九龍禮賢06年K1-下午班, 請進

megakuk

Hello, 大家好!
相信大家都已註冊好了, 你地估仲有無機會轉到上午班呢? If not, 你們仲讀唔讀ka..?

fi-fi

megakuk,
Hi~~如果轉唔到上午班我都會讀嫁....是關禮賢真係一間好學校嘛,係咪? :wink:

megakuk

Hi! Fi-Fi,

唔知我們的小朋友會唔會做到同班同學呢?
我囝囝現在讀緊幼兒園返全日, 第日返下午班就送唔到佢返學lu....好唔開心呀!

fi-fi

megakuk,
唔好唔開心喇,你係咪要返工嫁?我都係要返工嫁....其實返下午班對我地返工父母黎講係好d嫁...你可以諗下:每晚放工返到屋企食飯/沖涼....搞呢搞路....又九點囉,如果佢地返上午班就要迫佢地上床訓覺,連傾偈/遊戲ge親子時間都無....但係返下午班就仲可以多個幾鐘頭出黎親子一番,你話幾好呢?係咪? :wink: 開心面對吧

dns

Thanks for  K2 all Ｍom
Pls, Play Attantion
all  K1 Mom & Dad
以下資料只共參考：

校服篇：
提提你地，如無意外，應該都係：
逢星期一（幼兒班）運動服，二至五穿圍裙．
逢星期三（低班）運動服，一至二，四至五穿圍裙
逢星期五（高班）運動服，一至四穿圍裙．

有冬天運動衫, 有件風褸, 風褸可以唔買架!
可以提醒d新既女同學仔家長, 著褲較方便,
因為佢地成日會出花園玩架!

比個小貼士你呀，圍裙買兩件，因為每天都要穿，
運動服一星期穿一次，所以一套夠晒數．

買圍裙時買大Ｄ，到升低班時，
可以用$10換過紫色袋仔，
再升高班時，又再用$10換過綠色袋仔，
唔洗成件買過，慳番Ｄ

圍裙係跟班級個袋會唔同色,
如果係上午班係橙色, 下午班係橙白色格仔袋
仲有要自己帶茶點和水壺, 仲有濕毛巾盒!
留意番d盒同水壺要小朋友自己開到蓋到

另外學校無規定白色運動鞋和黑皮鞋，
所以穿任何款色都得，涼鞋都可以，
但一定要著襪．

功課篇：

幼兒班初期只係工作紙，寫下線條，
好似上學期一星期一張工作紙，
下學期一星期二張工作紙，
如果無記錯，跟住會有朗讀護照．

朗讀護照是－老師會幫小朋友揀本圖書，
然後回家由家長講比小朋友聽，
再和小朋友傾談圖書的內容，
然後用寫字、畫畫等形式將感受做在朗讀護照內．

其實每年既安排都差唔多，
八月分一個家長會，
今年九月二日係星期六，
所以應該四日先開學，
九月四日至五日K1都係上課一小時，
男仔和女仔會分開返，家長可以陪小朋友．
九月六日至八日號開始返二小時，只有小朋友，
九月十一日開始正上式上課三小時．

活動篇：

學校有旅行、運動會、生日會、家長會、取學習報告等，我都會請假參與．
仲有觀課、主題教學、玩水日等，學校都會搵家長回校幫手，通常都搵全職媽媽．
雖然要預備好多假期，但可以清楚佢地學習情況都係值得既．

活動方面, 一年有4次家長會, 除左第一次係開學前幾日既黃昏時間舉行之外(妳可以放工先來),
其餘3次都係星期六舉行的, 若妳星期六不用上班便very good喇~  另外會有2次放行, 1次觀課,
若妳會參加"學齡保健計劃", 一學年會有2次檢查, 上學期第1次檢查,不需家長出席, 下學期會有一次要求家長出席,時間大約半小時(預鬆了時間), 妳自己預番d假啦~

係呀! 仲有取學習報告, 一學期一次共2次, 多數會再星期5或六, 老師會派通告通知時間, but 都係半小時內搞掂!!

主題教學, 玩水都係唔會招呼其他家長, 祇有負責協作的家長, 我自己係家庭主婦,上年我我有幫手做協作, 見到一班小朋友真係好開心架! 需然之後會好倦, 但係都係值得既! 相信呢d就係老師既原動力, 實在好佩服佢地!!


