送小朋友去學琴，為了甚麼 ?

vk1101

如果係一心想栽培囝囝囡囡成為音樂家o既，唔緊要，但就唔好俾小朋友又學畫又補習又跳舞又游水，成為音樂家真係要好專心，係有個遠大目標就不要太心多。

如果只係想囝囝囡囡識多一 d o野，培養對音樂o既興趣，又或者等佢o地有一樣自己鍾意o既o野可以開心傷心時做，請不要俾太大壓力小朋友，依家返學讀書壓力已經好大，課外活動請俾佢o地開心 d、輕鬆 d

希望唔好令各位媽咪激氣，雖然我未結婚生仔，但眼見好多被媽咪爸爸迫o黎琴行學琴o既小朋友，我做老師o既都好心 up

學音樂不一定要考試，如果有老師或琴行成日催住你要考試 or 幾年間彈考試歌多過彈其他歌或練習曲，要好好考慮。

請讓小孩子去愛音樂，不要怕音樂 !!!

借了個位發 up 風，不好意思，我沒有惡意，只希望多些小孩子可以開開心心學音樂，世界都會快樂一點。

Sindy

vk1101 寫道:
如果係一心想栽培囝囝囡囡成為音樂家o既，唔緊要，但就唔好俾小朋友又學畫又補習又跳舞又游水，成為音樂家真係要好專心，係有個遠大目標就不要太心多。

如果只係想囝囝囡囡識多一 d o野，培養對音樂o既興趣，又或者等佢o地有一樣自己鍾意o既o野可以開心傷心時做，請不要俾太大壓力小朋友，依家返學讀書壓力已經好大，課外活動請俾佢o地開心 d、輕鬆 d

希望唔好令各位媽咪激氣，雖然我未結婚生仔，但眼見好多被媽咪爸爸迫o黎琴行學琴o既小朋友，我做老師o既都好心 up

學音樂不一定要考試，如果有老師或琴行成日催住你要考試 or 幾年間彈考試歌多過彈其他歌或練習曲，要好好考慮。

請讓小孩子去愛音樂，不要怕音樂 !!!

借了個位發 up 風，不好意思，我沒有惡意，只希望多些小孩子可以開開心心學音樂，世界都會快樂一點。

請好好保存這篇分享,第日你有小朋友時,再用另一個身份去睇下,是否一樣...............

Mrs.Chan

vk1101:

謝謝您的提醒~ thanks~
      

mrs.chan

Smiile

vk1101謝謝您的提醒，我相信您是一個愛音樂的老師、也不會催著小朋友考試及多讚多鼓勵小朋友的好老師。

不過，從媽媽角度出發 : 當我發現自己的小朋友沒有別人的小朋友聰明、別的小朋友所知的又比她多時，心便會焦急了 ~~

沒錯，讀書實在很大壓力；但當父母常想到自己兒女的將來、想她將來的路好行一點，也感到相當的壓力。

唯一可以做的是在 "逼"著她去學這學那同時，多點留意她的反應和情緒，也多鼓勵她和讚賞她的表現，找一所她喜歡的琴行或畫室或學習中心，使她有歸屬感，愛上課外活動。多參與、找一個好老師也很重要，小朋友在學習中定能找到真正的樂趣和動力，化為日後競爭的 "籌碼"。至於考試，我覺得是重要的，無論她日後升學及工作，考試成績彷彿是衡量她們的指定 "工具"，證書也是釐訂她們日後成就的尺規。

故此，大大小小考試也就是樂此不疲地衍生了，小朋友是適應到的。因此請放心，下一代是應付到的。

當然，我們希望的還是小朋友健康、快樂、擁有一個愉快的童年，相信每一位父母最大的工作乃是讓小朋友擁有這些、也是他們最大的成就。

Smiile

Charlotte_mom

多謝你既留意, 我好興幸自己完全合格 so far我好放手俾琴老師教, 佢話如果唔趕考試, 就好好地去學, 慢慢打底, 好過為左考試急功近利, 用左d時間去谷考試課程, 到頭來最fundamental既野, 原來學得唔好
我話ok, 總之我相信佢安排, 女女學左年半, 仲好有興趣, 最近, 我同女女傾好, 學埋小提琴(女女ai左我好耐), 鋼琴老師都肯refer我去見佢果個"兿術家脾氣"小提琴老師, 起碼証明老師對我同個女都有信心
不過, 事實歸事實, 多得而家香港變態既教育制度, 有音樂天分既學生, 幾乎係拎住入小一入學金牌(可以為校增光嘛), 家長想小朋友有competitive advantage, 亦無可口非.....

charlene

vk1101,
Thanks for your sharing.
想請教,你應為小朋友要到幾多歲才適合開始學琴?

