你地會唔會同老師講自己仔女係屋企唔乖

pingubj

我仔學校星期六攞成續表,要家長同小朋友一齊返學校攞,我仔係學校好乖,但係屋企就好鬼洩,洩到出汁個隻,你地會唔會同老師講佢 地係屋企唔乖d野,因為我仔同埋我一齊返學校攞,我仔仲叫我唔好話比老師聽佢唔乖d野,我都唔知點講.冇理由話佢係屋企都乖架,如果咁講,咪即係係個仔面前講大話.

blythe

首先唔好意思先!
你又知你個仔在校好乖?
是老師講定係小朋友自己講!

titipapa

我就吾會講啦...
如果, 小朋友係學校係比老師話乖, 就算係乖果隻....
因為老師係以全校小朋友作比較.
小朋友在家洩,洩到出汁個隻...都係妳個人標準比較高(如果到時, 小朋友乖到吾精靈, 妳仲驚啦)
不過, 妳可以見老師前, 問下佢..講吾講比老師聽好呢?...今次吾講都得, 如果未改善到...下學期, 就叫老師罰下.... 個方法都work ga

ling媽

會講事實比老師聽，試過囡囡脾氣好大，攪唔掂，搵左學校輔導老師教路，當然無話比亞囡知。我覺得老師明白事理，前後見過兩個班主任，大家都知道學生o係屋企同學校會係兩個人，兩種性格，個班主任仲話可能係一個小朋友家庭，所以小朋友會脾氣大左，佢地唔覺得大問題，唔通曳你話佢乖咩，如果老師問佢係屋企點，就照直講，唔需要特別去隱瞞，可能老師覺得都唔係好曳，反而會安慰返你呢！

pmamylee

我個仔同你個仔一樣,家長日見老師,老師說他在學校很乖,所以一定要給他品行奬,而且還考第一, 他在家還算可以,但一出街就像一隻(luck sing monkey)通街走,在地鐵大聲說話,好似有點過度活躍症.連教開他鋼琴的老師都趕他走,話他太調皮,以後都不教他.
但我沒有說給學校老師聽他的頑皮嘢,只是對他說如果他再這樣調皮,下次我就一定話給老師聽.

一號

點解要隱惡揚善?

軒Mother

有無同個仔溝通過? 應先了解為什麼他會在屋企唔乖? 是個人尺度問題還是其他? 可以向老師請教, 但要婉轉些, 因為個仔在場, 免他尶尬

rose,sara

軒Mother 寫道:
有無同個仔溝通過? 應先了解為什麼他會在屋企唔乖? 是個人尺度問題還是其他? 可以向老師請教, 但要婉轉些, 因為個仔在場, 免他尶尬

agree要婉轉些,but must tell the teacher

dingdong04

唔講緊係唔好啦.
咁點叫做 < 家教合一 >      

老師唔清楚小朋友在家的行為 ,  何以循循善誘教你們的小朋友呢 ??? 你可以在家長日時 , 跟老師傾時 , 叫佢出一出課室, 又行開一陣得唔得.

教小朋友要[身教 ]為第一是好重要   
都係唔好隱惡揚善 , 大個佢會可能有樣學樣咪仲幣   

bobolee

dingdong04 寫道:
唔講緊係唔好啦.
咁點叫做 < 家教合一 >      

老師唔清楚小朋友在家的行為 ,  何以循循善誘教你們的小朋友呢 ??? 你可以在家長日時 , 跟老師傾時 , 叫佢出一出課室, 又行開一陣得唔得.

教小朋友要[身教 ]為第一是好重要   
都係唔好隱惡揚善 , 大個佢會可能有樣學樣咪仲幣   

Agreed

焯媽媽

會講的, 等老師可以幫忙話小朋友.

cameo

我剛一次都係同個女一齊入去見老師,我係照講"所有",我覺得隱瞞解決唔到,而且唔一定只係講小朋友曳o既一面,我都一定會提埋佢好o既一面,,,,
而且講出佢曳o既一面亦唔代表"喺老師面前數佢",我都會俾個女明白老師同媽咪會面係想大家了解小朋友平時生活,大家溝通吓~
而且,若果小朋友真係咁care媽咪會唔會講佢曳的話,咁就更加要佢知道,乖係要做出嚟,唔係講出嚟嘛,,,hehehe

pingubj

blythe 寫道:
首先唔好意思先!
你又知你個仔在校好乖?
是老師講定係小朋友自己講!

每個星期老師都會比個橾行分寫係本手冊度,有時都會寫D評語,橾行次次都係A,每個星期都話佢乖,所以我咪知囉.如果老師要我地每個星期都寫返係屋企既橾行分返學校,我一定會比D-我仔,我真係頂佢唔順,我都唔明點解係學校同係屋企二個人黎架.

多謝大家既意見,我都覺得唔應該隱瞞,我應該知點做.