將軍澳真道小學好唔好?

MamaMamalalala

各位好! 上星期參加咗真道的簡介會,好似講得好perfect。請問有冇子女現就讀此校的家長可以分享下?佢報名費要$200,好貴!

我住TKO,唔知边間小學好呢?個女將報讀07/08小一,唔知從何入手。可以分享經驗,指教下嗎?

謝謝!

MamaMamalalala

軒Mother

我個仔讀緊二年級, 個仔同我都讀得很開心, 因為無壓力, 每日自動自覺做功課, 好快做完, 可以做其他野, 讀課外書.
如果妳要返工, 就唔好選擇功課多的學校, 因為妳無時間陪做功課,小朋友會好辛苦

MamaMamalalala

軒Mother,

你好！有時都幾矛盾，唔想個女做填鴨，但係又怕將來競爭大；自己又經常加班。所以好想聽多啲家長們的分享，才決定選傳統或新派學校。

你仔仔(是否軒仔？)讀真道好開心，佢求知慾有冇加强?一般中英數科有冇進步呢?你發覺他有什麼進步呢？

以真道十一年三階段摸式，首階段一定好輕鬆，到第三階段會否很難適應呢？到最後考公開試，我担心壓力會很大！謝謝你的分享。

MamaMamalalala

桁媽媽

hi mamamamalalala, 我都有去6月9號個簡佈會, 覺得都幾好, 邱校長係hardsell o的, 但我老公好buy佢o個套理念, 我會同阿仔報考, 除o左佢我重會考埋播道, 你會唔會考慮呢?

軒Mother

MamaMamalalala,
我自己好感恩, 亞仔可以在真道讀書, 考試季節,眼見其他小朋友只是埋頭苦幹讀書, 連父母都要請假陪讀書, 都唔知究竟係邊個讀書, 慘!
最初,一年級時我都有少少擔心, 亞仔只是話我知好開心, 不過後來在市面買練習讓他自己做, 唔駛教, 他又識做, 才放心!
感恩!每日放學, 休息一陣, 他會自己做功課, 他在校的成績, 老師與我也很滿意, 他是自己溫習, 唔駛我教,仲想要求甚麼!
我對學校, 對我個仔都有信心, 只要佢開開心心地學習, 十一年後是甚麼世界, 你與我也不知道。
如果做父母無信心, 對小朋友會有壓力, 正如你有壓力, 小朋友壓力, 不是好事 !
各位請緊記, 是小朋友讀書, 不是自己, 嘗試從小孩角度為他們想想, 他們要的是甚麼? 讀書, 由一個人的事, 變成一個家庭的壓力, 這壓力放在小孩身上實在太重了!

MamaMamalalala

我老公都好認同丘校長的教學理念，我就争扎於傳統與否之間。我都會同個女報考，等佢學吓面試，待人接物之道。

至於播道，實在查不到太多資料，可否告訴多些。打過電話問簡介會，但就未有安排？

MamaMamalalala

很認同你的觀点，十一年後都唔知會点，但我現階段的疑惑相信你亦了解。

很高興知道軒仔在真道學習愉快，能享受讀書樂。你們一家也分享子女上學的樂趣。這些都是我(或許是所有父母)所追求的。我會幫個女Emily報考，等佢多個機會。

謝謝！

桁媽媽

這裡是播道的homepage :wink:

http://school.efcc.org.hk/

jackjackma

我都有去簡介會,覺得邱校長係講出好多家長的心聲.自己大仔在老牌名校讀到小五,受了幾年苦,而家要為分數做人,失去很多玩樂時間.聽完簡介會立即幫2個細仔報名.但又好担心香港有無可能出現這麼完美的學校?學校叫我寄成績表,我個2仔(讀緊小一,係細仔,11月底出生)英文成績唔係大好,現在都不能用英語溝道,唔知跟唔跟得上.現佢返學好開心,但就自己都唔知學了什麼.又要放棄一間band1學校.又想個仔做返個開心小孩,健康成長.真係好多     不過都係考到先算.

MamaMamalalala

桁媽媽,  Thank you!   

