會唔會要求學校同個家長講發生左呢件事

KSY

上星期日囝囝係張床度玩唔小心跌左落床,佢有喊同話隻手手痛,我話要同佢去睇醫生,佢話唔駛,冇咩事,我見佢隻手都可以舉高同郁動,著衫,背書包等都冇問題,咁我就冇帶佢去睇醫生

星期一返學時我都話俾老師聽發生左呢件事,叫佢留意吓有冇咩唔妥,咁星期一嗰日都冇咩特別,到星期二早,阿囝仲話好番好多喇,點知星期二放學我屋企人接囝囝時佢見囝囝隻手側埋一邊,仲益好痛要睇醫生,嗰晚我問佢發生咩事,點解會好痛,佢話係學校俾同學仔推跌落地下就好痛喇,於是我帶左佢去急症室,同醫生講左星期日同嗰日發生既事俾佢聽,跟住醫生要阿囝照x光,結果係”鎖骨” 裂左,我問醫生會唔會係星期日跌親攪成咁,醫生話如果係既話阿囝唔會挨到幾日,係因為星期日跌親,但情況並不嚴重,係因為跌親後被人推跌落地而引至骨裂.

尋日我送囝囝返學,向佢班主任了解件事,佢都話星期一幫囝囝著衫同背書包時囝囝都冇話痛,但星期二佢囝囝著衫同背書包時囝囝話好痛,同佢都發現囝囝隻手側埋一邊,佢話了解完話我知件事係如何發生,尋晚佢話問左個小朋友咩事,佢話個小朋友見到張地毯(相信係字母膠嗰類)分開左想整好佢,但係當時我囝囝係企係張毯上面,但個小朋友冇預先通知我囝囝就扯開張毯,囝囝就係咁跌左落地整裂左”鎖骨”依家要用巾定住個位2-3個星期,我同校學講左唔會亦冇打算追究,但我想要求學校通知嗰位小朋友家長有呢件事發生,唔希望有下次,今次係我囝囝下次又會係邊個呢?而且因為我覺得一個4歲既小朋友冇理由唔識係有人左住自己既情況下叫人”借借”/”行開”等,我唔知個小朋友有心定冇心,事情已經發生左.希望大家可以俾d意見.

joyfulyan

俾我都會，雖然個小朋友可能是無心之失，但老師同家長都應該一齊提醒個小朋友要學習「小心」。     

5354

I hope that yr son will get well soon~~I will not tell his parents.Its only an accident~~ but I will ask teacher to talk and teach that boy to be careful next time~

神奇小子

Should let his parent know, just inform, not asking them to publish him, his parent should tell him how to live w/ other children.

dindinma

hope your son get well soon.

lyma

我都係教幼稚園嘅!
其實以你咁嘅情況,你唔出聲,個老師都應該會將呢件事話比佢媽咪聽,不過老實講,老師一定唔會同佢講:「嘩!你個仔今日好曳呀,佢......」,老師一定會比較婉轉同客氣咁話比佢媽咪聽,所以其實佢都唔會覺得你覺得咁嚴重 ,不過,始終梗係有話過個仔好過無話個仔la!
anyway,我都希望你個仔快d好番,咁你個仔呢兩個禮拜重返唔返學呀?你記住千叮萬囑個老師唔好比小朋友撞到佢wor!

CINDY媽

我都係教幼稚園的，我都同意ｌｙｍａ的講法，如果另外果個小朋友敢做可能你地會覺得佢點解唔講借借或同你個仔講張ｍａｔ未放好，呢個係大人既角度，小朋友遇到敢既情況通常都會好自我敢做佢想做的事，而未必會顧及人地，所以我都覺得係意外，老實講雖然老師係照顧緊小朋友，但有時意外既野係好難被免架，當然你小朋友弄傷如果係我都覺得好心痛，而另外個小朋友我會教番佢，佢敢做會另到人地弄傷，教佢再遇到同樣事情時應該點做，要同佢ｍａｍａ講，我自己覺得係為左同別人交代，始終係學校發生，我覺得應該由老師教番佢，佢ｍａｍａ都只係能夠係屋企教佢姐，係學校先接觸到小朋友．．．．祝你小朋友快ｄ好番

KSY

好坦白講,我冇怪責過老師,我明白一位老師對十幾位小朋友唔容易,我舊年開始已經從囝囝口中知道呢個小朋友平時都成日蝦佢,我一直都覺得呢d係小問題,所以從來都冇同老師講,但今次我真係忍唔住,點解會另到我小朋友受傷!得罪講句,我真係有d懷疑係唔係管教方面有d問題.再者我覺得嗰位家長既已知道發生左呢件事係禮貌上係唔係需要交代聲

算喇件事就咁完喇!唔想再討論喇