究竟334制是否仍需考會考？

ritaliu

本人很認同直資"優才"的教學理念(且已取錄)。但小兒老師極力游說本人選擇伊利沙伯中學，並說優才不會參加會考，但優才肯定有334制，故想弄清楚334到底是甚麼回事？跟會考是否一樣？     

judy

叫你小兒老師番乡下耕田啦, 伊利沙伯中學將來也不會參加會考的.

黃o禁o禁

出年既小六生係第一批334,高中生喺讀「高三」(即而家既中六)既時侯要參加一個類似會考统一試(唔需要再犀人出嚟同参加會考),直接競爭大學為期四年既學位,而今年中一既學生係末代會考生,需要參加最後一屆既會考,如果佢地會考順利可升讀預科&中七既話,即係話於同一年時間,今年既末代會考生同出年第一批既334高三既學生一齊去爭大學學位,競爭十分之大架

黃o禁o禁

受制於教局下既學校,官津直資也好都會一律行334制,無一遺漏

ritaliu 寫道:
本人很認同直資"優才"的教學理念(且已取錄)。但小兒老師極力游說本人選擇伊利沙伯中學，並說優才不會參加會考，但優才肯定有334制，故想弄清楚334到底是甚麼回事？跟會考是否一樣？     

Vernique2005

黃o禁o禁 寫道:
出年既小六生係第一批334,高中生喺讀「高三」(即而家既中六)既時侯要參加一個類似會考统一試(唔需要再犀人出嚟同参加會考),直接競爭大學為期四年既學位,而今年中一既學生係末代會考生,需要參加最後一屆既會考,如果佢地會考順利可升讀預科&中七既話,即係話於同一年時間,今年既末代會考生同出年第一批既334高三既學生一齊去爭大學學位,競爭十分之大架

早幾年多倫多都發生了類近的事件(即第十二跟第十三班的學生都可以一齊報大學)﹐最後搞到好亂﹐因為給出來的學位跟本不夠﹐結果有很多學生都留了一年重考大學。。。

有機會真的要反映一下這個問題﹐做得吾好的話﹐都害到很多學生。。。。

黃o禁o禁

Vernique2005,
我地今年既末代會考中一生係十分之唔抵,因為要讀多一年中七&讀多一年大學兼夾比多一中七同比多一年大學既$$.....

黃o禁o禁

其實現有大學係三年制架...
轉載文章:
教育改革 無事搵事做
特區政府近年不斷推出教育改革，母語教學、語文教師基準試、鼓勵中小學轉為直資學校，政策多多，學生質素卻每況愈下，如今再來一個翻天覆地的「三三四」學制改革，恐怕也是徒勞一場。

教統局政策多多，教師、家長和學生單是要認清每項政策，已經忙個不休，與其虛耗精力在不斷變遷的政策上，何不讓教師、家長和學生有一個喘息的空間，花多些時間在教育和學習之上，把現有教育制度的缺點找出，然後對症下藥，做得好的話，自能事半功倍。

「三三四」和「五二三」都是西方國家沿用的學制，國際銜接上已有標準，兩種學制各有長短。教統局說「三三四」學制可以讓更多學生接受高中教育，但香港教育其實已經很普及，社會也非常自由，學生想學甚麼都可以。教統局與其無事找事做，讓大家白忙一場，不如集中資源，在現有制度下把效果提升，加大力度培養學生中、英、數能力，訓練學生正面思維，凡事往積極面看。

要是推行「三三四」學制，目標是與國內學制接軌，當局也許忽略了國內愈來愈多高材生到英國升學，不少清華、北大的研究生，近年因為美國大學收生人數有限制，而英國只要有學校取錄便可，高材生往英國跑的愈來愈多。國內碩士課程以往要讀三年，近年也朝英式的一年制轉型，國內的學制開始與英式學制接軌，為何香港要反其道而行？

個人以為教統局與其多一事，不如少一事，香港大學生不少其實非常無聊，大部分時間花在追男仔、追女仔之上，真正讀書的三年已是綽綽有餘。美國大學雖說是四年制，但是計學分，勤力的學生兩年半已可畢業。香港以往行英式學制，大學硬性規定要讀三年，最怕行美式四年大學制，卻又沒有學足，學生不能選擇提早畢業，明明只需兩年半或三年，硬要拖上四年才能畢業。教統局局長李國章若然認為下屬太清閒，大可考慮減省人手，讓納稅人荷包省些錢，實在無必要夾硬找些東西來做。

EVA222 寫道:
[quote]
末代生只是多讀一年.
舊制5+2+4=11
新制3+3+4=10

falafala

末代考生有3年制大學銜接，無需讀多一年。

黃o禁o禁

今年我地就係要哂多2年$$同2年時間 出年既就已經唔使...

黃o禁o禁

我剛收到騎呢怪收返嚟既334制資料,睇完再上嚟報料

falafala 寫道:
末代考生有3年制大學銜接，無需讀多一年。

黃o禁o禁

好在真係三年...

falafala 寫道:
末代考生有3年制大學銜接，無需讀多一年。

黃o禁o禁

將來高三唔係叫會考,係叫「香港中學文憑考試」

黃o禁o禁

睇完d資料之後....有個疑問.....
末代會考生同334生一齊爭大學位,而末代生只修三年,334就修四年,一齊入讀既話d課程咪好混亂囉

BillyM

大學會有應對的辦法，不必擔心。

334是全世界的主流學制，多人用，一定有其道理。

黃o禁o禁 寫道:
睇完d資料之後....有個疑問.....
末代會考生同334生一齊爭大學位,而末代生只修三年,334就修四年,一齊入讀既話d課程咪好混亂囉

kathy_good

ritaliu,
   小女舊年有個師兄成績全級第九(都好好呢?)派入去嘅,因為QE現在的教學方法(自由道很大沒有吹谷),所以佢嘅成績『死曬火』,家長日時,佢老師還問佢為什麼會選此校呢？根本唔識合佢。佢老師仲話校風不是外面說的好? 其實係學校『冚得好』,死未。   

dabbycheung

ritaliu 寫道:
本人很認同直資"優才"的教學理念(且已取錄)。但小兒老師極力游說本人選擇伊利沙伯中學，並說優才不會參加會考，但優才肯定有334制，故想弄清楚334到底是甚麼回事？跟會考是否一樣？     

我個仔係今年既優才G7(F.1)學生，我從來無聽過學校話唔會參加會考，況且唔係全港學校(除左國際學校)都要參加會考既咩   ？你位老師都講得幾奇怪？
照我了解，如果學生今年讀緊中一，同以往既一樣，係5+2+3。而如果係今年9月入讀中一既學生(即小六生)，就係3+3+4。表面上睇係今年既中一生要同小六生爭同一年既大學學位，但聽講到時各大學會分開來招生及上堂的，即
到時大學每科會有一班學生係依家讀緊中一既學生，而另一班學生會係依家讀緊小六既學生，到時大學亦會有一套完善既計劃分開呢兩批學生。

黃o禁o禁

所以我叫我班騎呢怪比心機考未代會考做尖子,咁咪唔使大家爭餐死囉

LilyMaMa

而家讀緊F.1就要參加會考。(末代會考生)
而今年小六升中一生(9月) 就係第一年3+3+4。