你要資優兒童嗎?

JOY_JOY

我想問 政府度評估資優 如果有 會係邊到     

JAY媽

我都吾知喎!個仔都係因為到三歲半都吾肯講野仲要好情緒化,咁我至要求健康院轉介去智力測驗中心check check咋!!!

不過八卦問句,查實典解你灰咁想知自己亞b係咪資優呢??? 你bb仲咁細,你都係趁bb仲細,俾多d野佢玩,佢鐘意睇書仔,你可以多d帶佢去圖書館睇書,每個小朋友都有自己既長處既,好好培育都係個天才黎架!

JOY_JOY 寫道:
我想問 政府度評估資優 如果有 會係邊到     

TwinsMother

JAY 媽, 這段說話真係深深地體會得到, 有IQ無EQ, 有什麼用呢! 日日遭投訴, 比人白眼或冷眼話無家教, 又奈何!

JAY媽 寫道:
同埋其他媽咪都講得岩,就算iq係有但無eq,仲要係lost control(我個仔過度活躍加專注力不足)...咁我真係寧願佢係一個普通既百厭仔好過...至少吾會日日接到投訴同遭人白眼...     

JAY媽

基本上以上呢d野响j仔讀小學前我已經忍受左幾年...當成日指住我個仔話我個仔有攻擊性/無家教時,又或者係個仔成日大動作踢到人撞到人俾人兜口兜面大聲鬧:"人地亞媽!生個仔出黎係要教架!"跟住仲要大大隻手指指住我個仔話我個仔'離哂大譜'時,嗰刻作為亞媽既感受真係好難形容!!!!既傷心又絕望但又好憤怒!!!一方面心痛個仔俾人咁話,另一方面又嬲嗰d路人甲乙做乜咁多事(嗰陣次次我都响心度同呢d人講:吾識話人前先顧掂自己嗰筆先啦!係咁好家教就吾會咁响街話人地個仔!)...又遇着因為個仔行為同情緒同埋吾肯講野問題,連續俾幼稚園伸左兩次出校,要求我個仔停學不但只,仲要踩多腳話:"就係因為你個仔郁手郁腳,搞到有學生要求退學",嗰日仲要係我生日前一日,俾人兜口兜面約出黎同我講呢堆說話,仲有面色睇,嗰刻我連眼淚都吾敢响人地面前流,離開間幼稚園頂吾順去左公園坐,諗番之前我已經盡左最大甚至超越自己能力既努力去教養個仔,日日同個仔番學,坐响佢隔離一齊上堂,但最後換黎係咁既結果同批評,嗰陣已經忍吾住喊出黎!每流一次眼淚,我就好嬲自己咁摑自己一巴,打到自己吾喊,至死死地氣番外家迫自己訓,乜叉都吾講俾人知--->個仔又是俾人踢出校~!依家諗番,真係好佩服我咁樣都捱到無去c...!!!

依家個仔好左好多喇!雖則脫離左自閉傾向同埋講野方面連治療師都話無問題,但新面對既都好金--->過度活躍,專注力不足同學習障礙~!又係成日俾老師投訴佢上堂周圍走/訓覺/唱歌/搞住同學/大聲講野大聲笑/成日吾專心吾願寫字...又成日俾d同學仔捉住我黎投訴,又話J仔今日點樣撞到佢地(佢空間感有問題,成日撞到人/野)...都幾煩架!次次接J仔放學前,我都係咁俾心理準備去聽一大堆投訴佢說話...叫做好彩就係,個仔已經好脾氣左好多,至少吾會無啦啦打鑊金人地,同老師又好好傾(佢個性單純似BB卦...個班主任鐘意佢鐘意到連小息都叫J仔入去教員室陪佢做野又請佢食野同傾計...)!但當J仔俾同學指住黎話佢曳曳豬話佢係傻仔,J仔即時EQ低,有時會打番/吐口水話佢嗰位同學,有時會成泡眼淚走埋黎同我講邊個邊個話佢...嗰刻真係好擔心!佢係咪真係'好聰明'已經吾再係一個問題,而係佢EQ同社交咁弱,一路無朋友,成日俾人當係OUTSIDER,佢一路成長都咁吾開心,就算佢有幾高IQ都無用...作為佢亞媽,只求佢生活得開開心心,做一個普通人,大個左叫做照顧到自己,已經係我最大願望!大家有無咁既諗法呢~~     

TwinsMother 寫道:
JAY 媽, 這段說話真係深深地體會得到, 有IQ無EQ, 有什麼用呢! 日日遭投訴, 比人白眼或冷眼話無家教, 又奈何!