BO_BO

完全贊同 vk1101 的說法, 小朋友要求學琴, 我給她, 但我從沒有迫她用短時間去考試!

la_boheme_piano

我覺得三歲�三歲半係好年齡開始

雖然我都冇小朋友，但係我明白培養小朋友去學任何野（多又有，少又有）都需要用時間．過程中當然有好有壞，亦會有放棄既時候．家長未必會”迫”小朋友，但學每一樣野都要劃一個期限，晌個期限中家長只可以”鼓勵”佢地去學習點去做一個有責任心既人

係嗎？

vk1101

好贊同「為考試而忽略 fundamental o既o野」    ，呢 d 小朋友，往往要花半年先可以鞏固返 fundamental o既 technique，亦會因為小朋友明明可以彈歌仔覺得自己叻仔叻女，老師又迫自己彈 d 好悶o既 fingering，興趣會減退得很快 ...

charlotte_mom 講得好o岩，香港教育制度真係變態，將所有可以好有趣o既學習都變o左苦差

祝你女女繼續 enjoy 彈鋼琴和小提琴  

睡覺

VK1101::
          

我會記住架喇......希望小朋友可以為愛音樂而愛音樂......

vk1101

我覺得正式學就4歲以上，3歲仲係好 bb，同埋o岩o岩返學，未必適應點樣同埋咩o野係「學習」，但頭幾堂爸爸 / 媽媽最好陪住小朋友一齊上堂 (如果琴行或老師可配合)，以後要跟得好貼，因為小朋友學習陌生的東西，有爸爸媽媽幫助，效果會差很遠。

小朋友學習真的很需要爸爸媽媽的支持 !!!

BO_BO，     讓他快樂學習，將來考試效果更好呢 !!

Charlotte_mom

THANK YOU
尋日見完小提琴老師, 攪掂, 佢肯收我個女(鬆一口氣)
希望佢乖乖地學就好喇
我女女學琴時未夠4歲(我個女心口掛個勇字, 咩都話試), 初時老師都同我講, 話佢咁細, pickup係要耐d, 所以頭大半年, 進度會好...慢..., 所以佢話, 我唔急既, 佢就慢慢教, 我又無迫佢練好耐琴, 總之識得上次既野, 學到新野就ok喇(又唔係比賽, 駛咩100%完美? 識咪得lor), 而家我個女明白我既要求, 佢都好願意去練
仲有, 我會好贊成家長都一齊學習, 我都唔識音樂, 但個女學幾多, 我會嘗試一齊去明(唔識彈都起碼識睇譜), 好過要小朋友自己一個人練, 有時唔明都無人幫, 會好唔開心, 好易想放棄

Ruby1219

vk1101,

我都好贊同你的睇法,也很想能做到.
我的仔仔現在就快6歲,學琴(1 : 1) 已經１年10個月.他似乎不是太喜歡彈琴,但又不很抗拒.對我來說,我很希望他學會鋼琴,因為彈琴有很多好處(相信不用在此再提),也可打好他的音樂基礎.
但是,我就在要求他練琴方面常常遇到困難.
本來,兩個月前我跟他的鋼琴老師商量和同意今年讓他考二級,原意是想給他一點動力去練琴,但也就因此加重了他(和我!)每天練琴的負擔和壓力.我真的很迷惘.我不想用考試和練琴扼殺他對彈琴的興趣,但如果沒有考試,他便更加不想練琴.
我想問 : 如果我的目標是令他喜歡彈琴,我應怎樣做?(我完全不介意他的進度或程度,但求他對彈琴和音樂有興趣)
是否如果不用考試,就不用規定他每天練琴? 還是,如果不每天練琴,他就會失去興趣?
Sorry 有咁多問題,但這問題真的已纏擾我多時.

Ruby

Charlotte_mom

我唔係專家, 不過即管分享下
我同你一樣, 想個女學琴係為興趣, 學多樣野, 當年係佢話要學, 我都等佢ai左一排至應承佢
佢都有試過喊住黎練, 但唔係因為我迫佢, 而家佢好遲至開始練, "趕時間"所以覺得好辛苦, 我都話, 又唔係考試, 唔需要太perfect, 總之覆到上堂既野就ok, 覆完功課, 我話可以玩喇, 彈下舊歌啦, 佢又好開心, 叮叮噹噹自己玩一餐, 有時佢會彈d好silly既野例如d, d--, d---, d, d, d---, 我由得佢玩, 我仲贊佢叻tim, 我話睇下, 而家彈返d舊歌, 幾輕鬆, 因為你學既野已經深左, 所以以前既野就好易喇, 所以你要keep住學新野bor, 咁佢又ok, 明白左(細路仔要贊架, 再silly既歌, 都係學過練過至識架)
我唔想個女見到個琴就唸起"功課", 我去睇表演, 見到有d音樂家, 拎住件樂器一路表演, 好enjoy好似玩咁, 我相信呢d至係樂趣
我聽人講, 1-3級既歌仔, 係最好聽既, 如果呢段時間培養唔到小朋友既興趣, 到時迫佢都唔想上....始終學咩都好, 一定有辛苦練習既時候, 希望我個女明白佢既努力去左邊度啦

