有冇媽媽係 CCW or QKT ，一齊傾下啦！

shirley_diamond

其實所謂既私園，收既school fee好貴，但人工係咪間間都咁低??

何師奶

shirley_diamond ,據我所知!係大部份私園人工都係好平架!我已經係啦!!有時睇教協招騁,都係o的私園人工好平!都係$7000,$8000到.....唉!!一睇到呢到,就好灰啦!!

何師奶

car_man_ng ,好多人讀緊啦!如果你想繼續o係呢行做,就一定要讀囉!!你有無讀呀??

car_man_ng

何師奶
        我咪就係讀緊，9月讀最後一年。

mlkk

hihi各位:
    我都係今年resign既CCw同QKT,其實我都係好鍾意小朋友,不過我覺得而家返去唔係為左d小朋友咁,係日日要諗搞d乜活動要收多d仔,星期六下奏都要搞活動,o係條街到派傳單,放工返到屋企都係做,個時岩岩結婚真係好想有d時間,同埋好想有bb,不過唔知係咪壓力既關係一直都冇  : 咁今年2月就決心resign,點知一resign就有左
   我個時個間都算係大機構,係仁x醫院,我就好好彩一畢業就入去做,仲跟pt.,不過因為contract所以咁多年都冇pt.跳 : 不過都好好啦,有5位數,我個時見d私園請我做半日,但就8:30-3:00,得3000人工,我真係唔做啦,咁鬼刻薄

雪瑩媽咪

CARMEN,

有聽過呀~
佢都真係出左好多CE位~所以咪個個都讀緊囉~
不過,唔讀既就真係應該入唔番哩行架喇~
哩兩年都真係決定性既兩年~

我有D同事講明唔會讀,因為佢地都4x歲,
話讀完都無乜時間再教,又辛苦,又大壓力~
所以話,如果佢到時真係無ce無得做,
咪唔做囉....

meme2

我都係ccw同埋qkt,亦都讀完ce架啦....過去一年都resign左,但搵唔到其他文職做呀!!!!唔做野真係好悶,所以我今年九月又要入返呢行
你結婚幾耐呀???我結婚年幾,都好想有小朋友但怕工作壓力會應付唔黎,又驚無時間照顧bb,所以到依家都未生....

雪瑩媽咪

MEME2,
你有無試過搵reception之類既工作呀？會易Ｄ轉行．．

chanloves

我都剛剛離左職, 但係諗住轉行了...我覺得雖然本身呢一行係好有意義, 但係大部份學校都已經違背了教育的原意了,.. 明白有時為了收生又在所難免, 但係以我所經歷的...每日無8, 9 點都唔放得工, 7點鐘走都比人黑面望住...9點放工返到屋企已是10點, 食埋飯, 沖涼就要訓了, 之後又起身返工,
試間咁樣既生活點頂??  我曾經因為咁樣去找過私園做,, 雖然會較準時收工, 但係要求比起資助的有更高要求,, 課室一有少少未拾得整齊, 老闆就會晨早係你課室等你鬧,,諗番都好恐佈!!!!!  究竟點解會咁?  我自問做足本份, 家長有讚無擅, 但得來的原來這些, ,,

雪瑩媽咪

chanloves,

唔緊要啦...都走左出黎略...
學我以前d同事話濟：走左就唔好番轉頭喇（好似坐完監咁，啋！）
佢地話咁難得先走左，仲要咁好彩轉到做文職．
就唔好諗喇，阿囡仲細，而家係最需要我地既時候，
番黎份工，好明顯會忽略左自己小朋友∼

chanloves

你都講得0岩, 我會試下睇下轉唔轉倒出去咧, thx

何師奶

CARMAN,你讀緊邊度?我讀B.U.呀!!

何師奶

mlkk,咁你走o既時候有無捨不得呀??你講話咁多年無跳pt. 咁即係大約人工係幾多?介唔介意講呀?
By the way,mlkk,你大肚個樣同你之前好唔同呀!你住邊架?睇相你先生好似瘦過以前,而你個bb一天一天長大,係咪你老公好擔心所以瘦呀!Relax呀!^v^ 我睇相見你都好精神喎!

何師奶

meme2 & chanloves ,你地之前做過邊間架?

ice-skating

其實邊間好d? 理工、浸大、ive、ied?

car_man_ng

何師奶
       我讀IED呀，其實讀B.U.都好，可以拖長D來讀，你知啦D老細最鐘意叫人進修，我3年就讀完CE，重要係一星期返三晚學，真係辛苦到命都冇，但係讀完CE，再上就係DEGREE。CE已經讀到好累，邊有心機再讀DEGREE。
但到時上頭再叫我讀，我就只好用拖字訣。
      

何師奶

已經違背了教育的原意了...........我好同意!教育不再是教育!!唉!呢行前景都好灰!!
chanloves,想問你介唔介意講,做到好夜果間係邊間?無良居???而老闆就會晨早係你課室等鬧你果間又係邊間?等o的姊妹小心o的!!!

car_man_ng

理工貴
BU可以拖長讀
IVE較易讀
IED好多功課同Present

何師奶

理工唔係無啦咩?

何師奶

carman,IED好辛苦喎!!你一星期返三晚學,咁功課多唔多呀?你老闆又會唔會支持你返學呢?