一波未平,一波又起,媽媽覺得好徬徨...!

babymaggieleung

囡囡小雪有痒

CNCW

babymaggieleung,

不用擔心，我的兒子一樣，當他2歲半時發現500度散光加200度遠視。我不知多擔心，醫生話一世戴眼鏡了。不要當患了絕症，好好保護它，會有少許好轉。

我兒子現在7歲，散光300度、遠視0度。  

不用太擔心了。

babymaggieleung

真的嗎?我囡囡身體冇樣叻,差唔多每一方面都有事,就只係食得好訓得好,同埋有個呃得

chanchanboy

我小朋友3歲幾開始戴眼鏡, 散光275度, 初時細個係私家醫度check, 因為小兒係自閉症, 非常固執, 平時連帽都唔肯戴, 我話好担心佢根本唔肯戴眼鏡, 醫生話小朋友其實係慣左睇野"MO"查查, 仲話十個有九個小朋友戴左眼鏡, 睇野清楚左都會肯戴.  

不過仔仔度數一直無減少, 但都無加深.

小朋友戴左眼鏡都好靚好可愛呀, 例如我仔仔, 我就覺得佢戴唔戴眼鏡都咁靚仔, 我同佢配眼鏡好認真選擇呀!

four44

babymaggieleung

唔好喊啦, 小雪真係好可愛架, 有你地悉心照顧一定快樂成長, 將來既事唔好諗喇, 見一步行一步啦!

堅強D!!加油加油!!       

Bear-bear

babymaggieleung,

前面條路雖然很艱辛, 但小雪需要你的陪伴及支持, 你要努力呀! 這裏好多媽咪支持你的。
  

HelloMelody2007

babymaggieleung

我以前知道自己個仔有事，都曾經
好像你咁諗。這好正常，我都好明
白你的感受。

所有父母都想自己個細佬平安無事，
不過有時事件發生了，所有父母都
唔想，記住<無人有錯>。

無論事件將來再如何發生，給自己
一點時間去<接受>，給點時間自己去
<消化>這件事，想通了，你會
煥然一新!

<苦難>有時給父母機會＜學習＞，
<學習> 又給父母＜成長＞機會。　

有冇聽過 :

　＜面對不定最難受＞　
　＜別急著別無選擇＞
　＜許多事情的答案不是只有一個>
     <所以我們永遠有路可以走>
      <你能找個理由難過>
      <也一定能找到快樂>

reginang

小雪媽咪
唔好咁擔心,如果現在可以靠戴眼鏡幫助到,亦都不算壞,正面d去睇,或者戴左眼鏡既小雪,也不會遮擋到她可愛的一面,因為她還有父母家人的愛和關懷
傷心完喊完又要繼續向前走,你以前已經很捧,現在亦都要一樣跨過,不要白費以前的努力,加油 !!!!

babymaggieleung

多謝你地

ALAL

我個仔750 遠視﹐300散光﹐從三歲帶眼鏡﹐又試過遮眼﹐初初都好難接受﹐但身邊的小孩現在都是個個話近視﹐要帶眼鏡﹐所以已和其他人看齊。

主到離就食﹐誤好想太遠。BEST WISHES

ah_yi

妳可唔可以叫醫生 refer 去瑪麗或威爾斯看兒科呢? QM 同 PW 係教學醫院﹐應見得最多奇怪病﹐很多人說 QM 兒科全港最好﹐我認為不彷帶小雪去試看。

hoho1105

babymaggieleung:
我層經認識過3個小朋友,佢哋都係3歲頭就要帶眼鏡,我見佢哋好鍾意架...........有個小朋友副眼鏡有小態維尼公仔架,佢好自豪好自信架.佢mami都覺得個仔帶眼鏡好睇.不如收拾吓心情放細個問題.放d心機幫囡女揀副適合佢嘅眼鏡啦,我都係咁細個嘅時候就勁散光帶眼鏡,我係好鍾意架,個感覺好似飾物.我錫副眼鏡架,我家陣重記得副眼鏡係膠架粉紅色架 冇乜嘢呀 :

babymaggieleung

嗯,醫生約左期詳細驗眼,佢話用機就咁驗唔係太準,如果眼仔望左去第2度就會相差好大!
唉...!希望唔好咁嚴重啦!

