係唔係對佢好殘忍

manlingBB

我下星期就放完産假返工，大囡囡歲半就要安排咗去一個全日託兒幼兒園，咁細個就返全日，我好唔捨得，係唔係對佢好殘忍，唉！ :cry:  :cry:

vitasoy

不如你咁諗，你已經幫佢揀左間最好的幼兒園，如果放佢響屋企，湊唔掂對佢黎講咪仲危險。至於返全日，係一個好好的機會比佢學獨立，學過群體的生活，當你見到佢進步，識講野又識同人相處，咁你就會覺得你的決定係正確的。

crystal媽咪

梗係唔殘忍啦!
你只係早D比佢返咁解,
而且返學對佢黎講都係好事,
學到社交技巧同智能等等,
只係初初返學會唔太適應, 喊下咁.

只要覺得自己做嘅野係對小朋友有益, 有好處,
咁就唔會怪責自己. :

TMMA

我當年的情況和你一模一樣，因阿細的出世，而令到阿大好細個就要入幼兒園，回想起來都覺得佢好慘，而自己就好"需"，阿大重哭了兩個多月才算勉強適應了"新生活"。但可能由於他很早就開始返學，所以現在比很多同齡的小朋友成熟及懂事，學習表現亦比人好少少  (我自己覺得) 。所以凡事有失亦有得，不用太介懷，正如其他媽媽所講，你已盡己所能，幫大囡找了一所好的幼兒園，她在那裡必能得到合適的照顧，你放心返工啦，不用想太多了，時間過得好快，轉眼連阿細都返學，你就可以鬆口氣啦。努力啦!  :

Smiile

小朋友返慣後，學校就是她第二個家庭，好開心GA  !

一點也不殘忍 ! 不過起初她哭就真係會唔拾得就真 !