P1小學生每天上網時間應該有多？

julietta

我個仔讀緊p1，已經有好大電腦癮，好鐘意上網，同埋用啲軟件如word, powerpoint，中文打字等，我老公成日阻止佢，又威迫又利誘，我好想由得佢，因為好難得佢對一樣東西咁有心，話唔定第二日變成Bill Gates香港版，但又担心佢太沉淪於電腦，影響學業，始終呢度都係香港，佢讀嘅都係傳統學校。各家長有甚麼意見？

MichelleChen

佢有無網上功課做架? 有咪比佢做law! 無就比佢上下 online games law ( Disney.com 丫, Hoplay 丫,) 玩30min 好la!

julietta

正因為有網上功課，所以日日都要上網，呢個已經成為一個最有佳藉口。除咗網上功課，佢仲會去下其他地方睇嘢，如佢鐘意嘅KMB巴士，街道圖，車款等，仲識得去Yahoo, google等網站，真係睇少一眼都唔知佢去咗邊。雖然可以裝啲security code，但我兩公婆都唔想佢成日對住個電腦影響眼睛，提早有近視；唔睇佢時，仲分分鐘上成個鐘。有啲咩理由可以令佢上少啲，但又唔好阻礙佢對上網嘅興趣？