買新琴 / 二手琴 / 定租琴 好d呢？

Tiffiny

阿仔已經中二， 剛剛才學了大半年鋼琴，好似遲左起步。 本來一直租琴室，但睇到佢好鐘意，所以想為佢添置一坐琴，不過我對琴一d認識都冇，唔知應該點好。 究竟買新琴 / 二手琴 / 定租琴 好d呢？

另外又聽人講，話仔仔咁遲先學，唔使用到8級琴，去到5級就夠。

咁其實應該點決定好呢？請問有冇人可以比d意見我呢？麻煩哂！

kcarol

Tiffiny
起步遲唔應該影響佢買乜琴, 甘講法呢, 唔好怪我條腸直, 好似對你阿仔唔係太公平

其實甘大個學, 多數係為興趣, 將來係唔係靠呢樣野搵食無人知, 睇實際需要就最岩

我自己會買部好好地既2手琴 (kwai 好少少既高身2手琴大概要20k+), 等阿仔有心想係呢方面發展就換部靚琴

ginnyko

我本身係鋼琴老師, 我覺得如果仔仔真係好有興趣而且一路都會繼續學, 新琴會好D, 但係如果唔sure仔仔係咪會一路學, 咁二手琴會好D, 同咪我覺得通常去租琴, D 琴個quality 都唔係好好, 希望可以幫到你!!

Tiffiny 寫道:
阿仔已經中二， 剛剛才學了大半年鋼琴，好似遲左起步。 本來一直租琴室，但睇到佢好鐘意，所以想為佢添置一坐琴，不過我對琴一d認識都冇，唔知應該點好。 究竟買新琴 / 二手琴 / 定租琴 好d呢？

另外又聽人講，話仔仔咁遲先學，唔使用到8級琴，去到5級就夠。

咁其實應該點決定好呢？請問有冇人可以比d意見我呢？麻煩哂！

mudlay

Tiffiny,

唔驚喎! 我都係中四先學琴(當時十六歲)，好多人都睇死我學唔上去。到我二十四歲，我已經考到八級啦...

如果真係為個仔好，佢真係可以keep住既，我覺得可以買新琴...kawai同yamaha較有保証，保養都ok。

Tiffiny

好多謝大家

ireneirene

Tiffiny 我姨甥女都係中二先學琴,又係琴了8mths,進度
都好好，叫仔仔加油呀

fingers_party

Tiffiny,

有關您的問題, 可參考以下連結:

[分享] 學琴者的選擇：新鋼琴？電子琴？二手鋼琴？
** 請按這裡 **

tweetybird

我又都常問， 我女兒今年3歲6個月，她剛剛上了一些基礎班，由於她家下要用下個琴來practice下些手勢。我想問下：

1)買一個電子數碼琴給她在家practice，再係琴行租房俾她practice，太約一個星期去琴行2次左右。到她差不多去到2-3級時，再轉一個好些的鋼琴給她用，或
2)買一個入門的鋼琴給她，或
3)買一個好的鋼琴給她。

因為我我尚未知她有無興趣去學。我問過很多人都話數碼琴的touching無咁好，會學壞基本的，但買一個入門的鋼琴俾她，個touching比其他的都係麻麻。

我見到柏斯有一個Roland的數碼琴大減價，由12,000減到7,000多元呢。roland的brochure講到好似很好似的，如果我買了個數碼琴再去租琴房都係290有10堂。用得1至2年後，可以再轉買一個好些的鋼琴給她。但有人話唔好，但又有人話我，請問有無人可以俾些意見我？

thanks。

kcarol

Tiffiny
加油啦, 難得佢學左8個月仲"好"有興趣!
唔駛落琴室係方便好多, 始終琴室有時間限制, 有人用間房, 又話唔用得, 想練9個字, 佢就一係要練30min, 一係就1hr, 有時課外活動遲、多功課、考試, 唔可以一氣呵成甘練, 又就唔到琴室時間, 甘屋企有琴就真係方便好多, 阿仔幾時想彈就幾時去彈, 唔需要呢樣又就, 果樣又就, 成日就黎就去, 就得多都煩, 無心機彈

kcarol

tweetybird
我係第個topic 答左你啦