有冇唔洗練琴,跟住又去覆琴,都好純熟架?

Mrssslui

我都唔係一次聽到左鄰右里同我講,佢地既仔女唔洗練琴,跟住又去覆琴,老師都覺得好OK,完全唔發現學生冇練到,我話冇練,唔係練得少,而係真係冇掂過個琴.
請問你地既仔女會唔會有呢個情況,而琴老師,你地又講下,呢d人係唔係特別有天份?
佢地大約都有2-3級架.

mslamlamma

Mrsslui,

你的左鄰右里的仔女咁犀利 , 我小朋友唔練琴 , 是不會pass的 , 因老師一聽就知道 , 可能佢哋真的好有天份 , 學咗幾耐呀?

mslamlamma
22-3-2006

霖霖媽

在我從前學琴時，多數都係練咗好耐，去覆琴時，老師都係話「唔掂」﹗

不過，亦有試過練得好少，老師也接受﹗

我想，若覆琴前真的沒有掂過部琴，那最多是與上一次學琴時的表現一樣，right？若一個有經驗、或有記性的老師，一定會知道和記得學生的表現。

不過，若老師覺ok也是有可能的，那些歌可能是較淺易、簡單，就算是2-3級，總有些練習是簡單一些的；

在我教學生的經驗中，我都試過學生第一次彈時已ok，但通常那些都只是一些簡單練習，沒有甚麼情感表達的樂曲。

所以，就算發生此種情況，都沒有什麼特別，只代表他們對學音樂不是太認真吧﹗又或是老師所教的進度太慢﹗

若然我發現這種情況，我一定在每堂完結前，留下一些他能力未及的練習給他，那便能check一check他們的練習情況。

我個人認為，學琴可以靠天份開始，但一定要努力才能學成。

candytl

Mrssslui 寫道:
我都唔係一次聽到左鄰右里同我講,佢地既仔女唔洗練琴,跟住又去覆琴,老師都覺得好OK,完全唔發現學生冇練到,我話冇練,唔係練得少,而係真係冇掂過個琴.
請問你地既仔女會唔會有呢個情況,而琴老師,你地又講下,呢d人係唔係特別有天份?
佢地大約都有2-3級架.

我聽到一句說話: 一日唔練自已知, 兩日唔練老師知, 三日唔練人人知.

flora101

我本人就覺得無乜可能嘞，因為我囡囡之前學琴未有買琴比佢練習，亦都無去琴室租琴比佢練習，簡直就係停滯不前，學左半年有多好似進度不大囉 。
後來買左琴之後多練就進步左好多嘞

Sindy

即係佢地本身既程度,同佢地學緊既級數唔啱囉.........

我女係學小提琴度,都無練過琴.......佢女老都搵佢出黎做版.....因為我女程度高左丫麻......對個小朋友唔係好事呀....點都係勤力練琴好啦

Mrssslui 寫道:
我都唔係一次聽到左鄰右里同我講,佢地既仔女唔洗練琴,跟住又去覆琴,老師都覺得好OK,完全唔發現學生冇練到,我話冇練,唔係練得少,而係真係冇掂過個琴.
請問你地既仔女會唔會有呢個情況,而琴老師,你地又講下,呢d人係唔係特別有天份?
佢地大約都有2-3級架.

Sindy

我聽到一句說話: 一日唔練自已知, 兩日唔練老師知, 三日唔練人人知.

我女一日唔練琴就人人知......最近隔離個ee,見到我就話我女呢排勤力左喎...... 我話係呀....呢排比賽丫麻

cherriemama

真係咁犀利?定還是佢教琴老師要求低,所以容易過骨呀?我以前一冇練琴,彈到甩甩cut cut,老師一定知,實俾佢鬧鬼,而家諗起都驚驚!

abbyyeung120

我聽到一句說話: 一日唔練自已知, 兩日唔練老師知, 三日唔練人人知.     
totally agree ~
my daughter's piano teacher can tell the difference once my gal has practised enough or not .
i think it's a must for u to practise if u want to improve ..no way to escape ...

Mrssslui

咁如果真係唔練都話聽唔出,係老師要求低定係唔夠料子呀?
還是個學生真係好掂呢?

meimeicoco

看看個老師的要求，低定高，其實二、三級的歌仔短，但都要覆琴先可以去學琴，如果唔係，真係浪費金錢及時間，又要給老師責罵，因老師要求你做的，下次做唔到，又會叫你重做，技術真是要靠不停的練習才有成績。雖然有天份，但一定要努力練習 (好似李雲迪以前每天都要練習十小時以上啦)，才有成功的一天。不過，一定要加上小朋友對鋼琴有没有興趣啦！
好似我個仔，係要迫既，最初低級時，歌仔短及簡單，好有興趣，很快練完琴，琴諎又唔看，看一次就背及彈；但越高級時係唔得，現在他準備今年考七級啦，歌仔長，又不會自動自覺練琴，時常叫他練琴，真是好鬼勞氣。

臣媽

有時年紀太細

dormom

這句說話是 arthur rubinstein 說的。

世界上那個咁多不勞而獲的事？ 可能炒賣可以大上大落賺很多，但是技術很難會這樣吧~~

如果真的不用練也可以覆到，那肯定就學的東西太淺了！
我記得我老師講過，難、唔識先要特別練，你彈得到，練來作什麼？  ：）

kfwong

一是學的歌太淺;
二是小朋友只練左小小但又吸收得快囉;但一定lala cut cut架,

meimeicoco

Hi dormom,
十分認同！

candytl

candytl

dormom 寫道:
這句說話是 arthur rubinstein 說的。

世界上那個咁多不勞而獲的事？ 可能炒賣可以大上大落賺很多，但是技術很難會這樣吧~~

如果真的不用練也可以覆到，那肯定就學的東西太淺了！
我記得我老師講過，難、唔識先要特別練，你彈得到，練來作什麼？  ：）

原來這句話的原創是出自大師.

Sindy

dormom 寫道:

我記得我老師講過，難、唔識先要特別練，你彈得到，練來作什麼？  ：）

我都成日同女講,但佢始終覺得唔駛練最好.............

臣媽

講得多又好似幫自己賣廣告, 咁細佪小朋友都係玩多d 好, 唱歌係開心ga, 不論係一個人定係一班人, 仲係不知不覺中將音樂放入佢心裏面

dormom

其實，練琴多d，自然就會彈得好聽d，
那樣，小朋友自然就有心機彈落去啦。
佢覺得自己不停進步，是一種很美好的感覺呀~~~~
(大人好難先會有大進步 (再按：我講緊我自己)，但係小朋友每個星期，或者每天都可以感到自己有進步！)

那樣，就自然會乖乖地練啦。
很開心的！