時間表篇：

（今年）家長會在十月二十九日，通常都係
星期六舉行，所以你地可以估下大約幾時．
以往分上下午班，今年就一齊．

（今年）旅行在十一月十八日（上午班），
隔一星期就係（下午班）旅行，通常都會在
星期五舉行．

生日會就無定星期幾舉行，所以無得計．

農曆年前會有年宵日（今年）一月二十四日，
下午開始，學生和家長可以在任何時段，
（12:30至4:00）去學校玩灘位遊戲，
每個課室都有唔同遊戲玩，又可以穿唔到服裝影相，好好玩架．

（每年）8月頭會有一次家長會，應該係晚上六時左右開始，介紹學校和入課室，班主任講解上課情形及解答問題．

（每年）9月頭開學首兩天（應該係2-3號）每天返1小時，家長可以留低和小朋友一齊上課，適應學校生活．第3日開始就會返2小時，只有小朋友上課．之後正常上課時間3小時．

（今年）10月份開一次生日會9-12月份小朋友家長可以參與1小時，其它月份生日小朋友家長不用出席．

（今年）10月份一次家長會在星期六舉行，有小朋友上課錄影帶看，一定要出席．（非常之難得）

（今年）11月份第一次學校旅行．上下午班會分兩天舉行．

今年9-12月份係咁多喇∼

megakuk

Hi! Fi-Fi,
多謝你!I hope so .... 我囝囝現在返緊全日制nursery, 每晚我一收工就衝返屋企, 陪佢玩一陣都要訓教lu. 最慘我公司好忙經常O.T. (6月以後情況更差, 返到屋企都10-11點), 我亞媽辛苦之餘, 囝囝因少見父母都有唔開心... 好心煩, 我真係好想轉份時間定d的工作, 可以多d時間陪個囝...
你呢? 邊個幫你湊B?

megakuk

Thank you so much! 資料十分有用...

fi-fi

megakuk,
我完全明白你個情況...我就好你d,我公司可以準時放人....所以我可以六點半左右返到屋企陪個囝,而我老公因為較自由,所以通常見完客就鬆人返家....但我倆都計過,如果九點要訓覺的話,就只有3個鐘,仲要包括食飯/沖涼....所以都覺得返下午班應該更適合...起碼每晚都多左成個鐘 :wink:
就你個情況黎講,下午班就更適合你了....否則晚晚你地返到屋企,個囝已經訓左覺lu....如果可以,真係搵份工可以比你多d時間陪個囝喇,無野可以補償失去ge親子時光嫁

megakuk

Hi! Fi-Fi,

你就好啦, 6:30可以返到屋企陪個囝, 我通常都仲係公司對住個Mon咋....
不過, 你唔怕囝囝會習慣左晚睡遲起床咩, 上小學難D適應全日制的生活 (有幼兒導師曾提出這意見) 加上我個囝確實係難訓豬一名, 睡10-12小時先起身, 如果唔係就好炆

fi-fi

megakuk,
咁有得必有失嫁喇...好難兩全其美嫁嘛....係嘛?不過訓足覺ge話對佢地ge學習/專注力都會好d嫁....如果係隻懶訓豬ge話,咁返上午班就更煩惱囉....
我又唔係咁擔心小學全日煩適應喎,因為佢地到時就會自我調節嫁喇 :wink:

tyty

hello，各位好，我囡囡都係返下午班，我係一位在職媽媽，請多多關照   

yiuyiu730

Hello,

我個女都係pmclass,但仲唸緊讀唔讀,因是下午班,同佢依家讀緊nusery 都好昭開心,但又唸禮賢是一間好學校,所以仲唸緊,你地有無意見可分享下.

fi-fi

hi 大家好

yiuyiu730,
我囝囝以家讀緊全日nusery,都讀得好開心嫁,從來都無話唔返學....我估囝囝都七月時都會唔捨得老師/嬸嬸/同學仔....但禮賢真係一間好學校(我無聽過話佢唔好...嘻~),所以無論如何,我都會照原定計劃讀禮賢....其實我都有好幾個offer,全部都係am class,但我就係最想讀禮賢囉

:wink: