民生書院

dabbycheung

我舊年本來都諗住幫個仔報呢間，所以對呢間中學都略有研究。
佢地主要收Band 1既學生，但Band 2頭既都有機會。因為佢地係英文中學，所以如果你個仔英文成績優異，收佢既機會會大好多。
我自己覺得，外來生反而比佢地小學部既學生仲易入呢間中學，因為佢地只會收返小學部既Band 1生，Band 3生一定唔收，而Band 2生就要小學校長推薦至收。所以小學部既學生競爭都好大。
但反而呢間中學第一輪會收48個外來生(一般學校第一輪只會收30個)，大抽獎則會再收7?個外來生。再加上九龍城有好多Band 1英中，好多家長都唔會揀呢間，所以可以入呢間既機會都好大。

sbj

我個女都係讀緊民生, 但入番中學部的機會未必高, 因成績不是太楝青. 佢個心就好想入. 據校長今年所提供的數據, 往年都有成200人入番原校, 有成100人無得留低, 而中學部就有6班, 大約240人左右.

但有些朋友對中學的批評不是太好(校風方面).

sbj

係校長係家長會所提供的資料, 上年有107人無得留低, 有200人入番去, 其實學校收生不是很多, 所謂的大抽獎(即派位)也會留給自己同學(但也要参加派位), 因小學班數比中學多, 又唔係一條龍, 所以唔可以講全部小學部學生都收番. 而今年的自行收生(48人)也可包括自己友申請(據說往年是不可以的).

dabbycheung

sbj 寫道:
今年的自行收生(48人)也可包括自己友申請(據說往年是不可以的).

可能因為以往公開收生時，收生情況不是太理想，所以今年改了政策。因為照我所知，以往九龍城區其他Band 1英中，一般在第一輪收生時，也會收到約$3xx申請。唯獨是民生，每年也只收到約$1xx申請，舊年該校更將報名日期延遲多約2星期。所以今年自行收生也包括自己友申請，可能是想將個申請人數做得好睇D.

dabbycheung

Auntie山渣 寫道:
即是外來生除非是很好成績，否則機會又是微乎其微。     

Auntie山渣：
你唔洗太擔心，因為我覺得，既然今年自己友都可以自行報考，咁自行報考果班，一定只屬Band 2 或者Band 3成績(因為Band 1果班已經一定收)。而你個仔屬Band 2,英文成績又好，我覺得機會都幾大呀！

dabbycheung

Auntie山渣：

其實我唔係太清楚呢間中學功課多唔多？不過我有個舊同事響呢間中學讀過(n年前)，佢話因為佢以前好多同學都係小學部升上來，而佢地小學本身係英文小學，所以佢D同學英文都好勁，咁如果好似我地D子女係由外面考入去，之前讀開既小學英文程度又普通，咁個小朋友可能會讀得比較辛苦。

SARIDON

民生小學是中文小學，不是英文小學