係佢後面話....

(老公) : 你同學做錯野..老師係教佢..唔係鬧佢...
(女) : 唔係呀....老師真係鬧佢架...用口鬧架...(佢當時就好認真...但我就忍笑忍得好辛苦)
(老公) : 甘教人同鬧人都係要用口ge...甘點解你唔開心..
(我) ; 你知唔知老師點解鬧你同學呀....
(女) : 因為佢裝我寫野...
(我) : 甘你係到寫緊咩呀..
(女) : 劃緊公仔.....
(老公) : 佢點裝你架...
(女) : 佢有做比我地睇...只是申過頭來....(我老公總話申個頭都鬧)
(我) :   甘我問你個同學係咪成日都係甘...所以佢比老師話....我話老師係希望佢改先話佢........
跟住姑媽就話佢係隔離個組架....(我地先明應該個小朋友出位走去我個女到比先生話)
(我) : 唔緊要啦...你叫你個同學唔好出位咪得lou...
(女) : 佢唔彩我呀..佢同學堯起對手(做動作)跟住"ng"甘樣呀...
跟住佢話佢唔開心....(呵...真想大白.)
(我) : .你唔開心係因為你朋友仔因為走左去你到比老師鬧..
...又唔彩你.....(你下次見到佢同佢講話大家做番好朋友啦)......

joeytcy

各位..星期二先再見啦......我明早要去上海出trip....星一返.......

wewetwet

joeytcy,

你個囡講野都幾好笑!有時真係見到她們扮大人時,真係唔知好嬲定好笑!
你要出trip五日?!感覺會否好唔捨得?好唔想走呢?五日喎!

我份工,成日都要離開香港,都唔知係因為唔捨得個囡,還是因為好厭倦份工,好唔想再做,所以每次臨走前都難過得要死!
雖然我每個月都有十幾日假,但每次出trip超過四天都巳極度唔捨得呢!真失敗!
而家我因為整親隻手,sick leave 了成個月,所以近來較多机會親近阿囡,和湊她放學.

有一天,呀囡突然和我講:'媽咪呀,我好鐘意你成日陪住我呀,但如你好番的話就要番工了,唔可以成日陪住我了!'
但我根本就未告訴過她我唔駛番工係因為整親手,和從來都無告訴過她我現在放緊病假,她的觀察力都幾掂,其實平時每一分秒都留意住大人的一舉一動!

我明白她這樣說並非真係想我隻手唔好番,只是不捨得我吧!

真羡慕全職媽咪,因為就算幾忙幾有壓力都是對住自己家人,而唔係出面的客人和上師,點都較輕鬆丫!如果我有能力做全職媽媽就好了!

十月媽咪

wewetwet,
咁你係咪空姐唻架? 成日都要飛, 見唔到個女, 真係會好唔捨得架! 不過做全職阿媽, 又會有另一種壓力同煩惱, 有時真係...你睇我好時, 我睇你好架! 做野果陣, 就算公司有壓力, 對住d客同上司有咩唔開心, 都只係工作時間內既事; 但係做全職阿媽, 果種壓力, 係廿四小時non-stop的, 有時會有一種透唔到氣既感覺! 不過好彩我個女都算係咁, 都算係乖果隻, 所以我至樂意做湊女婆架咋!   

joeytcy,
出完trip返到唻, 記得第一時間上唻搵我地吹水呀!  

CanKan

wewetwet：

我個女係綠組，你個小朋友係咪都係 K1F？

CANKAN

CanKan

十月媽咪：

係呀！聽講培記而家係 BAND1架！攪到我都沾左少少光。

我都唔記得左我細佬係邊一年畢業，不過應該同你冇機會遇上囖。

話時話，ANSON 今日去唔去跳舞呀？

CANKAN

十月媽咪

cankan,
去呀, 點解唔去呀? 咁kelly呢? 去唔去呀?

咁你細佬邊年出世架? 我大細佬都係謀記架, 唔知佢兩個會唔會係同屆呢?

wewetwet

CanKan,

我個女都係綠組呀,她告訴我有些女同學如范樂瑤,彭詩詠等!

點解重未有通告話有Halloween Party嘅?你準備幫你女女扮咩呀?

