有冇6歲還未甩牙,反而出牙...

pingubj

我仔仔6歲,一隻牙都未甩過,呢幾日發現有一隻大牙出緊,有冇小朋友係咁.

Teresa

這叫“爆”牙！要看牙醫的。否則可能令恆齒不齊整，將來可能要ku 牙！

記得我小時候就是這樣，乳齒未甩就出恆齒，結果要去牙醫，一脫就4只牙才夠位生。

袁太

最好帶小朋友睇下牙醫，可能要mock左隻舊牙俾位新牙出的。如果唔係舊牙阻住新牙會出得唔好。

jazzmama

係呀, 快 d 叫牙醫蚊左隻乳齒啦

hhma

係呀, 快d去搵牙醫啦

siuwa

係唔係下面門牙啊? 我仔仔都係, 我同佢去左睇牙醫, 個e生第1句問我係唔係第1個小朋友 我話係, 佢話好正常, 錢都冇收我叫我走, 話過一輪牙甩左新牙會自己走入以前門牙既位置. 而家新牙真係自己移到以前門牙既位置, 好整齊.  不過e生話只係下面門牙, 如果其他位置既牙齒未甩先生就要睇e生.

Krymum

找醫生檢查吓,有需要會叫你脫掉的, 但大部份都可以等舊牙自行脫落,新牙出咗後, 會自動移到原本位置.

raccoon_dog

阿仔以前(6歲),都係未甩牙,但就先生了後面的大牙,冇問題呀!生完大牙過了一排先換前面下兩隻細牙.

mimi1234

pingubj ,

你個仔出的是門牙的恆齒，還是入面的第一大臼齒？第一大臼齒又稱六歲齒，是沒有乳齒的，所以不會阻到其他恆齒。但如果是未甩門牙乳齒而出門牙恆齒，便要到牙醫脫牙了。

貓大姐

我個女 6歲, 都係未甩牙, 但係又唔覺有 大牙 出喎

pingubj 寫道:
我仔仔6歲,一隻牙都未甩過,呢幾日發現有一隻大牙出緊,有冇小朋友係咁.

pingubj

mimi1234 寫道:
pingubj ,

你個仔出的是門牙的恆齒，還是入面的第一大臼齒？第一大臼齒又稱六歲齒，是沒有乳齒的，所以不會阻到其他恆齒。但如果是未甩門牙乳齒而出門牙恆齒，便要到牙醫脫牙了。

我仔唔係出門牙的恆齒,係出左邊最入面既一隻大牙,我唔知係咪叫第一大臼齒,如果係,這隻牙沒有乳齒,係咪出左唔會甩架,我見有d小朋友上,下,左,右,各有三隻大牙,我仔就各兩隻,而家出緊一隻,咁咪仲有三隻未出.請指教.

mimi1234

pingubj ,

以你所說，你個仔應該出緊六歲齒 (第一大臼齒)。
乳齒有門牙、側門牙、犬齒、第一小臼齒、第二小臼齒，上下左右合共乳齒二十隻，你仔有兩隻大牙，應該是第一及第二小臼齒(乳齒)，你數下係唔係有二十隻牙？現在出緊的就應該是六歲齒，一定要小心護理。

找到一些資料，你可參考下：

換牙期注意事項
  
孩子到了六歲左右，四端乳臼齒的後面，便會長出恆齒的第一大臼齒，又稱為「六歲齒」。這時，家長切記要提醒孩子把塗了氟化物牙膏的牙刷放進到最後面，徹底清潔「六歲齒」，否則容易引致牙齦發炎及蛀牙。

一般而言，乳齒是會自然脫落的，不需要強行將它拔除，以免乳齒過早脫掉，造成恆齒排列不整齊。

換牙期間，牙齒會變得鬆動，刷牙時可能會有少許流血現象，家長應提醒孩子，仍需繼續維持口腔清潔，包括鬆動的乳齒，否則會引致牙齦發炎。

Lovely媽咪

我仔仔依家6年歲5個月,一隻牙都未換過,完全唔似會換牙,係唔係有問題架

pingubj

mimi1234

thanks 完全明白.