我想問吓各位, 你地子女既學校老師有無偏心?

maba

想問吓各位, 你地子女既學校老師有無偏私?

今年既畢業禮, 直頭係為一位學生而設,
小司儀, 優秀風紀, 小記者, 飛龍獎,  .....加加埋埋無10個都有8個, 其他表演等, 幾個鍾既典禮,直頭為佢而設!!!
想問吓有無得向有關部門頭訴, 無機會比其他學生發揮, 唔公平....                    :tongue:  :tongue:          

noanswer

香港地,係咁! 真係好無奈.
其實我個女間學校都係咁.  

Midagemum

我女女學校都有甘樣的現象。

2fungs

有!
1) 兩個一樣冇帶書，但罰法唔同~
2) 兩班學生有爭執，雙方都有錯，但老師同亞女o個班講:[size=large]完全係你地錯!!

noanswer

我個女間學校:

全級150人, 考唔到全級頭十名, 由5年級開始的那位精英班班主任根本眼中沒有你.

考唔到全級頭十名, 無論你英文,普通話全級第一, 佢都唔會比機會你參加有關以上課目的任何公開比賽.  只會選十名以內的人

考唔到全級頭十名, 舉手答問題唔會有你份.

考唔到全級頭十名, 我問班主任我個女應該報那間中學, 佢話你自己諗..... 根本無心無誠意.

總之, 考唔到全級頭十名, 真係乜都無你份.  我而家唔理啦! 都畢業啦! 唔再嬲.....

maba

唔知有無部門可以投訴,
希望有心人可以解答

cmancman

Midagemum 寫道:
我女女學校都有甘樣的現象。

我阿女學校都係咁,因我阿女係band3,仲體會得多

CindyQQ

大家一齊錯,閙另一個一次,我嗰個兩次.其實偏心梗有,不過唔好太過份,唔係小朋友好容易唔份氣,諗埋一邊.

櫺囹桼

全世界都有偏心存在，點止學校？
如果你生左兩個：一個精乖伶俐，聰敏好學...一個呆若木雞，成績平庸，我唔相信沒有半點偏私！
如果係公司：一個話頭醒尾，準時完成...一個講極唔明，交貨最遲，我唔相信老細會升佢先！
被偏心，只是表面風光！引來閒言閒語、中傷、排斥、留難...並唔係咁好受！(我囡囡六年級時也深深感受到，不過好多謝難為佢

vivi_vivi

D學校校長同老師, 全部都好現實架啦, 如果妳個小朋友係讀到書名列前芧ge, 咁d 家長問嘜嘢問題佢哋都會答, 如果唔係, 佢睬妳都有味呀                                     

檽囹桼,

妳囡囡唔係已經入到d 名校架咩, 點解妳囡囡小六o個時都受到不平等待遇呀?

parrot1214

絶對有.絶對有.
d學校現在除了要求成績名列前芧外,
仲要你課外話動有多多奬,
咁學校就會對你好好多.好好多.
好似我個小朋友咁.英文好常識好,
但從來沒有机會參加過英文朗誦,問答比賽,
就算有舉手,老師都唔揀佢.
根本就不公平,也沒有机會發揮,也不會放時間去發掘其所長.
只好自己在外參加一些公開比賽吧.   :evil:  

parrot1214

我個小朋友英文常識平均都有95分以上.
老師揀果d全部是頭5-10名的.
這樣叫公平嗎?
這樣可有給予其他同學參予和嘗試的經驗嗎? :evil:

noanswer

我個女同妳小朋友一樣, 佢科科都好好. 除了中文作文70-80以外, 其餘課目都係90以上, 英文多數95以上,聖經多數100, 全級考唔到頭10名, 通常15左右. 相處了兩年, 班主任連佢個名都唔係好記得.  

babyhowie

我之前都好想開個咁

CHUCHU

我呀女個間都有偏心架,我個女係隠形人,唔特出,樣子又唔得人歡心,想叫佢個名都未必記得呀,想表演機會更加排隊都唔到佢. 好彩只要你想參加校際xx比賽都可以,冇任歡迎,係人係鬼都得,自費比參賽費就得啦.所以我隻女咁平凡都可以有機會練練胆,同攞下奬仔咁啦. 好彩姐.(因為佢真係好細胆呢 )

parrot1214

唉...我都好明白,
如果是選校外比賽,我都可以接受咁既制度,
但是連校內比賽都也是這樣.
咁d小朋友又點會積極呢!
佢哋會覺得到最後都是頭几名的去比賽.

櫺囹桼

vivi_vivi 寫道:
檽囹桼,

妳囡囡唔係已經入到d 名校架咩, 點解妳囡囡小六o個時都受到不平等待遇呀?

我囡囡只讀普通英中一間！
其實學校生活又咪同社會一樣...當你成績好~被你蓋過