何解轉校這麼難

jsmleetse

我女兒現讀私校在旺角區, 想轉入北區d小學, 竟然問過3-5間都話冇位, 公佈又話有好多多餘學額, why 想轉都這麽難?

丸媽媽

[quote]
jsmleetse 寫道:
我女兒現讀私校在旺角區, 想轉入北區d小學, 竟然問過3-5間都話冇位, 公佈又話有好多多餘學額, why 想轉都這

Charitymami

讀幾多年班?

好多 P.5 & P.6 都唔收插班生。

ELING

可以試下 "沙田區"，
學位無咁緊，
我個仔都轉到校。

jsmleetse

我女兒現讀小二, 成績係唔好, 真係科科紅, 可能這樣冇校收.
要去教統局找幫手, 我都未想到添, 我就問過神召會及宣道.... 都話冇位. [quote]
丸媽媽 寫道:
[quote]
jsmleetse 寫道:
我女兒現讀私校在旺角區, 想轉入北區d小學, 竟然問過3-5間都話冇位, 公佈又話有好多多餘學額, why 想轉都這

jsmleetse

我剛打電話問過, 宣道要看成績, 好才會收, 唔好就冇份啦, 都話轉校是一件非常困難的事, d學校大鼻到死!!

露比媽媽

jsmleetse :

北區還有很多學校可以選擇 -- 李志達, 榮真(兩間), 曾梅, 于良發, 正慧......
還有, 最好親身去一次, 等的學校覺得你有誠意.

jsmleetse

其實我揀學校都冇要求, 只是全日制及肯收便ok, 因我要返工. 而妳講這些都有名及要考慮收的學生要成績好, 而我女的成績是十分之差.

露比媽媽

成績差, 唔一定唔收架, 唔通的學校個個小朋友都係好好成積咩,
我個囡(曾梅)個班有些都係考試默書得10分之內(滿分100), 放學後留校補習都大把人在, 但你真係要親身去
問下, 因我個囡都係去年叩門入, 個校長都話唔會因個小
朋友的成積及背景去決定收唔收 ?  他們是有教無類的.
俾心機啦 .....  :

jsmleetse

那妳女兒真好運氣, 其實我在上年升2年級都問過, 但都話冇位, 到現在升3年級, 我又試

kiuyeuk5599

我侄女也曾經是由私小轉津小，教統局給了她一張list去找學校，因為是九年免費教育，教統局有責任給你女兒找學校的，不用擔心。

jsmleetse

現在接近暑假, 是否好難找到學位? 一定要到教統局問?

kiuyeuk5599

不用親身去問，打電話便可，我侄女也是在暑假找的，九月一日便轉校。

honeybbb

老實講如果係區內出名一d既學校, 無論邊區都係睇成績, 北區你簡宣小, 神召會, 榮真呢d 係大部份家長心儀既, 如果你小朋友成績科科紅, 機會真係無咩, 既然唔介意係咪band 1小學, 只要求全日制, 應該都揾到既, 唔好氣餒, 加油

丸媽媽

jsmleetse 寫道:
現在接近暑假, 是否好難找到學位? 一定要到教統局問?

上教統局係最直接的方法,無謂廢時失事,盡快去啦! 而且佢地都會俾少少有關學校意見你,等你可以揀一間比較適合囡囡的學校

回想去年,我七月中才決定找學校幫大仔轉,我個仔成績又係好差,原本讀開私小,反正讀得咁辛苦都係徒勞無功,就決定轉回屋企果區讀,當時心情都幾灰,於是就去問左一間全區數一數二最不受歡迎既學校,但竟然都俾人拒諸門外   
當時完完全全感受到那份世態炎涼 :cry: :cry: :cry:

結果上到教統局,竟發現區內一些頗為受歡迎的學校原來都有位,最後阿仔都幸運地入左一間我都好心儀的學校

為左兒女真係必須要身體力行o架! 所以不用太灰心,努力啦!

jsmleetse

我都整晚在想, 都要擴大笵圍想想上水區d學校, 其實我最大穏憂是我女兒現讀的私校是不參加統一派位, 若讀到6年級要自己叩門去找學校, 話就話校長會幫妳寫推薦信, 但點都冇派位禁老定, 實有一間收你, 而且我女兒成績又不是名列前芧. 都是當初唔知這校是不參加統一派位, 以為間間都會參加啦, 雖然話有聯繫中學, 但鬼火禁遠在九龍東, 都冇想過去.

[quote]
honeybbb 寫道:
老實講如果係區內出名一d既學校, 無論邊區都係睇成績, 北區你簡宣小, 神召會, 榮真呢d 係大部份家長心儀既, 如果你小朋友成績科科紅, 機會真係無咩, 既然唔介意係咪band 1小學, 只要求全日制, 應該都

honeybbb

jsmleetse
你囡囡讀邊間私小呀? 無理由會唔參加得統一派位架wor, 我地享有9年免費教育, 唔要6年小學, 唔=唔要埋3年初中架wor

jsmleetse

旺角區, 名我唔講啦, 影響其他家長對這校的評價, 是小校及小班制, 火車站隔壁.
我都是在2年級時開學時第1次家長會, 校長宣佈, 當時我都很愕然, 即時看看其他家長的反應, 但都冇特別, 之後都冇聽過有家長講這問題, 可能人哋對聯校中學有興趣啩??? 但我就唔ok, 那我便少咗一個選擇其他學校的機會,可能有機派到好的校呢!! :-x

丸媽媽

jsmleetse,
之前你講旺角私小都估到係呢間 其實就算派位對學校有甚麼影響? 是否學生人數太少? (我知只得一班)

不過之前都聽過他們理念唔錯,而且很輕鬆,你囡囡如果轉校可能在適應其他學校緊重的課程上都頗為吃力 :-|