在名校考第尾 VS 在次一級的學校考第一

Bluejazz

近幾年, 屯門區一些不太知名的學校, 出了很多會考取得9A的精英, 陳奕希就是一例 (不過非屯門區巳而).

有又些名校出身的學生, 當上 爛口DJ / 只懂扮靚毫無內涵的港姐 / 道徳敗壞的醫生或律師 (就如今週的林XX律師).

有人説, 寜要在名校考第尾, 也不要在band 2 或band 3的學校考第一.

其實我不敢苟同.  

各位媽咪, 你們有何想法呢?

丸媽媽

我只係想講,在band 2 或band 3的學校考第一,冇可能會在名校考第尾,唔好睇得d名校咁高     

Bluejazz

SORRY, 更正 :  

陳奕希是未會考巳經給大學取取錄了, 不過我想說的是 "非名校也有很多尖子".

Bluejazz

請不要誤會, 這題目 不是要針對名校.

因為我自己也是出身名校   (噢, 自誇了      ,  不過, 是我老媽給我選校的),   在校內見到的人生百態多了, 所以有感而發.  

010

好認同丸媽媽所講，唔好講得咁誇張，在band 2 或band 3的學校考第一，唔會在名校考第尾的．

其實呢個係德育問題喎，唔關名校唔名校．
每處都會有害群之馬．社會各處彼彼皆是．

當然相信只要努力，係咩學校讀都有機會．

但學校出名ｄ政府�私人投放資源會多ｄ，而且小朋友身處一個讀書氣氛好ｄ的學校，當然對自身好ｄ．所以作為家長當然希望能把小朋友放在一所較好的校學．

人各有志，我們能做好的只是管好自己的孩子吧！

zimba

我都覺得這個問題不是名校不名校, 而是家庭和學校的德育問題. 選校不單看成績, 還要看校風, 和學校對教育, 對學生的價值觀及理念, 與自己是否相符.

cameo

其實我自己覺得,,,,
若小朋友喺小學及中學都係band 2 band 3學校,但又可以每年取得好成績,,..呢d學生可能一路喺學校無受過"催谷"教學方式,而學校(特別係到中學時)因為較次及關係而學生較參差,學習風氣自然無咁好,,,,但咁都可以取得好成績的話,其實呢種學生o既學習態度根本去到邊都係一個好學生,,,,
難聽一點o既比喻....出於污泥而不染喎(談何容易呢?)
我自己覺得,能夠有能力及運氣入到名校係一件好事,但讀書成績最重要都係一個學生o既學習態度,而學生品行,我相信家教係最重要的啊,,,,,,

睡覺

我小學讀崇真，果陣時係區內同聖芳濟各一樣算係名校，要交學費。

咁，我係學校雖然未考過第尾，但試過都差唔多喇。但成績好差，小四試過七科唔合格，小五差點留班 (小四時一班有成五十人...)。

升中派位，結果派左去可能brand3的私校(中四先要俾學費)，跟住....哈哈，三年都考第一(自信心都返哂黎，所以就更用功喇)，中三仲考埋全級二百幾人第一，跟住派左去一間brand 1尾 brand2頭瓜的中學讀書，因為在之前間中學成績好，因而慣左自動自覺讀書喇，所以都試過係新GE學校考第三；跟住會考都有ABC；然後直升果間學校預科，(某某上過電視的臨床心理學家咪係我讀果間學校的隔離班囉，人家考上了港大架。)，由於某些原因無讀中七，就離港出外升學也。

我想講，好同意BLUEJAZZ 講架。

我覺得，死爭爛爭入到去間名校，結果成績係或接近榜尾，咁，乜自信心都冇.......對學習也失去樂趣和動機架。

buttyyung

Bluejazz,
你看的人生百態，是不是很多blue blood心態。公司有個舊同事，在香港讀名校，在英國讀牛津。但四十多歲人，未做過一份長工，因為自小培養了blue blood心態，很難與人共事，做不夠一年又給公司炒了。

睡覺

仲有，我家姐也是讀崇真，在校取了好多獎，每次學期末都有獎攞，仲唔止一個兩個獎。成績經常名列前五名。
結果升中派左去第一志願聖芳濟各中學 (係果區度當時都算幾好)，咁，入左去之後，佢的成績係果度比較起來就變得極普通，無乜特別，好似五年來只取過一次學科獎。
入到去，見佢已經無乜學習動機了。

G-Ma

這個是"大塘小魚, 定小塘大魚"嘅問題, 我自己就零願做中塘中魚, 起碼仲有進步空間.

buttyyung,

對於你所講的blue blood心態我好認同, 我公司都有咁嘅同事, 個頭永遠25度角微微向上, 對眼就45度角微微向下咁望住你.

