保良局吳多泰幼稚園

mchan

pigpigma & 堯堯豬媽,

吓?"聖心"真係咁差架? 等我仲想幫亞囝試報呢間添....沙田仲有邊間好既幼稚園呀?

PIGPIGMA

其實當日我選幼稚園時,沙田報了3間 ,聖心,田家炳 吳多泰,3間都取錄, 田家炳重唔駛坐校車 , 佢都幾好嫁, 但我地覺得活動空間細左d , 只有一個花園仔 , 但好像同幼兒園一齊用,而聖心, 面試時印像唔係咁好, d 先生後生又態度唔係幾好, 可能太多人面試,聽講學校近河 ,  夏天好多蚊咬d 小朋友, 班数
又多 , 不過就好出名,所以都被引左面試去,而吳多泰 只有 k1 2班 地方大 ,空氣好 ,所以未選左佢,係咪冇選錯要讀左先知啦

joefoon

Hi:各Ma Ma :
How are you     
各學妺、學弟、       
我叫『小魔怪』又名『斯澄』、是妳們高一班的學姊                       
放心吧!過去一年裏、
我學會讀和認字75個中文字、大、小英文字母和1至20數學
寫字方面、所有線條都會寫、
因校方不主張太早寫字、
哈、哈、哈、似吾似H.K.小姐回顧、
如妳們是坐校車的話………咁就……慘和煩啦、
講笑咋、校車姨姨和叔叔非常非常之好和有愛心、
他們會在車上教唐詩和乘數表、和唱兒歌、
等小朋友在車上不會太悶、
我巳識背50多首唐詩、和1至10的全部乘數表、
雖然我不知道點解、(乘數表)
但將來升上小學、二至三年級時、
不會太辛苦、我會將朋友仔學背的時間、
叫Ma Ma教我乘法的運用、
我吾講住啦、
我要出街吃飯、因廣卅的舅父來了、
如妳們有甚麼想知、想問、pm我啦!?
拜拜

laiki

但聖心唔係個個考都收(以前)!有機會考入聖小,間接多d機會考入中學,中學ranking好好,吳多泰就係人都收.........就算唔識講野

HPChingchingma

PIGPIGMA 寫道:
堯堯豬媽

你選保良局吳多泰, 係咪都係覺得好呀 , 定都係聽口卑話好呢

在BK 唔係好多人讀 重有沒有其他小朋友讀緊呀

你都知嫁  , 上次給校服果位媽咪係我 囉 .........
點會唔多人讀.  我就是找你而路過這裡 ,  你要記得 pm 我 .

單是我識的而又上 BK 的媽咪 , 己 有 6, 7 個啦........

K.1, K.2 , K3 都有 , 兼亞囡今年上小學的同學都有.
BK 上係有幾個媽咪又是家長  , 但大家都不想講了 .平時多用電話傾  .多人傾又未必係好野 .   相反 , 沒有人提過又未必是唔好野 . 只係唔想講 , 但如果你話自己好 , 指人地不好時 , 就會有人提出反對. 這又何苦要講呢 ????

  
當小朋友聽話 ,學校沒有煩到你 , 小朋友沒有損傷,
家長梗係話學校好啦........
最好在 K.3 讀完時 ,就知幼稚園好不好. 好就恭喜小
朋友有個愉快幼稚園生活. 不好就給好的小學生活以作保賞啦.

沙田一巴閉幼稚園 , 會令人會入得到的 , 會好叻仔, 叻女,  仲誤會上到佢中學添 .
我大仔有讀過 , 當年真係慘.....
真估唔到 ,  到讀完小六 , 今年升中時 , 要四圍撲中學叩門 , 亦遇上幼稚園舊同學也四圍撲  .我和她媽媽傾傾下又是      的小學生活 , 入不該校的精英班 ,  如像進入死胡同 , 上不了名英中.  又上不了該聯繫中學 , 像該死的是自己 .........

唉 !
稚子何罪之有呢   

HPChingchingma

laiki 寫道:
但聖心唔係個個考都收(以前)!有機會考入聖小,間接多d機會考入中學,中學ranking好好,吳多泰就係人都收.........就算唔識講野

          

laiki

Hpchingchingma,

有機會升聯繫中學唔等於一定升到,咁你個叻仔讀緊邊間中學?

點解咁多人報,一定有佢既好處

照推論,易入即可能少人報相對黎講可能冇咁好,不過各人觀感唔同,冇可能一個人話個間幼稚園好就=個個都覺得好.相反冇可能一個人話個間幼稚園唔好就=個個都覺得唔好

NIKI5551

各位媽咪:

幼稚園老師後生唔代表冇經驗、冇愛心及冇知識。

學校轉得老師多唔代表學校及老師有問題,大部份原因係老師家庭及私人問題而辭職。

PIGPIGMA

你錯啦 ,聖心都係唔識講野都收 , 因為我個女in時都係未夠2
歲都係唔係好 識講野 ,佢地都取錄 ,不過每間幼稚園都有佢地的優點來營合不同小朋友的性格

bowling68

家姐剛剛讀完 K3.  好開心.
成日話班主任對佢地好好.
而家暑假都有返學校的美勞 同跆拳道.

弟弟出年都會揀返吳多泰讀.

普通話 & 英文 有 VCD 買.
程度唔算好深, 但都唔淺, 特別英文.
** 另外你地可以試下 K2 時幫小朋友報的課外活動.

囡囡讀左三年都無病過,
環境算大同 清潔, 天台都有得玩.

好多同學仔派番去穗禾苑既保良局蕭漢森小學.
囡囡就去左朱正賢.

都有同學仔住馬鞍山同大圍都搭校車返呢到.
我地都要坐差唔多半個鐘校車.

** 最特別係坐校車學到好多野
三字經, 唐詩 (K3 時)
木蘭辭 同九因歌 (K2 時)

蔚晴

hi everybody,
我個女都係9月入讀 k1 am class.

PIGPIGMA

HP CHINGCHING MA, joefoon, bowling68

多謝你地講咁多關於學校的事給我地知 , 坐校車都可以學到野 都幾好 , 唔駛浪費坐車時間 , 我個女應該 在博康村上車 , 上次辨手續時 , 司機叔叔話 8:15分上車 . 你地呢???

bowling68
想問下 K2 時幫小朋友報的課外活動 ??? 何以唔k1 報呢?
係唔係 FOR  k2 以上, 有什麼活動呢 ?幾錢左右呢 ?

WinChi

我來報到, 小女因不夠年齡, 明年重讀 K1, 你地讀上午或下午,上下午班有什麼分別, 請多多指教