聖羅撒小學家長

maxims

我打算報考小學,請問有無家長可以講d有關該校既野比我知     

如: 功課,老師,教學方式,校風 等.......thanks !

cameo

係咪打算插班????
功課量一般,會有抄寫功課~
老師~,好好,關心學生!!
教學方式~絕對傳統!!!
校風~我覺得d學生算好乖~學習風氣良好!!!

心心媽

可能係要盡收幼稚園學生的關係，聖羅撒小一一班有39人，都幾大班。
不過d老師真係好好,有次我去學校見班主任,在教員室外徘徊的時候,其他老師行過都有同我打招呼,妳知la,身教係好重要架!
功課量ok,抄寫都只是4,5行咁!最好是行循環週,d中英默書唔會係同一星期出現,等我有時間係星期六日幫囡囡溫書.
每朝又有早讀,讓小朋友養成閱讀的習慣!
校風都很好,同學仔又肯互相幫助,我囡囡成日打電話問同學仔功課,d同學仔都無厭佢煩!   

maxims

唔該晒兩位媽咪

另我想問兩位既意見,我囡囡是活躍型,唔知學校接唔接受活躍既學生,容唔容易適應

Daisy媽咪

maxims 寫道:
唔該晒兩位媽咪

另我想問兩位既意見,我囡囡是活躍型,唔知學校接唔接受活躍既學生,容唔容易適應

My daughter is not studied in ST. Rose kindergarten but she has very fruitful school life (especially the new principal on board).  I totally agree that the teachers and all workers are very nice and the administration are very smooth and considerate.    They are willing to listen the comment from parent and seek for improvement.  I believe I made a good choice !

My daughter is a very talkative and active girl (always be marked name by monitress and the classteacher).  Of course, she has difficult time to adapt the discipline environment.  However, I felt that the teachers are willing to give chances instead of labelling her.  Nevertheless, it spends a lot of time to foster the positive attitudes of the students instead of pushing the acamedic result.

In conclusion, I don't have hesitation to recommend my friends to send their daughters to this school even though its facilities and acmadic result are not very top.
    

cameo

我個女都係坐唔定o架,不過佢知上堂唔可以亂嚟,所以無攪亂檔o既,但就好唔留心囉,因為上堂真係要坐定定~
我都覺得我個女可能較適合活動教學,但有時唔係想要咩學校就入咩學校,加上校網所限,所以我選st.rose都係因為佢校風同學習風氣良好,無可能再兼埋其他"要求"lu~而家過左一個學期,以我個女性格,我知佢係跟得辛苦o架,唔係能力問題,而係佢上堂唔夠專心,學習上一定無咁好,我只係鼓勵佢多d希望佢有所改善~
如果以學校方面,我又覺得佢地無話"唔接受",我女班主任及科老師都好樂意提供相關協助,班主任教我點去安排個女日常做功課等等,主科老師亦好樂意教我點幫個女溫習,呢點係我未入st.rose前無諗過o架,因為預左老師好忙唔理得咁多,但無諗過老師可以咁熱心幫家長同學生!!!
整體嚟講,我對呢間學校都好滿意的啊!!
p.s,平時喺屋企,我個女係過度活躍型,,,,

maxims 寫道:
唔該晒兩位媽咪

另我想問兩位既意見,我囡囡是活躍型,唔知學校接唔接受活躍既學生,容唔容易適應

maxims

多謝晒各位媽咪,令我可以更了解該校,我現在放心多了

Daisy媽咪

暫時黎講佢既中學係我既首選, 因為我見到高年班d姊姊個個都好獨立, 好乖, 所以佢既地點不再是我考慮既因數, 何況, 中學時個女都大, 返遠d都冇所謂啦 !
不過再講, 要上返原校都要加點勁, 第一次考試後才知st.rose d 學生d成績好勁, 平均分八十都會落在排最後果批呀 ! 大家努力呀 !

心心媽

st. rose中學係英中,如果我囡囡咁叻升到,我都會比佢讀,不過好似只收番七成小學學生咋!

我都覺得e+小一d同學仔成績幾好!所以我都要求囡囡加把勁!

cameo

如果有機會升到st.rose中學,暫時都會覺得一定入o架~
我女今年小一,我都覺得呢間小學語文水評幾高(中&英),喺短短一個學期,我眼見個女真係學多左好多,當然,我都覺得讀呢間的話,唔多唔少都需要家長幫一幫,好難要佢地可以做到"完全自己攪得掂",因為佢地功課雖然唔算太多,但都唔算少,所以我都要諗d計仔去氹佢自己做(每日功課&執書包),但我個人就覺得唔一定需要出面再去補,除非父母都要工作無人管又另計........同埋佢地學習氣氛真係唔錯!!

rose,sara

i want to know if my daughter not study st rose kindergarten now,would she still has chance to apply st rose primary school?thanks for any opinions.