candymanho

babymaggieleung,

sorry, 你信內有好多字show唔到出來,未知你女兒的是甚麼病, 我的小b現在2個月大, 出世當日才知道是唐氏綜合症(產前一切正常,不是高齡產婦,又是第2胎,才29歲機會率應該是1/1000),我一時間都接受唔到,好想是一場惡夢訓醒無事。
在醫院喊了2日1夜後終於接受了,出院後第一時間回家上website查唐氏資料,才知道他們除了多數是輕度至中度智障外(這點我一早已知,亦已一早接受)原來還有很多毛病。
(1)先天性腸畸形:可能會扭腸要一出生便施手術<我bb頭幾天大便出血,醫生們都好擔心,幸好只是腸胃炎,擔心過後我很感謝上天保佑bb過了一關,但我知仲有其他關要過>
(2)先天性心漏症:bb出生後廿幾日才可出院,當時醫生話心漏不太大,可望自動生好不用做手術,點知覆診時又話有成1cm大一定要盡早入院做手術,剛剛才平復一點,我又立即崩潰了,bb o甘小便要面對大手術,我直頭產後抑鬱到好似第2個人o甘。
(3)downs bb 很多都會弱聽:好彩暫時pass!
(4)弱視:未知,所以不想杞人憂天
(5)亞氏痴呆症:多數會有,大約40歲開始,我知道後好傷心,自理能力已有問題,仲很可能連我都唔認得
(6)死亡:一般只可活到50歲,要白頭人送黑頭人,不過我諗總好過我死先,如果我死先就真係死左都有掀掛唔眼閉,起碼我可以照顧到他到最後。
*本來我都好sad,心想我無做過d太壞的事(人總有做過錯事的),又young(29歲),飲食又正常唔煙唔酒(只係成日食垃圾食物),點解個天o甘玩我?我仲一早諗了個名叫Matthew<解:gift from god/上天的禮物>,仲係我自己計劃生的,而且我一向食birth control pill 唔通係d藥影響了?定係食錯其他了中/西藥,到今日為止report出了都無人可以解釋到俾我知,只係話染色體出錯...點解人地生bb就開開心心,我就o甘?點解偏偏要係我?..............很多點解,很多不服,很多不明白....
*但有一日我突然明白了:Matthew真的是上天賜給我的一份禮物,永遠都不會是我的包伏/負累,他將會帶給我一生中很多喜怒哀樂(因為他是我的小寶貝/是我的生命泉源,所以我會因他而喜/怒/哀/樂),所以我要更珍惜他,因為上天知道我一家人最可以給到他幸福,所以我要更珍惜自己的健康以照顧我的小b.
*你試想想:有幾多人多努力也得不到愛情結晶品?有幾多人甚至到死前還沒找到真愛?有幾多人情況比自己更糟?(我現在常出入醫院,看到有些小朋友只可躺在床上目光呆滯不能活動/全身不停抽筋/有些甚至活不到幾歲便離世,相比起我的小b只是智力和健康稍遜吧,也沒甚麼大不了,論視力和健康你的女兒分分鐘比我小b還好,不要太多的"怕"和 了,很多事都只可以隋緣,只要煩事盡了力,好好照顧bb,又何必杞人憂天?
要記住:這件事裡面無人有錯,唔好再自責,開心又一日唔開心又一,我選擇開心的過每一日,o甘你又點選擇?最緊要一家人團結,o甘bb同你們才會開心,你o甘辛苦生了她出來,你都唔想見到個女唔開心吧。
[quote]
babymaggieleung 寫道:
囡囡小雪有痒

chanchanboy

candymanho,

加油呀!!

雖然我地小朋友情況特殊, 但我覺得佢地比一般小朋友都幸福, 雖然日常生活佢麻煩多多, 但佢就帶左好多愛來到我屋企.