[quote]
JAY媽 寫道:
同埋其他媽咪都講得岩,就算iq係有但無eq,仲要係lost control(我個仔過度活躍加專注力不足)...咁我真係寧願佢係一個普通既百厭仔好過...至少吾會日日接到投訴同遭人白眼...     

[/quote]

JOY_JOY

JAY媽
我仔仔唔細架la

MEOW_MUI

講真優資與否，真係唔係好介意，唔係蠢果D就得架啦，但係都想知佢係唔係優資，俾佢同自已多個選擇，選擇一個

JAY媽

你吖~~~~整個咁可愛既BB相做大頭相,仲以為你亞仔仲係亞B雷添!     

政府嗰邊真係吾G有無得就咁去評估,嗰次我個仔吾肯講野又發脾氣,我都係再三要求健康院做轉介,咁佢地班友仔至死死地氣幫我個仔做轉介咋!

不過如果你想做評估,你可以搵私家睇,不過真係海鮮價,要問真先好做囉!嗰次個私家言語治療師評做我個仔一個半鐘,都要成九百幾蚊...如果要埋REPORT,仲要另外收費...或者如果你等得,呢期我都見有好多咩咩免費評估做,得閒留意下D地鐵廣告啦!你都可以試下! [quote]
JOY_JOY 寫道:
JAY媽
我仔仔唔細架la

JOY_JOY

thxxxxxxx jay媽      

JAY媽

吾駛客氣~~~~

JOY_JOY 寫道:
thxxxxxxx jay媽      

pigpig

JAY媽，
係咪真係'好聰明'已經吾再係一個問題,而係佢EQ同社交咁弱,一路無朋友,成日俾人當係OUTSIDER,佢一路成長都咁吾開心,就算佢有幾高IQ都無用...作為佢亞媽,只求佢生活得開開心心,做一個普通人,大個左叫做照顧到自己,已經係我最大願望!大家有無咁既諗法呢~~ <------我絕對同意你呢個講法！
我老公都經常話，有幾聰明都無用，但完全無EQ、無朋友，會好痛苦 :cry:
所以有時一個普通既小朋友成長可能會比較幸福呢！

JAY媽

講講下我又諗起我老公一個朋友,以前佢讀書科科一百分,好smart,但係又自尊心重對自己要求好高!佢細個同我老公一齊番學嗰陣係一個好快樂既人,甚至有d自大(成日話其他同學水皮),但到左佢出黎社會工作,成日覺得自己原來係吾最叻嗰個,成日覺得自己吾係樣樣事都做到一百分,但又要迫自己去超越人地,搞到開始鑽牛角尖,再加上佢又係社交吾好(好似全世界得佢一個至係人,其他人包括自己朋友都係低級),eq又吾好,之後佢就無啦啦精神有問題,成日有幻覺,覺得所有人都睇佢吾起甚至要害佢,佢成日搵我老公呻,我老公就算點去安慰佢勸佢甚至鬧佢叫佢拿拿聲去見e生,佢都係咁,最後呢個朋友都無再响我地面前出現,雖則吾知佢依家點,但係如果一個咁聰明既人,雖則佢好聰明,但係無左社交/朋友同埋諗埋一邊吾識得去平常心看待自己...咁我真係寧願佢學似我地一樣,做一個好普通既人喇...     

pigpig 寫道:
JAY媽，
係咪真係'好聰明'已經吾再係一個問題,而係佢EQ同社交咁弱,一路無朋友,成日俾人當係OUTSIDER,佢一路成長都咁吾開心,就算佢有幾高IQ都無用...作為佢亞媽,只求佢生活得開開心心,做一個普通人,大個左叫做照顧到自己,已經係我最大願望!大家有無咁既諗法呢~~ <------我絕對同意你呢個講法！
我老公都經常話，有幾聰明都無用，但完全無EQ、無朋友，會好痛苦 :cry:
所以有時一個普通既小朋友成長可能會比較幸福呢！

pigpig

JAY媽，
我囡囡依家仲細，佢D朋友仔都肯俾佢點，但我真係好擔心，到佢再大D時，朋友仔唔再接受佢果套，佢就會開始好孤獨，無朋友....... :cry: 佢有時係朋友當中，點都唔肯認輸，樣樣要第一！唔係就大叫大喊，攪到我好難為情