Daisy媽咪

我個女係攪珠入去既, 係第2round. 我唔知入唔到st.rose 中學既小朋友會去邊, 不過照睇九龍城好多好中學, 我估唔會太差掛 !


以我同以前幼稚園的同學仔傾番, 佢d程度一定會慢過私校, 但又比一般津小,要求高 ! 功課不多 (不過可惜亞女做得慢). 但我覺得佢地既approach 來得合理, 由幼稚園升上小一, 小小朋友連環境都未適應就谷佢地, 好似好慘.  :cry:
等佢地上左2/3年班至慢慢谷都未遲 !
聽說st.rose 中學d 英文好勁, 近幾年羅左好多獎 (好似係經濟/明報 報導), again, 佢未必係top school (同st.mary/ heep yan / maryknoll 比) 但我自問以一個working mom 來講, 這學校已是我能力可應付的極限了 !

最後, 一定要贊既係, 佢既校風真係好好, 佢有一套特別一套去 train d 小朋友, 以我個女為例, 佢真係個咀同隻腳冇時停, 依家過左一個term, 佢明顯定左, 有禮貌左 (雖然仲係比緊老師寫緊手冊話佢上堂傾計), 但真係乖左好多呀 !

心心媽

我個女係st. rose kindergarten升上去架, 所以我無擔心佢升小一時會唔適應!

st. rose primary係34網, 唔係twun tong!所以升中時,我地可以選九龍城或沙田d中學架,不過據我所知好多小六生都選回其中學,可能讀開有感情掛!

Daisy媽咪

scotia.nova 寫道:
daisyma

多謝你既分享,咁即係你個女唔係讀佢既幼稚園？

好同意你所講 "佢未必係top school (同st.mary/ heep yan / maryknoll 比) 但我自問以一個working mom 來講, 這學校已是我能力可應付的極限了 !"
  

2nd round = 跟地址攪珠？... 你bk register 話住kwunｔｏｎｇ，不是同一ｎｅｔ？．．．．

ｔｈａｎｋｓ

嘩........你好細心呀 ! 我娘家係果個網嘛 !

hoyukmei

我很同意, St. Rose的學習氣分很好, 老師又對小朋友關心, 會與家長溝通及找尋解決方法, 很有心.
不得不提的, 是它們的早讀, 真的很有用, 小女,現在培養了閱讀的習慣, 常去library 借書看, 有一段時期還書不離手, 現在算是鬆懈了
至於適應期, 她一年級下學期已學識了自已check 書包, 寫手冊各樣, 我也滿意, 相信與老師給予的training有關,很不錯

cameo

我個女都係攪珠派到位~我自己係34網!!可能係網內所以機會大~
我女學期初真係辛苦在全日制,因為佢4年幼稚園都係返下午,所以時間,新環境兩樣加埋令佢變得好吃力,但佢都算自律,學期初我要求佢自己每日執好一份功課兼執好書包,開頭佢真係花好多時間,而且我每日都會幫佢check一次,但好快佢已經ok,執書包係可以跟埋上堂o既次序去執了....其實適應上學校幫到好多,老師會教佢地每安排一樣功課時即放入功課袋,所以佢地會習慣執好一份功課返嚟做o架~~
若提到中小升英中...我反而唔太擔心,因為事實好多小學都係中小(私小可能會較多以英文教學),但我相信一間好o既英中亦會有一套方法去教,唔會亂嚟卦,,hahah...我自己細個都係由中小升到英中,覺得唔係太大問題!我反而真係好欣賞st.rose語文上o既程度,其一佢地好著重,其二係小朋友係可以接受到(唔會過份催谷),因為我自己覺得,無論以後係邊一科專長,佢地都只會以英or中去作答,所以語文都真係好重要啊!!!

Daisy媽咪

cameo,
我一向好欣賞你對小朋友既教法同觀點.
其實我又唔擔心中小上英小問題, 因為 st.rose 出名語文好 (尢其是英文), 我想信上左高小, d 老師會 train up 佢地.

從上次既校慶及小一迎新日所見, d 高年班姊姊好 independent, 好有 passion 同好照顧d 師妹 (好似上兩星期, 我個女架校車撞車, 我個女同初小一些學同仔都好驚, 但亞女話五/六年班d姊姊叫佢地唔好驚, 仲安慰住佢地, 所以至唔喊 !

仲有, 初初開學, 亞女好naughty, 成日比人"摘"名, 有個風紀姊姊仲send email + card 比亞女叫佢乖d, 唔好再令老師咁頭痛, 這可見d高年班姊姊真係好有心 !

依家我要努力同佢pick up d 中文, 因為佢d 中文好差 !

此外, 有朋友同我講, 如果係間好既中小讀, 萬一上唔到英中, 都可以上一些校風好既中中. 因為要pick up 中文係難過pick up 英文好多, 你試看坊間有幾多間可以教中文好既 centre 就知啦 !