馬灣基慧小學

jk923

咁你會唔會揀佢呀？

jk923

010

jk923
若本區我會選佢作第一位，但我想先試跨區．
或許會考直資，其實個心重15/16．
因考直資唔可以參加大抽奬．
其實老公唔係幾中意仔仔一定要搭校車返學．
因一直都係佢送仔仔返學．．．．
但我解釋過佢知基督教係荃灣區唔係好多選擇

jk923

其實我夠想朗朗入浸聯，但明知無行，所以無得'又要馬兒好，又要馬兒不吃草'。不過果日搭車o既車程都ok。你果日有無校園大使帶你參觀呀？

010

jk923
如果你係62原區想入浸聯，無20分係自選係無望，但係統一派位都有機會嫁，點解咁快放棄？唯一唔好係要等一年先知答案啫．

我果日成3點先入入去，無校園大使喎，好在我之前已參觀過，所以由我做大使帶仔仔老公參觀

係又要馬兒好，又要馬兒不吃草，真矛盾，
看我們未到九月已想到頭大，真係唯有由神帶領．

jk923

010：
我都係搭3點班車入去wo！我睇攤位時有個學生介紹展品比我地知跟住帶埋我地睇。
我問過仔仔個校長，佢地有3個入浸聯，1個自行派位，2個統一時派到，但係都係因為有兄姊讀緊先收到！所以我得果15分都唔係幾洗指意。

010

１）無理由喎－有兄姊讀緊係必收，根本唔使抽嫁．除非
　　a) 全部抽的都係有兄姊讀緊，
　　　  但據知06-07年20分都有得抽，所以唔會
        b) 係自行分配時唔選浸聯，跨區抽其他學校，
　　　  留返係統一時再．又係多數收

２）係統一派位時唔計分，唔計只係靠運氣嫁咋

所以有得抽嫁喎，

跟據今年媽咪經驗－若真係想入浸聯可以：
浸聯放第一，馬灣基慧放第二－
入唔到浸聯應該一樣入到馬灣基慧嫁．
唔好白白浪費機會，除非你決意唔想等到出年．

jk923

010 寫道:

浸聯放第一，馬灣基慧放第二－
入唔到浸聯應該一樣入到馬灣基慧嫁．
唔好白白浪費機會，除非你決意唔想等到出年．

浸聯放第一，馬灣基慧放第二我都有咁諗過，但係我又真係唔想等到出先，始終世事無絕對，而且重有妹妹，我最驚基慧都入唔到既話到時兩個都好慘！

010

明白！
咁保險ｄ方法都無錯．
反正你都中意馬灣基慧！
祝你成功－都應該一定成功！

jk923

010：
多謝你呀！
你諗住報邊間直資呀？

010

jk923

唔使客氣，我都希望每位家長�小朋友都入到心儀小學．

直資暫時只諗住報陳守仁，但有經驗媽咪提醒我若考到（雖然明知無咁易中）－直資一收即要放棄大抽獎．
所以諗住待首輪得知結果時才決定．而陳守仁無宗教背景也都令我有所顧慮．

若有留意我的發言 ，便知我一直心儀要跨區的英華（深水埗區），好喜歡該校的理念同教學方法．加上佢有結龍中學．六年後唔使咁煩嘛．

可惜英華好多人競爭，若計分自選首輪無行，大抽奬跨區只分得8個位，想入真係難上加難．又唔想因為咁借地址，所以只能不注向神祈求．  

也因如此我要諗定後著．係原區我會放馬灣基慧為首選，因我唔想跌出3大志願． 但第2-30到時唔知填咩好

jk923

010：
其實我地無得填到30的，因為大抽獎自可以填本區，所以好似得12/3間填，但都要小心排序。

miffywen

我以前響馬灣基慧度教架!
你地放心啦, 學習同埋課外活動都好多元化, d老師好有愛心, 間學校又好重視家長的意見, 透明度亦好高, 所以係一間唔錯的學校。
但係大家要有心理準備, 就係學校個學習比較多元化, 所以學生會可能比較忙碌, 咁家長就要比多d時間幫下個小朋友喇!

jk923

miffywen ：
好開心係度見到一個前老師，其實我真係最想小朋友遇到好老師，因為一間學校點好無左d有心既老師都係無用，我比前係幼師黎嫁。

010

jk923
咁填唔滿點算，見經驗家長都叫我地一定要填滿喎，唔係可能會被派到一所重唔想要的學校嫁．．．．

miffywen
你好，竟然有老師上來發言，好開心呢．
可唔可以八掛問下點解離開馬灣基慧呢，係咪好辛苦？
唔方便PM我都得 ．
我參觀過後都感到馬灣基慧是一間重視家長的意見, 透明度高的學校，所以一早決定放佢原區第一．
決意跨區只因我個係仔，想安排佢入有結龍的男校！但知競爭大機會小．

可否分享下你點看我們選校安排，有咩心得？
重有一個好想知的問題，究竟馬灣基慧派位如何？
謜諒我咁唐突一連氣問你咁多敏感問題
因為好難得有老師可以請教．

jk923

010 寫道:
jk923
咁填唔滿點算，見經驗家長都叫我地一定要填滿喎，唔係可能會被派到一所重唔想要的學校嫁．．．．

miffywen
重有一個好想知的問題，究竟馬灣基慧派位如何？
謜諒我咁唐突一連氣問你咁多敏感問題
因為好難得有老師可以請教．

'填唔滿點算'~~~呢點我都唔明？
我都想知基慧派位如何呀？

KLLP

010, jk923,



re: 要唔要填滿張form --> 我聽過個talk, 教統局的人解釋, 要盡量將自己區有的學校都填晒落去...有的家長只會將自己心儀的學校填落去(通常得幾間)...如果真係唔好彩, 個number 唔好, "簡"既學校派晒俾其他人, 由於你再冇"指示(即選擇) 俾電腦, 佢就會處理晒其他有選擇的申請, 再處理你的申請...你地諗下, 處理晒所有申請之後, 仲有位的學校係咩學校 , 就係呢個原因, 教統局的人建議家長盡量將自己區有的學校都填晒落去

jk923

KLLP：
thank you！

010

KLLP
thanks

另外想請問大家，
知唔知荃灣區可選之小學係咪得以下22間？
係咪唔夠30都無得填其他區？

1. 中華基督教會全完第一小學  
2. 中華基督教會全完第一小學(下午)  
3. 中華基督教會基慧小學  
4. 中華基督教會基慧小學(馬灣)  
5. 天主教石鐘山紀念小學  
6. 天佑小學  
7. 芳園學校  
8. 香港浸信會聯會小學  
9. 香港道教聯合會石圍角小學  
10. 香港道教聯合會石圍角小學(下午)  
11. 柴灣角天主教小學(下午)  
12. 柴灣角天主教小學(上午)  
13. 荃灣公立學校  
14. 荃灣天主教小學  
15. 荃灣信義學校  
16. 荃灣潮州公學  
17. 深井靈光小學  
18. 葵涌公立學校  
19. 路德會聖十架學校  
20. 路德會聖十架學校 (下午)  
21. 寶血會伍季明紀念學校(下午)  
22. 寶血會伍季明紀念學校(上午)  

cc0524

010,

你好! 係架, 荃灣區係唔夠三十間, 若果你將網內全部填晒, 就 O.K. 架啦! 無得再誇區架!

我印象中係無 "芳園小學" 和! 同埋你漏了兩間官小呀! 如果你想再 CONFIRM D, 我返去睇番張 FORM 先知!