BoBoCute

My cousin 由小學精英班精英,派左去第一志願聖芳濟各中學,就repeat F.1 啦!
But I still want to be in at least 中塘 or 大塘見識,追唔到,咪游返小塘囉.

catcatmom

hi 睡覺

題外話
甘你家姐小學階段係自動自覺地讀書，定係家企人要跟得好貼，即係要家企人or補習班老師教先至有好成績？因我覺得自動自覺好緊要law！
你o甘多年前讀祟小（私），當年佢既英文程度係咪好高？

睡覺 寫道:
仲有，我家姐也是讀崇真，在校取了好多獎，每次學期末都有獎攞，仲唔止一個兩個獎。成績經常名列前五名。
結果升中派左去第一志願聖芳濟各中學 (係果區度當時都算幾好)，咁，入左去之後，佢的成績係果度比較起來就變得極普通，無乜特別，好似五年來只取過一次學科獎。
入到去，見佢已經無乜學習動機了。

羊咩咩太太

buttyyung

我有個朋友都係咁,自小佢媽媽就希望佢出人頭地,因此佢地既心態好有問題,搞到佢自小就要成功要做生意 ,屋企供左佢去外國讀書多年,返黎成日話同朋友做生意,從未正正式式打個一份工,最幣係心態問題,衰d講就係逃避,屋企人供完讀書,返黎重要供食供住,完全無責任心,我真係鄧佢父母可憐呀,不過又另一句,今日個仔咁,佢地都要負番d責任．

EmilyDavey

現在真有其事如下，如果你是父母如何揀?

阿仔在極普通津小讀書，成績中上，但是就懶到死，明日考試而家仲睇电視。最鐘意運動。

今年阿媽手痕,同他插班考吓D學校,唸住等他見識多些不同學校程度,而家聖芳濟收他,2間油天叫他筆試.

真是如Topic所講,在次一級的學校可以優閒無壓力,在好一些的學校真是驚他考第尾.

如果你是父母,會不會給他轉校呢?

G-Ma

唔轉, 讀得好地地轉嚟做咩呢, 成績中上未幾好. 中塘中魚, 可能有日變大魚嘛.

EmilyDavey 寫道:
現在真有其事如下，如果你是父母如何揀?

阿仔在極普通津小讀書，成績中上，但是就懶到死，明日考試而家仲睇电視。最鐘意運動。

今年阿媽手痕,同他插班考吓D學校,唸住等他見識多些不同學校程度,而家聖芳濟收他,2間油天叫他筆試.

真是如Topic所講,在次一級的學校可以優閒無壓力,在好一些的學校真是驚他考第尾.

如果你是父母,會不會給他轉校呢?

Mrssslui

你都話佢懶洋洋咁,究竟去到新學校仲係咁,還是會有一點鬥心呢?真係講唔埋.我就唔變啦!

andrewmummy

係我就唔轉,到中一選校仲會揾間band2頭嘅中學.

Vernique2005

EmilyDavey 寫道:
現在真有其事如下，如果你是父母如何揀?

阿仔在極普通津小讀書，成績中上，但是就懶到死，明日考試而家仲睇电視。最鐘意運動。

今年阿媽手痕,同他插班考吓D學校,唸住等他見識多些不同學校程度,而家聖芳濟收他,2間油天叫他筆試.

真是如Topic所講,在次一級的學校可以優閒無壓力,在好一些的學校真是驚他考第尾.

如果你是父母,會不會給他轉校呢?

哈哈哈﹗如果是我﹐我會考慮轉啊﹗如果是本來就沒壓力的學生﹐去到其他學校也不見得會有太大壓力﹐重點是﹐孩子對分數本來就不是很在乎。

有一種孩子﹐你放他在普通班﹐他考中上﹐你放他在天才班﹐他也是考中上(尤其是男孩子﹐我自己見過或教過是這樣的也不少)﹐這種永遠都不求第一的孩子﹐如果能放他去一個有挑戰性一點的環境﹐可能不是壞事。

再講﹐既然有筆試﹐一定要試試看啦﹐做父母的﹐看看孩子的真正能力才能夠為他安排好一點的路啊。