各位會點樣幫小朋友準備升中面試

candice2211

如題，thx!

WongWong

我會嘗試參加一些升中面試班.

jeancheng

WongWong,

可否介紹一些升中面試班.

WongWong 寫道:
我會嘗試參加一些升中面試班.

candice2211

好多升中面試班都full咗，而中學在三ｏｒ四月會開始進行面試，現在我都有ｄ緊張＆担心，想早ｄ操下個女，希望佢一次ｏｋ！

sofeimama

我都好緊張呀
話晒依家都2月中，再過多個月就面試啦嘛
除左參加面試班，你地有冇d方法分享
會唔會仔女在家模擬面試﹖
我平日係個緊張阿媽，都好驚影響到阿仔情緒

daisychan

1.和仔女到該中學逛逛,視察環境,減低陌生感覺,計算面試該天的交通時間,預留最少15分鐘到達。

2.找朋友(成人)幫手模擬面試,以求迫真。

3.到該中學網址找資料。

4.多加模擬練習,但不要添加壓力。

5.以平常心面對,成事在天。

bellakiki

Dear candice2211 &BK Mum,

I can't find those 升中面試班 in town.  Maybe becasue most of them are fiull, so, there is no need to place ad.  Do u know any good place for my younger son next year?

dougdougma

由於報唔切面試班，於是我幫dougdoug仔連氣報左8間直資中學，一於實戰當取經，至今已經in左4間。
個仔性格活潑好動，平時對住家人咀gelgel，估唔到interview緊張到不得了！雖然in前煲熟哂d面試題目，但咪話講英文就是問中文都發台慍咁答唔到。

第1間~顏寶玲~5人小組英語討論~問：有朋自遠方來帶去邊度玩？答：Ocean Park(out la)~其餘答：Disneyland(夠hit)、黃大仙廟(有新意)~結果：肥左！

第2間~德信~先來單獨考佢英文~內容唔知(個仔唔願講)~再來2位老師要in埋父母(講中文)~問：如果你曳父母點懲罰？竟然：答唔出！(事後話：平日駁咀駁舌激嬲你，唔通答你拎拖鞋打咩？)~再問：甚麼是德行？當然又：唔識答！(le條真係好深，我都打個特！)~好勒問翻d佢喜愛既足球題目：如捧那隊球隊&最喜歡那個球星？但至此佢已冇哂自信驚到乜都講唔到~結果：梗肥！

第3間~港青基信~1外籍1中國老師考佢英文~內容唔知(又係唔願講)~再來in母子一齊(外籍老師問英文)~題目好易就係平時係屋企溫熟既：you like football,(yes) why?(答唔到，佢話外國人問佢好緊張，個腦突然空白！) 跟住問既都係咁~結果：又肥！

in左3次，綜觀經驗，發覺亞仔臨場表現好緊張，特別係答案太簡單發揮唔到。於是我同佢講不要怕，之前既只係羅經驗，其實果幾間都唔係目標。

第4間~培基~le間係母子分開單獨in架~可能真係in得多啦開始唔驚勒~in完佢仲咪咪咀笑肯講翻哂d內容出來~仲話有85~90%成功喎~雖然仲未知結果但我知佢有自信識得表現自己勒~咁真正既目標就係自行選校果間，到時都唔洗咁擔心丫。

其實我個仔只係band 2，如果考到是但一間直資真係當中頭獎啦，而3、5拾蚊報名費加埋都冇面試班學費咁多錢，in多幾間又何妨？事實佢in得多發覺d問題都係大同小異咪唔驚羅。細路仔當佢知道面試班唔係真既只係輕輕鬆鬆當玩，一黎真既面試場合就乜料都冇哂，反而實戰有d幫助。

Mimi_Ma

dougdougma :

我將來都有打算,  報多幾間直資面試當實戰經驗,  好過去面試班.

yammyma

今年阿囡學校同外面機構合辦面試班,只須$300,同佢報左,希望有幫助.

dougdougma :

你既方法好好,我囡都報左培基,佢五年級成績係band2,但六年級係band1,不過無面試機會,無得train下.

dougdougma

dougdougma :

你既方法好好,我囡都報左培基,佢五年級成績係band2,但六年級係band1,不過無面試機會,無得train下.[/quote]

hi yammyma :
你囡囡都報左培基呀，幾時interview？咁我都講講我地係果度in既情況比你知，希望幫到你。
Part A (dougdoug仔)
2位中國老師in佢 ~ 先read一篇英語文章 ~ 朗讀出來 ~ 老師英語發問有關該文章內容約3、4題 ~ 英語介紹myself 、my family & my hobbies ~ 老師問(中文)：如果神仙給你3個願望，你想要甚麼？答：1. 身體健康(le個答得幾得體！) 2. 要賺多d錢(幾現實！2位老師即時微笑，尤幸佢識用個「賺」字，即唔係不勞而獲) 3. 要踼足球叻d (踢波係佢至愛運動)，老師問點解？答：因為踼波叻可以賺好多錢！(幾坦白，又係錢！老師們更笑哂咀。) ~ 再問：如要用一種動物形容你自己，會是甚麼？答：馬騮仔，因為我成日走黎走去好似馬騮咁好動。(唔錯唔錯，有point！)
Part B (parent)
1位老師問(中文) : 為何你要選擇我們學校？~ 在dougdoug仔的小學生活中有甚麼是令你很難忘的？~ 你希望他長大做甚麼？~ 你期望dougdoug仔在這裹的中學生活學到甚麼？(唉...全部都係要講人生大道理架?!)

yammyma

dougdougma,

比較失望係小囡無面試機會,因為我係幾鍾意呢間學校,不過我覺得無得面試,學校都唔書面通知,好似有欠妥善,我係打電話詢問至知,亦無講原因. 多謝你post左段面試過程,都係一個經驗.