馬灣基慧小學

kenming66

Thanks P&Lma.  請問由荃灣地鐵到馬灣邨巴的時間表?

jk923

你地好呀！我住麗城的，仔仔9月都要選校啦，我重有個細女，所以好想仔仔派到一間較好的小學，我之前入去珀麗灣見到基慧既外形已經好鐘意，環境又好，我呢排都諗緊點選校，其實我好想仔仔入浸聯的，但我都知機會實在好細，因為只得15分！所以諗緊好唔好將自行/統一派位都填基慧做第一志願，因為我驚填第二唔知到時會點？
請問你地入讀時幾分派到同係自行/統一派位派到的，15分自行派位係咪好大機會唔得呢？

Kitkit

我住韻濤居,仔9月返馬灣基慧。
我荃官同浸聯我都有叩門,但都知機會微。

CSW

好高興又有媽咪加入我地既topic。

jk923,

其實如果只有15分真係唔好考慮自行派位選浸聯, 因為剩係20分個pool人都已經抽唔哂, 跟本無機會抽15分, 你不要白白浪費掉一個機會。

jk923

CSW：
咁15分(自行)基慧有機會嗎？
請問多唔多功課呀？大約有幾多樣呢？親子活動又如何？

CSW

jk923,

就今年來說15分入基慧是有可能的, 但是我亦識人住馬灣村, 有15分, 但第一輪都唔入, 要等第二輪至入。而第二輪, 我亦知有人放基慧做第二位都入到。不過所有人都會教你, 係第二輪的乙部, 把你最想入個間放做第一位, 而那些你已知好heat, 但又好想入的, 請不要寫在第二, 三位。應該放一些沒有那麼heat, 但你都唔會好抗拒入既學校放二至五位, 其後的便盡量填滿, 千奇唔好只填5, 6間, 否則一下子不好運, 把你派到一所你完全唔想去既學校。當然, 另外你也可以先報考一些私小或直資, 以作為後備。我個人的經驗是深水土步崇真會容易入, 學費也不算太貴。

我兒子也是今年9月才入讀小一, 所以仍未知真實情況會如何...你可番看這個topic內其他基慧家長的comments.

以上只是純個人意見, 只供參考, 因為每個小孩和其家長要求都不同, 不過也祝你一切順利。

lawrencewong

我個仔今年入讀馬灣基慧,這間學校好嗎, 如果同仁立紀念小學哪一間好啲,因為我個仔今個星期六面試

lawrencewong

浸聯好黑暗的, 如果搞門唔識人入表,自行入表, 見都無得見,我個仔個同學仔媽咪搵人入表,咪有得見囉,其他免問,我有個朋友個女讀荃灣基慧,一年級考全級第一,都無消息,連續二年入表都無,都唔知間學校準則在哪兒....唉

jk923

CWS：
知唔知今年基慧收到幾多表呀？

亞薛

荃灣邊度有車入馬灣?我只知有船，葵芳&青衣先有車   

010

lawrencewong
請你可否問下點解你朋友個囡要選擇轉去浸聯，係浸聯好好定係基慧差？
我好想知道點解咁多家長想入浸聯

lawrencewong 寫道:
浸聯好黑暗的, 如果搞門唔識人入表,自行入表, 見都無得見,我個仔個同學仔媽咪搵人入表,咪有得見囉,其他免問,我有個朋友個女讀荃灣基慧,一年級考全級第一,都無消息,連續二年入表都無,都唔知間學校準則在哪兒....唉

lawrencewong

咁如果馬灣基慧好定仁立紀念好

lawrencewong

因為我哋都係住係麗城花園,而且間學校過去的成績也很好,派中學也好

CSW

荃灣既綠楊小巴站外面(面對麗城村巴站)有個入馬灣的村巴站, 好似收$6. 每小時的15分和45分有車入馬灣, 在馬灣基慧門口有站落車。

亞薛 寫道:
荃灣邊度有車入馬灣?我只知有船，葵芳&青衣先有車   

CSW

我唔熟悉仁立或仁紀小學, 只聽聞它們是傳統學校。而馬灣基慧的優點則已在此topic或某些談及荃灣小學的topic中有提到, 似乎除了交通可能較麻煩, 其他都是優點。

szewan

CSW
哈,捉到你la!!收到測驗卷未?

CSW

sw,

收到啦, 唔該哂, 記得有卷就fax埋比我參考呀!
係另一個topic好似見你參加左好多暑期活動wor, 我都未幫我d仔搵tim。