出牙問題？

cacama

囡囡下面的門牙還未甩，但後面已長出了牙，請問要否去脫牙呢？請指教，謝謝。

mimi1234

快些找牙醫脫去乳齒，因為不夠位出恆齒，所以才在後面出，要盡早脫去乳齒，才可讓恆齒生回正常位置。

Chole

Different dentists may have different opinions.  My dentist recommended we waited for the old tooth to come out naturally - save money and no pain!  My girl has since changed 8 teeth without problem.

However, I would suggest you to bring your kid to the dentist anyway for check up and recommendation since the size of the jaw/teeth would matter.

Chole

Jan-wen

上次我囝囝去睇牙醫的時候,我亦有相同的問題,但牙醫話有d小朋友係會出咗恆齒先,乳齒才會脫落,同埋佢話只要乳齒生得唔係太密,夠位出恆齒就無問題的!

kk100

cacama 寫道:
囡囡下面的門牙還未甩，但後面已長出了牙，請問要否去脫牙呢？請指教，謝謝。

我個仔都係呀,預約左明天去脫,因我怕佢爆牙,d牙醜怪！

cacama

唔該晒各位，我唸我會帶囡囡先去看看牙醫。

bbk

我個囝囝都有同樣問題，但前面兩隻牙仔已經很鬆，是否等它自然脫落﹖

2jmama

請問你哋幫襯個牙醫脫一隻乳齒幾錢呀?   

ms99

Hello! cacama,

我囝囝而家6歲半先開始換牙，剛於12月30日是他的大日子，因為佢下面隻門牙已經蘊釀甩好耐，前前後後成個月都無聲氣，但囝囝又對隻牙好唔客氣，成日用手指攪佢，仲向上拔佢出來，始終未能成功。我本來都想帶佢見牙醫，免得夜長夢多，誰知當日囝囝咬了個硬豬仔包後叫痛，仲有啲血滲出，但依然未得。到夜晚刷牙時，囝囝叫我睇表演，佢將隻牙玩到反成90度角，我睇到忍唔住手包住張紙巾恨心一拔，今次終於快人快事，亞仔冇叫痛，反而好開心話好舒服。但見到隻牙腳好尖，啲牙肉有啲紅腫，於是翌日都去咗睇牙醫。牙醫檢查完話因為隻牙畀隻新牙迫到扁咗，加上囝囝成日玩隻牙，尖牙腳就係度耡啲牙肉，所以有啲紅腫，正常嘅。 同時 check 過冇其他新牙生出，但就提醒有第一隻牙要換，即四隻大牙同時會出世，小朋友會覺得唔舒服的，要留意吓。 醫生話門牙唔駛特別去拔，因為多數夠位出，當然有例外啦。而家約咗半年後再 check，咁就放心哂。

祝你囡囡隻牙平安換更。