mrsyu

我都贊同vk1101嘅講法
亦好有共鳴
本人也是鋼琴教師
我覺得俾小朋友學課外活動
不要只是睇成績/結果
比小朋友去enjoy個過程

就好似砌puzzle咁
開始時你會好努力好有興趣咁去砌
中途可能有困難想過放棄
但如你堅持
美麗嘅圖畫最終都會出現

Ruby1219

very good suggestion. thank you !

Charlotte_mom 寫道:
我唔係專家, 不過即管分享下
我同你一樣, 想個女學琴係為興趣, 學多樣野, 當年係佢話要學, 我都等佢ai左一排至應承佢
佢都有試過喊住黎練, 但唔係因為我迫佢, 而家佢好遲至開始練, "趕時間"所以覺得好辛苦, 我都話, 又唔係考試, 唔需要太perfect, 總之覆到上堂既野就ok, 覆完功課, 我話可以玩喇, 彈下舊歌啦, 佢又好開心, 叮叮噹噹自己玩一餐, 有時佢會彈d好silly既野例如d, d--, d---, d, d, d---, 我由得佢玩, 我仲贊佢叻tim, 我話睇下, 而家彈返d舊歌, 幾輕鬆, 因為你學既野已經深左, 所以以前既野就好易喇, 所以你要keep住學新野bor, 咁佢又ok, 明白左(細路仔要贊架, 再silly既歌, 都係學過練過至識架)
我唔想個女見到個琴就唸起"功課", 我去睇表演, 見到有d音樂家, 拎住件樂器一路表演, 好enjoy好似玩咁, 我相信呢d至係樂趣
我聽人講, 1-3級既歌仔, 係最好聽既, 如果呢段時間培養唔到小朋友既興趣, 到時迫佢都唔想上....始終學咩都好, 一定有辛苦練習既時候, 希望我個女明白佢既努力去左邊度啦

vk1101

很佩服你「但求他對彈琴和音樂有興趣」，每一個父母都希望子女成材的，希望你能繼續支持小朋友真真正正的學音樂。

「完全不介意他的進度或程度,但求他對彈琴和音樂有興趣」--- 如果不是為了爭取甚麼功名，不妨試試老師商量，請老師教你仔仔彈o下歌仔，又練o下 fingering 唔好忽略 technique。

「是否如果不用考試,就不用規定他每天練琴?」--- 作為老師，我當然認為無論是否考試，每天練琴是最好的，但如果你仔仔不喜歡人迫，不妨 tum o下佢 :「不如彈呢隻歌俾媽咪聽o下 ?」「你彈琴，媽咪 / 爸爸唱歌，好嗎?」小朋友鍾意人讚，特別鍾意同爸媽合作，會好有成功感。

「如果不每天練琴,他就會失去興趣?」是看小朋友自己性格，不練琴會令他技巧退步，覺得彈琴越來越難，或會令他失去興趣，但也不必強迫每天練很長時間，可由每天或隔日 15 min 開始，慢慢跟他進度及興趣加上去。

Ruby，我小時候都曾因為手指不夠力彈不到哭著求媽媽不學琴，多得媽媽鼓勵我，到今天我才可以做鋼琴老師呢 !! 加油呀 !!!    

vk1101

我都唔係專家，只係一個普普通通o既鋼琴教師，但係我好鍾意小朋友，抱住令小朋友快樂學習o既宗旨教琴，我同所有學生都好開心，嘻 ~~ :wink: 希望同 bk 媽咪分享 ~

Charlotte_mom，睇你講你囡囡彈琴o既逸事，睇o黎佢真係好鍾意彈琴，自己叮叮叮主動去彈，唔鍾意一定唔會呢 !    

希望佢一直都會學得開開心心  

P.S. 你囡囡係咪叫 Charlotte ?

Tippi

Charlotte_mom:
Hi!
我想知你給你囡囡同時學兩種樂器
你是如何安排她ｐｒａｃｔｉｓｅ
她上小學了嗎？
ｔｈａｎｋｓ！

ｔｉｐｐｉ

wewangwang

我小朋友的琴老師有8級小提琴, 也可教violin. 她不贊成學2樣, 她說上了3級琴後最好每日可練一個小時.

希望Charlotte mom唔好介意