JOY_JOY

我個仔仔 都係丫 係幼稚園果陣就好似大哥哥咁點人
不過e十 係小學校 就有好多同學 話佢好冇禮貌所以唔同佢玩   

JAY媽

呢樣野又幾似我囝囝喎,,,(不過我個仔係咪資優真係仲未知...我覺得佢剩係記性好無樣野叻...)佢又係吾願接受佢比賽輸,好介意人地點睇佢,一遇到咁既情況佢又癲,我次次都又鬧停佢又同佢講道理咁要佢冷靜...講左幾年,呢期好似好左d,至少佢有時有幾次可以自我安慰先:"吾緊要!我地要有體育精神,輸左都會長高既!"...雖則亞q精神左少少,但係至少都吾會因為佢d情緒脾氣而影响其他人嘛... 不過佢到依家都係一搶吾到波或者有人吾chum佢玩,佢都好大反應,成日成泡眼淚又變哂聲同我講:"佢又吾俾我玩喇!"呢下我都仲要研究點去教佢好...     

pigpig 寫道:
JAY媽，
我囡囡依家仲細，佢D朋友仔都肯俾佢點，但我真係好擔心，到佢再大D時，朋友仔唔再接受佢果套，佢就會開始好孤獨，無朋友....... :cry: 佢有時係朋友當中，點都唔肯認輸，樣樣要第一！唔係就大叫大喊，攪到我好難為情

pigpig

JAY媽，
我家寶貝今日同朋友仔玩時，經常發脾四，又係成日話人唔俾佢玩，又話唔想同人玩，要朋友聽佢話 今日成日都成包眼淚....唉......
我想我囡囡還細，未懂自我安慰，所以未能輸得起.....
我唔擔心囡囡學習方面的問題，因為佢學野好快，剛3時，已懂得10以內的加減法，唔需要我詳細教導；但我覺得資優的小朋友唔可以著重於學習上，最重要係情緒上處理得好，才是最重要 所以，我一直都努力找出提高EQ的方法
你會帶囝囝去作評估嗎？

JAY媽

我諗我吾會去帶佢去做評估喇!始終個仔係咩質地,我都略知一二,佢只係記性好而已,雖則佢係响嗰間言語治療(除左言語,嗰度仲有感覺統合去TRAIN佢學障同情緒方面問題)度進步得最快嗰位,但始終佢有好多問題纏身(過度活躍,專注力不足,學習障礙),呢D問題都足以令佢影响佢學習啦,學似個治療師講,吾理佢係咪真係資優,但可以肯定佢真係好聰明,如果我地吾好好去教佢同埋解決學障問題,佢就算幾聰明都好,都係無用,如果係咁,咁我倒不如將全副心血同金錢去教佢,當佢係一個小朋友咁教,佢學到邊咪教到邊囉!如果佢真係咁叻甚至真係資優,我相信我教到去某一個位,佢自己都學得上,查實我覺得評估資優都只係要黎俾父母得個知字,都係靠人地把口去話俾我地父母知你個仔/女係咪資優...如果真係咁,我就寧願留埋D錢同精神去教個仔,俾多D活動佢去試去做,我覺得反而仲黎得實際... 吾知呢...呢樣都係我依家呢一刻既感覺...PIGPIG你又認為點?你會吾會帶囡囡去做評估?你點睇?

pigpig 寫道:
JAY媽，
我家寶貝今日同朋友仔玩時，經常發脾四，又係成日話人唔俾佢玩，又話唔想同人玩，要朋友聽佢話 今日成日都成包眼淚....唉......
我想我囡囡還細，未懂自我安慰，所以未能輸得起.....
我唔擔心囡囡學習方面的問題，因為佢學野好快，剛3時，已懂得10以內的加減法，唔需要我詳細教導；但我覺得資優的小朋友唔可以著重於學習上，最重要係情緒上處理得好，才是最重要 所以，我一直都努力找出提高EQ的方法
你會帶囝囝去作評估嗎？

pigpig

呢一刻我就唔會帶佢去評估，暫時會搵一D EQ班佢嘆下先 到5歲後，而作決定，但我老公意向都係想的，不過成年後既事，暫時唔去諗住
吾理佢係咪真係資優,但可以肯定佢真係好聰明<----呢句說話，都有某心理學家同我講過
其實，我囡囡有時如果有迫住佢時，佢又唔敢有咩舉動的，我叫佢做咩，佢雖則唔多願意，但都會照做，可能真係仲係得果4歲人仔，但一有機會，佢就走人 我囡囡的另一個缺點，就係軟皮蛇，你讚佢、鬧佢，佢都唔聽你的，又唔怕你
其實，我諗評估除了只係知道一個分數外，最重要係找出一個合適的方法去教導好小朋友，等佢可以發揮到最好，我同老公可以做的，就只有用最好最適合佢既方法佢教導佢，將來的路，要等佢自己行.....只有在旁指導佢....

