請幫幫忙...仔仔放學後從不會自動自覺做功課...!怎麼辦??

CHUCHUNMA

仔仔今年已升讀小一，我又要返工，每天放工後，吃完飯，差不多8:30PM才做功課，根本沒有時間温習，成績...點會好....唉     

julietta

試下請補習老師啦，要出少少錢，假手於人。

露絲

CHUCHUNMA,

實行獎勵計劃及chop印仔, 如果達到目標可以獎去公園玩1次或玩心愛的玩具或其他........不過唔好獎物質.

k3升去p1....是好難叫小朋友自己乖乖做快些, 比d時間他們吧!  佢地會唔知點解要禁辛苦去完成功課及要溫書, 所以會有時故意唔做或有禁慢得禁慢.....

所以比d心機啦...唔好放棄...唔好比禁大壓力自己啦...溫唔到書未等週六或日囉.

      

Irene_BB

妳可做一個時間表給他﹐分配好做功課､遊戲和温習時間。
（如果功課多太多可以中段時間有五分鐘休息﹐相對遊戲時間要縮短。）
另外可以給他一本貼紙簿或蓋印的簿（到一定數目給他奬品）

小兒小一時我都是這樣的﹐現在小二就只須口頭定立時間﹐他就會照做﹐考試前一個月先會做時間表給他温習。

BB2WONG

由 CHUCHUNMA 於 2006-02-28 14:39:56

仔仔今年已升讀小一，我又要返工，每天放工後，吃完飯，差不多8:30PM才做功課，根本沒有時間

fionwong2707

請問你的仔仔讀那所小學?    安排不錯喎

雯雯

BB2WONG

Could you please PM me which school is your son studying?  Thanks a lot.

BB2WONG

九龍城的聖三一堂小學（私小）而細仔就在聖三一中心幼稚園，2個都是全日制，早上我一起送2個番學，到小學放學（3:30)就參加活動至5:00左右，細仔放4:30 ，但係校車要5:15左右才開車，2個一起乘校車，到6:15-6:30。

聖三一堂小學是不錯的學校，跟全職父母很配合，盡量很少假期、早放學，而且校內設了很多課外活動，那我們就可以讓他在MON-FRI在學校多些參加，WEEKENDS就不用再同圍去學東西（當然有些還會繼續去）但我想SUN最好是留番來FAMILY DAY一起去玩！

可以上網看看，學費不太貴（HKD1800/月）另300/月的功課班費（由3:30至6:00）另LUNCH就HKD16.50/餐，學校自設廚房（一星期有一、二次老火湯）
好多家長初時都帶飯，後來都在學校食，因為反正都跟屋企菜差不多，而且有湯，更加健康！
另外好多家長都是放工才去接放學，因為可以留到6:00，好多5:30放工的家長也趕到（當然附近上班的家長）

所以我 一向都有各朋友推介這學校，我細仔也一樣會照入讀！

CHUCHUNMA

真係好多謝大家嘅意見，其實好多辦法我都試過，因為仔仔由細到大都係公公婆婆湊大。放學返屋企就成個小霸王咁，跟本唔會聽佢地話乖乖做功課，BB2WONG, 你就好啦，你仔仔咁醒，你要返工，佢都考到三甲，真係羨慕死人。所以我唔會放棄，希望好似你咁成功，就好喇！     

BB2WONG

雖然你說你個仔好似小霸王一樣，但係你知不知？越兇的人就越聰明，但亦是越懶，所以你要盡力幫阿仔發揮佢既潛力，我會阿仔未學到的課文，我會先STUDY，特別係英文，我會在學期初就在書上譯左D生字（每課）咁等佢上堂時唔會因為唔明而唔專心！

常識我會先STUDY，好似這學期佢學香港遊區，咁我就近來多帶佢去一些香港的明勝（其實應該平時都多去地方，增廣見聞，我已經臨急抱彿腳），等佢上堂時有得發表，會投入好多，數學我會在佢學之前大概教他一次，等佢上堂時唔會完全唔明！

盡量唔好比佢上堂聽唔明，咁就會唔專心啦！
平時小測我都唔會幫佢溫書，等佢發揮自己真正的水平！我會早於考試前2-3WEEK就PREPARE定的題目比佢PRACTISE，到考前那幾天就同佢講定，考完試會去那裡HAPPY，不過一定要佢考試時好盡力就會去！咁佢就會自己要求試前幾天用地獄式溫習去溫書，即是除左SLEEP、HAVE DINNER、BATH、其他時間都溫習！

比心機--加油！小一學生

雯雯

BB2WONG

我也曾聽說這是所不錯學校,請問佢有冇中學做升中BACK UP?

flower99

其實佢唔自動做功課那就由得他無功課交,試多幾次比老師罰或鬧佢,到時仲緊張過你,呢個方法當然要睇你夠唔夠恨心啦!老師一句好過父母講幾十句,有邊個小孩唔驚老師.

cameo

我都明白由公公婆婆湊可能真係難控制,因我交俾老公湊一日都嘔血...hahhaha
咁放學返到屋企有冇開電視呀??
我女情況同你有點唔同,(我女都係小一啊),係佢無乜心機做功課,所以拖到好慢去做每一件事,跌舊擦膠落地都可能用三分鐘去執o架,,,
但近一次見家長同班主任傾開,佢話小朋友好睇即時獎懲,佢建議我每日睇功課量set個時間俾佢完成自己工作,包括做功課同執書包,跟住做完可即時賞佢睇電視半小時or其他佢鍾意o既事,如玩玩具半小時等等.......
我女逢星期五係去人地屋企人地幫我湊到夜晚先接返,而家平時做功課快左起碼一倍時間,每日放學一齊食tea(3點半放學),跟住瞓覺到7點,起身夠晒精力,好快佢會做好自己的事,每日都可以抽時間溫習,有時溫默書,有時係咁二讀吓課文,,,最令我驚訝係幫我湊佢的姨姨(佢個女係同我個女同校),話佢星期五自己同姨姨講俾一個鐘佢自己做野,,,個胰胰開頭都唔多信,因自己個女慢慢做,相對我個女係拿拿林想用最短時間做好,做完重要話自己其實唔洗一個鐘都攪掂,,,,
不妨試吓呢個方法,,,因我個女都絕對係一個練精學懶的人才,,hahahahahahaha

BB2WONG

聖三一中學好似聽人說是band 1 尾，不過係中中來的，我就是想這間小學有自己的中學就back up！到時如果成績好，就可以再選英中，如果真係唔好彩阿仔失手，都可以有自己的中學收回！還有佢地派其他中學如黃芴南、何明華會督、迦密、何文田官立、伊利莎伯都係一些中上游中學，我都已經好滿意！我唔夠想入那些喇沙、拔萃、皇仁！

koala

舉腳贊成

flower99 寫道:
其實佢唔自動做功課那就由得他無功課交,試多幾次比老師罰或鬧佢,到時仲緊張過你,呢個方法當然要睇你夠唔夠恨心啦!老師一句好過父母講幾十句,有邊個小孩唔驚老師.