MamaMamalalala

jackjackma,

我响播道書院個chat room睇到話真道之前講到好大，現在問題多多，老師又走咗好多。但係校長就話係針對，都唔知係真定係假！？

真道好似係中文教學，播道就係英文教學，仲話完成P1就到某個程度，好似幾好決心播！唔知係咪？

deniset

Dear 軒Mother,
Greetings to you & a few bk moms under this link. My daughter is in FS2 too! They could very well be classmates.  Sorry my typing in Chinese is very poor.    So, please allow me to share in English.  Looks like we can chat freely here.
Regards,
deniset

jackjackma

我大仔三年班前都好開心返學,但到四年班老師要求高了,功課多了,壓力也多了,老師開始經常提醒無好成績就上唔返自己中學,先覺辛苦.所以好想知道真道高年班同學的學校生活.有沒有家長可以比些意見.

jackjackma

我都睇過好多其他針對真道的批評,咁先15/16.所以好希望聽聽真道高年級家長的意見.

MamaMamalalala 寫道:
jackjackma,

我响播道書院個chat room睇到話真道之前講到好大，現在問題多多，老師又走咗好多。但係校長就話係針對，都唔知係真定係假！？

真道好似係中文教學，播道就係英文教學，仲話完成P1就到某個程度，好似幾好決心播！唔知係咪？

logosteacher

各位關心真道的朋友:
我有一位親友(為保護他，請容許我不透露他的任何資料)是現任真道員工，我平日從他口中亦有聽聞不少有關學校的政策，其中有好的有壞。而朋友們在ｂｋ中談論的”傳聞”亦有真有假，如果可以，我亦希望盡力為大家解答一些問題。

abc媽咪

logosteacher,
有朋友說,有幾多資優學生讀, 請問有無特別拔尖情況, 課程是否特別合適他們?

heihei2006

Hi! I'm going to apply this school 4 my son this year as I heard that this school is good at training children as a high-order thinking person. Right? Can the school achieve to do that?

I've heard some+ve but -ve about this school. How +ve it is? How -ve it is? Can u share? Where can I access these comments in other website?

Can u share some tips in the interview? Do I need to send my son to P1 interview training class?
Pls help

hcfung

請不要浪費金錢。我的仔仔將會考真道。但已經考了優才和王錦輝。(優才肥了，王錦輝尚在等結果)。以我觀察所得，一般的面試訓練班在這類學校派不上用場。你倒不如用多些時間和孩子去多o的博物館，濕地公園等等，去增加他們的見識。就算無用，起碼孩子們也會開心o的。

freddielau

Hi hcfung,

My case is similar to you, 我的仔仔將會考真道。但已經考了優才和王錦輝, (GT is in the waiting list). I agree no need to go for training course.
By the way, any other school you are going to apply too ?????

1314398

真道書院好不好？這是一個幾難回答的問題

第一，要看家長的期望
要催谷成績，每天有大量功課才安心的家長，真道滿足唔到你，會令你不安。
要小朋友天天開心上學，快快樂樂回家，對每件事也好奇，好發問的家長，真道乎合你要求。

第二，由於真道沒有特定的課本，教材是由老師編制的，因此老師的工作量不輕；再加上校長選老師的要求高，在現時直資學校湧現的情況下，要找理念相同，又刻苦的老師真不容易，因此現時似乎仍有老師不足情況出現。

第三，由於真道計劃行IB Diploma制，目標不是按主流，考將來的香港高等試，因此，未來是如何，仍是未知之素，我接觸過不少家長，都是因為認同真度的理念才送小朋友進來，講真11年的中小學好長處(雖然比傳統6+5+2少兩年)，期間發生咩事都無人知，總之大家上了此船，就希望一同令此船好好向前駛！

第四，教長雄心壯志，滿肚計劃，如果能有一群理念相同的得力助手協助，能將承諾一一實現，確是家長夢寐以求給小朋友的學習環境。

真道仍是一間成長中的中小學，潛在力量非凡，將來如何，實有待時間去見証。但起碼以我所見，校長會面時不只是單靠小朋友的能力去收生，家長擁有相同的理念及願意花多少時間心機同精神去培養小朋友更為重要。當招請家長義工時之湧躍，甚至要抽籤；當有機會參與學校活動時家長即極的支持，就可以看出，這就是真道與其他學校不同的地方了。