JAY媽

評估除了只係知道一個分數外，最重要係找出一個合適的方法去教導好小朋友，等佢可以發揮到最好，我同老公可以做的，就只有用最好最適合佢既方法佢教導佢，將來的路，要等佢自己行.....只有在旁指導佢....

咁都係既,我都同意你講法...或者呢一刻我吾敢去幫佢做一個正式既資優評估,都係因為我自卑心作怪,硬係吾敢去想像個仔係咪一個資優...

不過今日我放工都專登去左中央圖書館尋寶,借左幾本書黎睇,其中一本都係講資優兒,,,其餘三本都係關於學習障礙既書,^___^等我拿拿聲睇完,然後再同大家分享本書既內容啦!話吾定我睇左本書會清析左都未定呢...     

不過講開你囡囡,查實聽你講佢都幾乖喎!至少佢都肯聽你講/指示去做,至於軟皮蛇...J仔(我個仔)就吾係,相反佢係一個極度介意人地讚吾讚佢/點睇佢既人黎!連佢班主任同埋私家治療師都話佢自尊心好強,吾輸得嗰隻,乜都想同其他小朋友一樣,有人話佢吾好/曳,佢就好反感/好大反應!所以我都吾知佢呢家野係好定係吾好,亦吾知呢種個性係咪真係資優兒既特徵,,,不過唯一可以肯定,佢咁介懷人地點睇佢,呢様我地仲容易教佢野! 輸吾起吖嘛佢~~~~!!!     

pigpig 寫道:
呢一刻我就唔會帶佢去評估，暫時會搵一D EQ班佢嘆下先 到5歲後，而作決定，但我老公意向都係想的，不過成年後既事，暫時唔去諗住
吾理佢係咪真係資優,但可以肯定佢真係好聰明<----呢句說話，都有某心理學家同我講過
其實，我囡囡有時如果有迫住佢時，佢又唔敢有咩舉動的，我叫佢做咩，佢雖則唔多願意，但都會照做，可能真係仲係得果4歲人仔，但一有機會，佢就走人 我囡囡的另一個缺點，就係軟皮蛇，你讚佢、鬧佢，佢都唔聽你的，又唔怕你
其實，我諗評估除了只係知道一個分數外，最重要係找出一個合適的方法去教導好小朋友，等佢可以發揮到最好，我同老公可以做的，就只有用最好最適合佢既方法佢教導佢，將來的路，要等佢自己行.....只有在旁指導佢....

pigpig

點解你會自卑心作怪呢？若你的囝囝真係一個資優兒，我覺得無咩特別問題，你只係要比平事多時間去指導佢....我想你呢個諗法要改一改呢
我覺得有幾本資優兒童的書，好值得推介
1)資優兒童親職教育
2)協助資優孩子展翅高飛
你試下睇睇，一定會有所得著
鬥心好強ga....佢明知自己做唔到既野，就唔會係人面前出醜，會返屋企不停練習，到做到時，先肯表現出黎，佢讀圖書都一樣，佢唔識讀的話，就會不停問你，問到佢自己識讀為止，依家佢可以自行閱讀十幾本簡短句子的圖書.....
我囡囡軟皮蛇，係在於你叫佢做野，佢又唔想做，你讚佢佢又唔做，你罰佢，就更加唔做；但佢都非常介懷別人叻過佢，佢成日同我講“媽咪，我同其他小朋友唔同ga....”我問“咩唔同？”佢答我“我聰明好多，都唔明D小朋友係度做咩野？” 你話死唔死？甘答我
有時我好討厭佢成日認叻，我借本圖書返黎，想藉故事內容叫佢謙虛，故事中的白鵝太自大，自以為是，最後俾馬踏死了；我囡囡竟然同我講“我就唔會甘蠢蛋，有隻馬黎都唔走 ”完全扭曲左故事的目的，俾佢激死我呀....