西灣河基灣家長請內進

sandylaw

sandylaw

唔係跨網，係轉網
我地成家為左個女讀小學由天水圍搬出黎派位的

sandylaw

我好想知舊基灣係咪好難入架？如果派唔到，叩門的話，機會大唔大呢？

Xanthe

sandylaw,

都難入嫁！上年要考筆試揀後補生！

sandylaw

Xanthe,

早兩日註冊成功，有好多野都唔係咁清楚，想請教下你的，希望你唔好嚴我煩啦

1.請問筆試大概考D乜野架？駛唔駛串填英文字？編班試重唔重要呢？
2.請問校服D質料好唔好？可唔可以自己去轉第二間校服供應商架？
3.請問課本在學校買定自己出去買架？
4.請問小一程度深嗎？我需唔需要在暑期為個女做咩預備功夫呢？

唔好意思，好多問題，因為第一次冇經驗，又冇其他朋友讀呢間學校，對學校唔係十分瞭解，所以好緊張，希望唔好見怪

:

Xanthe

sandylaw,

早兩日註冊成功，有好多野都唔係咁清楚，想請教下你的，希望你唔好嚴我煩啦 ==> 冇問題，You are Welcome ne!!

1.請問筆試大概考D乜野架？駛唔駛串填英文字？編班試重唔重要呢？==> 筆試好似又串字eg. lion, bird....，考d乜就唔多記得啦！我個女冇考編班試，據我所知係盡量把學生程度拉近！

2.請問校服D質料好唔好？==>幾好唔差。
可唔可以自己去轉第二間校服供應商架？==>當然可以但我記得可以係學校同一日做哂！

3.請問課本在學校買定自己出去買架？==>你可以在學校買亦可以自己出去買！

4.請問小一程度深嗎？==>如果小朋友上課留心，應該会pick up到！當然亦要看家長的要求！每星期默1次中、英，每2星期測中、英、數一次，考試前一至二星期會同你温習！

我需唔需要在暑期為個女做咩預備功夫呢？==>我冇做！

sandylaw

真係好多謝你，你答得好清楚

我到以家都好緊張，聽人講基灣小學會讀得好辛苦，好怕個女跟唔上，但係見你好似好輕鬆咁，其實你用咩方法培育個女架？請指教下

Xanthe

由小一返學己經開始培養，同佢set係幾點前要做晒d功課，唔會同佢對功課答案只對佢做齊味，亦唔會陪佢一齊做功課，返了4個月就學對手冊check做完功課未，拾書包.....之後你就會輕鬆！(但唔係個個好似我咁嫁，要承受手冊會比寫欠交xx, 欠帶xx...)

sandylaw

其實你呢個方法都幾好，咁樣令佢可以獨立d，自己又輕鬆d，但係駛唔駛每日都要溫習一段時間，因為都有幾多默書測驗，你個女有冇投訴話太辛苦同唔開心呀？

Xanthe

sandylaw,

我個女每日都儘量用30分鈡温習，當然有時冇啦！我個女一d都冇投訴太辛苦，佢係學校好開心。有時我匈佢如果唔讀書就要轉校，佢會好認真同我講唔准轉！

sandylaw

我都希望我果個好似你果個咁就好了 :wink:

好多謝你答左我咁多問題，謝謝

呢個topic好似得我同你入黎傾咁，以前果d家長都唔見哂既？係咪要預備考試，唔得閒上黎呀？

Xanthe

小寶：

今日見到你都冇時間同你講this Friday we can't go ne as we need to dance ar!!

點呀你個仔温成點呀？

anny

...

Xanthe

   Happy summer holiday!!

sandylaw

Xanthe,

想問下開學初期，家長係咪可以陪小朋友食lunch？
你個女帶飯定買飯盒架？
美心集團的飯餐好唔好食架？

     又有好多問題了   

Xanthe

sandylaw:

想問下開學初期，家長係咪可以陪小朋友食lunch？=> 不可以. 但美心集團會有工人幫小一學生另外班主任會在課室同一齊吃飯.

你個女帶飯定買飯盒架？==> 帶飯因為亞女食量勁少同食飯好慢帶飯我可以知佢食在幾多! 不過小一老師會看每位小朋友食完的飯,食得少會叫佢地食多d.

美心集團的飯餐好唔好食架？==> 我試過到美心廠房試食, 味道偏淡飯盒亦是早上才煮的.

sandylaw

你一早整好飯俾個女帶返學or夠鐘先拎去學校呀？

偏淡係咪即係無味呀？

我都以家都唔知買飯定帶飯好

binbinguan

我個仔吃飯又係好慢,又不肯吃肉,所以我都好頭痛......

不過我沒辦法送飯,都只好定飯了,不知美心有沒有少肉或沒肉的飯呢

Xanthe

sandylaw:

你一早整好飯俾個女帶返學or夠鐘先拎去學校呀？ ==> 一時時，通常早上整好俾個女帶返學。

偏淡係咪即係無味呀？==> 冇咁多味精、少 salt

我都以家都唔知買飯定帶飯好 ==> 好多家長一個月比佢訂學校飯，另一個月就帶飯。

Xanthe

binbinguan,

個餐單上會有3個choices揀，有三文治、免治肉、菜飯.....