請問6歲女仔，可以學小提琴未？

wendy06

如題....今應該跟私人定班際學, 兩者有咩分別...

tmlklstkjtrl

6歲都應該可以~ 但要注意小提琴都幾難掌握
我建議你跟私人學(或者1對2), 因為私人單對單可以糾正小朋友的姿勢
我女試過上市政局的cello班, 但因為太多小朋友一齊上堂. 個導師好難照顧得哂成班人

sweetmum

我都聽人講話人班人學學唔到嘢, 最好1對1學!

pmamylee

小兒當初就是在琴行學,一年內導師都轉了2個,後來轉了一位較有經驗的私人老師個別教授,才知他之前學壞了手勢,現在差不多大半年了,手勢還沒完全改好.

所以學小提琴選老師很重要,如果學壞了手勢,真是有排執,嘥錢嘥時間.

    

LOOLOO

仔仔由4.5歲開始學, 我覺得1對1好d. 手勢正確好緊要 !!!
學費又不是太貴, 大多是$4xx/4堂, 點解唔選1對1 ?!

neighbour931

班際和私人有不同的效果, 我囡囡都係6歲幾開始學, 起初跟自己小學既小提琴班, 後來覺得佢有興趣同埋學得幾開心, 所以幫佢搵多個私人教, 平均兩星期一堂, 跟住又參加埋音統. 綜合來睇, 班會開心d, 不過要配合各人進度, 有快有慢, 私人既會就住你既進度,喜好, 能力而安排適合課程. 價錢方面, 音統最平, 但要考試同埋唔合格會出局.

wyl

我剛幫我囡(快6歲了)在荃灣灣景廣場的曲奇琴行報了小提琴初班, $380/4堂, 請問有沒有媽咪知道這間琴行好不好?

Lizamama

我囡囡５岁開始學，我之前教佢認睇五線譜，學左3-4個月才找老師 1對1上門教。可能仲細, 難專心, 老師教導方法有些問題, 拉錯的地方不指出來讓她練多幾次, 所以次次去到錯位又拉錯。囡囡好唔鐘意學, 到最後學左 9個月放棄了。最好不要在琴行學, 因自己不知老師如何教, 教壞手勢及態度便有排煩。如非必要, 最好讓他自己要求學才學, 成績會比較顯注。