以前我同屋企人, 我屋企同我老公屋企兩家人關係疏離, 但發現仔仔有問題後, 兩家人關係變得緊密, 一般婆媳不和無可能會發生, 我奶奶仲非常幫到我地, 我老公家姐細妹, 宜家就好似我親家姐細妹一樣, 原本我同媽媽關係好差, 都得到改善. 至於我自己, 我都覺得自己個人有愛心左  

mamee

babymaggieleung & candymanho

客套說話都唔多講, 有心事就多些上來傾訴.
願我地既小朋友不斷都會有進步.

mamee

chanchanboy 寫道:
至於我自己, 我都覺得自己個人有愛心左  

我都好認同呢句

candymanho

chanchanboy,
me too, 我一家人的關係都密切左(男家),但外家就......
其實特殊小朋友都無咩大不了姐,佢地係智力同健康差少少吧,o甘普通小朋友都有精有笨啦,亦都有壯有弱啦!
所以我地應該要好似對普通小朋友o甘對佢地.
係呢,你的小朋友咩事呀?

chanchanboy 寫道:
candymanho,

加油呀!!

雖然我地小朋友情況特殊, 但我覺得佢地比一般小朋友都幸福, 雖然日常生活佢麻煩多多, 但佢就帶左好多愛來到我屋企.

以前我同屋企人, 我屋企同我老公屋企兩家人關係疏離, 但發現仔仔有問題後, 兩家人關係變得緊密, 一般婆媳不和無可能會發生, 我奶奶仲非常幫到我地, 我老公家姐細妹, 宜家就好似我親家姐細妹一樣, 原本我同媽媽關係好差, 都得到改善. 至於我自己, 我都覺得自己個人有愛心左  

cheungmanwai

babymaggieleung,

我希望我呢個mail 可以比個正面信息你, 我舊年9月知道囡有散光及遠視, 因為左右眼度數相差好大可能會變弱視所以要遮眼, 初時我都好唔開心, 好多bk 媽都寫mail支持我, chanchanboy係其中一個, 還推介了好有愛心的眼科醫生比我, 在此再多謝chanchanboy一次"Thank You very much!"  初頭囡囡唔鐘意眼鏡, 宜家起身就會溫眼鏡。佢唔肯比我同佢遮眼, 不過自己個語言治療師同特殊中心老師都幫到我上堂時同亞女遮眼。過完一關再一關, 半年後我囡囡今日去覆疹, 醫生話有弱視的機會減少了, 只要繼續遮眼同用眼鏡配合就冇問題。重話好彩發現得早, 有好多就算係正常小朋友有弱視都遲左發現醫生冇辦法做到野, 因為眼球已發育完。

大家一齊努力!, 我成日同自己講, 個天比左一個特別架小朋友你, 係因為自己担得起唔係自己做錯事, 一甘諗使命感立刻出曬黎。

chanchanboy

Hello candymanho,

我仔仔係自閉症, 2歲半發現, 現在6歲, 2005年12月語言被評為中度弱能, 智力為有限智能, 讀特殊幼兒中心, 但3年半自己覺得為小朋友做得仍未夠, 所以會比仔仔多讀一年普通幼稚園, 希望多一年時間比仔仔盡量追回不足, 因為我深信就算評定係點, 都要不問收獲, 只要可input, 仔仔學到多少少, 就係仔仔賺到同將來會用得著.

上個月係協康做職業治療時發現好多問題如全身肌肉力量唔夠, 前庭本體感弱, 眼睛唔會追視等問題(五隻手指都未數完), 令我覺得好慚愧, 自己揾左好多私人訓練, 但講真真係良莠不齊, 係度, 我真係奉勸大家等幾耐都要排協康, 尋尋覓覓都係協康最專業(唔係買廣告), 因為小朋友的時間非常寶貴. 不過當然等緊個陣都要自己做其他野幫小朋友.

[quote]
candymanho 寫道:
chanchanboy,
係呢,你的小朋友咩事呀?
[quote]

candymanho

各位姊妹,
cheungmanwai話得好arm : "個天比左一個特別架小朋友你, 係因為自己担得起唔係自己做錯事。 大家一齊努力!"
而我的左右銘是:"上天知道我會照顧和愛這個bb,所以交俾我。Matthew is meaning gift from god, he also is my angel. "你們可能唔至一次見我o甘講架喇....不過我直係忍唔住又講左tim!