請問大埔區band 1 & 2 borderline 點排好?

gracehui

請問大埔區band 2 點排好?
可否指示?

dabbycheung

大埔區Band 2可以首選救恩，其實救恩本應屬Band 1,但因為佢係中中，所以Band 1家長好少會揀佢，Band 2生可以博下擺第一位。其次係孫方中，聽聞此校校風不錯，中文又用普通話教。第三可以揀圓玄學院或者何郭佩珍(聽人講兩間都O.K.)。
其實大埔區Band 2生比較難揀，因為大埔區D中學一係好好(6間英中同救恩)，一係好差，真係要問多D人同小心D揀。但我可以講你聽大光同慧遠都極差，千其唔好揀。其次馮梁結，慈航，聖道等校風都好差，最好唔好揀，就算係都要擺好後好後。

gracehui

Dear Dabby
好多謝你的意見. Thank you so much!

ecmun

以下是小兒學校老師的小小意見，希望可幫你 :

救恩 - 是band 1尾

band 2是這樣排的 -
1) 孔何郭佩珍
2) 迦密聖道 (校風嚴謹)
3) 圖玄
4) 神召康樂
5) 靈風
6) 靈糧堂
7) 孫方中

如果是band2頭可試救恩。

daddycheung : 因孫方中是新校未有成績，所以老師將他放band 2尾。
聖道聽老師講幾好，夠嚴。迦密柏雨的F5生如未能直升，大多數都去了聖道。我放了在第二志願。

由於老師說不建議我們選佛教那幾間，所以我只填了13間，夠嗎?

Gracehui - good luck to you and me!  Hope this helps

dabbycheung

ecmun,

謝謝你對聖道既更正。
因為幾年前，我細妹曾經講過，佢有個補習學生響呢間中學讀，個學生講過呢間學校既校風麻麻，但可能呢幾年情況已經改變左(因為個學生已畢業幾年)。希望之前無誤導Gracehui.
孫方中雖然係新校，但好多時響街度見到呢間學校既學生，絕大部份都係好乖巧，而且之前認識一個補習社既老師(大埔區)，都讚過呢間中學，加上我又好欣賞佢地既普通話教學，其次佢地既小學(孫方中小學，雖然唔知兩間有無關係)又係大埔區既好小學之一，所以以上原因，我會將呢間中學擺好前。
只係填13間好似危險左D, 盡量填多D比較好。

gracehui

Dear ecmun
你會揀一間band one 英中嗎? 我仔仔老師建議可揀一間-罹定邦.

familychan

band 2選校建議
1)孫方中(雖然未有會考成績,但去年都收到些band 1生)/
圓玄/何郭佩珍
2)劉梅軒/康樂(校風不錯)
3)靈風/聖道(見得太多此校的學生,印象不太好,但比開校之初好了些)

我住近太和,康樂學生比聖道的好(從儀表),三育仲恐怖,d學生髮型千變萬化,好多大哥大姐...........唔知係咪d男仔怕熱,恤衫成日打開哂...........

如是band1尾/band 2頭,進取些,可放王肇之/羅定邦/救恩

dabbycheung

familychan,
同意你既選擇。
三育未轉直資前係Band 3中學，校風一向唔好。今年雖然會轉直資英中，但我本人覺得，呢間之前唔洗交學費都唔會讀，更何況依家要交學費？(轉唔轉英中都唔會考慮)

gracehui,
的確，進取D可以揀一間英中擺第一。但我提議最好揀羅定邦，(王肇枝屬區內好受歡迎既英中，太多人揀，擺第一會太危險)。而羅會比區內其他果5間英中較易入，(舊年我仔個Band 1同學，將佢擺第5都抽倒，佢自行揀王)。
我亦有另一提議，無論放榜成績理唔理想，都可以試下去王肇之叩門，因為王每年都有10個位響放榜後招生。我知道你
個仔之前2次成績都本屬Band 1，所以大可一試。
祝好運！

gracehui

很感謝你的寶貴意見, 現在十五十六.

ecmun

Grace Hui

我不會選英中在第一。我希望兒子不學壞多過成績好，如果要選一間英中，但校風不好的，會有反效果。再者小兒是在2中，所以好難博。

老實說，我會提議你選救恩或孔何郭佩珍(如你可放下英中包袱)，因羅定邦的校風不太好，老師說某些中中的校風比他還要好，因我住近這邊，所以都看到他的學生行為，亦聽過同區家長的評語。

我們的老師幾推薦救恩，因成績及校風都唔錯，我亦曾到此校參觀，校舍非常大，學生亦較純。除非你想試除羅以外的英中。

希望幫到你。

dabbycheung : 多謝你之前給小兒的意見，經過了學校家長會後，對區內的中學有了更多了解。我亦已填了表格，巳交了draft給老師，明天填final.  因我不想選佛教學校及他區學校，所以的選擇很少，而且不能選band 1.填寫了可取的只有13間。     

HPChingchingma

ecmun>>
剛剛見到你在這版發言 , 就立即入來.
我唔熟大埔區, 但也聽過救恩唔錯.
但大埔的競爭碓比沙田還少 , 你真的唔選多一間英中作第一選擇 ??

familychan

雖然羅定邦是6間英中裏較弱的1間,但就總好過band 2學校,聽聞都管得嚴謹左,當然要上位,都要時間.
我個人就覺得羅定邦不過不失吧!當然不會是首選.會放在其他英中之後.

至於救恩,校風不錯,但近2年會考成績差了,尤其英文科,去年會考13分都收.......

ecmun

Hi, hpchingchingma,

謝謝你的關心，剛剛call你，但未能與你聯絡。

我不打算選英中了，如前述 - 小兒是band 2中，所以博不過。而且我們較喜歡現時所選學校的校風，理念，方向，地理環境等。可能你們會覺得英中才是最好，但我個人覺得適合他才是最重要，而且希望他會在此有個開心的中學生活及做個積極有用的年青人。其實每個小朋友都不同，不可一概而論。希望我無選錯!

Good luck to all of us!  Thanks.   

HPChingchingma

ecmun >>
唔好意思 , 岩岩食飯 , 沒有留意電話啊.

仔仔也喜歡第一, 二志願的學校嗎 ??
如果他喜歡就多好了     
小朋友已 12 歲 , 有些事情是要重視他們的決定.
不要緊 , 他日大家的小朋友能努力 , 也可在大學的道路遇上.................

哎呀 !
我真想過龍了 , 中學都未揀上呀 , 講到咁遠.  
我比較有少少幸運而已，亞仔沒有退步．

我知你現在工作是好忙的，都唔敢找你．相信到放榜那時會可以呀　

familychan

ecmun:
祝仔仔讀得開心,你又放心!!!

ecmun

Thanks, familychan.

HPchingchingma : Yes, I am very busy at work.

Keep in touch

p.s.  My son likes it, too.