十月媽,
係呀,我係飛架,但真係好想轉行呀,第二行可能假期少很多,日日上班,但起碼可以日日定時都見到阿囡丫嘛!

akycheung

My son my join K2 next year, but he don't know Protugua, is it difficult for him ?

十月媽咪

akycheung,
小朋友學得好快的, 放心啦! 我個女本身都係唔識普通話的, 我平時響屋企, 亦都係一句普通話都無同佢講既, 不過自從返左蘇幼之後, 佢間中返唻都會講幾句, 咁為左鼓勵佢多d講, 我佬會響佢講普通話果陣, 又用普通話讚下佢, 話佢: 好棒啊...之類, 咁阿女又會好開心的! 放心啦! 最緊要你囝囝唔好抗拒聽同講另一種語言, 咁就無問題架喇!

咁你囝囝而家讀緊邊間幼稚園架? 點解會轉校既? 係咪插班k2呀?

十月媽咪

ccffcc,
預祝你成功呀!    

十月媽咪

wewetwet,
我會幫阿女扮小仙女呀! 我諗星期一應該有通告喇啩? 希望今年唔好話我知取消個趴地啦, 我都好心急想快d見到張通告呀!

都明既, 成日要飛, 一飛又見唔到小朋友幾日, 係會心掛掛的! 莫講話你成日要飛, 我自生完個女, 我佬話同我去旅行, 但唔帶個女去 (因為阿女之前體弱多病, 個個月都要睇醫生的, 所以唔想帶佢去), 我都寧願唔去旅行, 留響香港陪阿女的! 卒之就足足三年幾無去過旅行, 而家阿女大喇, 身體狀況亦比以前好, 係時候可以同佢飛下喇!

不過如果你真係想轉行呢, 都要轉一份唔駛成日OT既工, 事關而家D工, 好似真係無乜邊份唔駛OT的, 我好多FRIEND都係起碼要七點幾八點先返到屋企, 有D仲要九點幾十點, 最過份果個係十二點幾一點! 真係...唉...響公司既時間仲長過響屋企呀, 陰功!

話時話, 可唔可以同你公司商量下, 轉番做地勤之類, 咁會唔會可以唔駛飛呢?

十月媽咪

CANKAN,
打番D跳舞句子畀你睇番丫, 你得閒果陣可以問下KELLY的!

第一個動作:
大PIZZA, 好好味,
KELLY KELLY (其實老師係講佢地中文名, 但唔講姓的)好想食,
趴落去, 唔好郁,
我地SHAKE SHAKE SHAKE....

第二個動作:
刨刨刨刨刨尖支鉛筆,
拮落去 (我女係搵隻食指拮落去手掌), 嘩...好痛呀...

十月媽咪

ccffcc,
點呀點呀, 今日面試情況如何呀? 對學校, 對老師既第一個印象好嗎? 分享下吖!  

queenie80

我想問下你地上年interview o個陣,老師有冇同你地講幾時有result架.....

thanks.

Karajan2

My daughter did interview yesterday. The teacher said the result will be announced in two weeks.

CanKan

十月媽咪：

我細佬係78年出世架！

cankan

CanKan

wewetwet：

我個女之唔係就係彭詩詠囖！ 你個小朋友叫咩名，等我問下個女先！你個小朋友講得出我亞女個名，可能佢地坐得好近喎！

我都係度等緊萬聖節個通告， 我諗住同亞女扮公主呀！尋日已經同佢買左條公主裙，好似係叫貝兒公主，即係美女與野獸果個囖。

我係亞女出世之後只係試過一次離開香港，果陣時佢未夠兩歲，我要出差返大陸，果次係我第一次、亦係暫時只得一次唔係亞女身邊；其實果次只係去兩日兩夜，但係好唔捨得，係飛機飛之前打電話返屋企，講完之後就忍唔住係架飛機度喊啦。諗番都幾肉酸，因為坐係第一行，俾 d 空中少爺見倒都唔知我做麥，不過當時真係好唔開心，除左掛住個女，重掛住個老公添，都幾傻瓜。所以而家份工其中一個優點就係唔駛點出差，而家出面十份有九份都係要出差架！

cankan

mysteven

Holloween Party
Last year, those students studied in main stream class , they didn't have party in Holloween day , only those studied in International session! have function at that day~
So , this year may also..