有何方法可提升小朋友的理解力?

yiuyiu2000

我女雖然只係k3, 但發覺她對書本的理解力較弱, 看圖說故事方面也較弱, 我想提升她這方面的能力, 有冇媽咪可以交流一下你地既經驗?

Thanks!

julietta

我諗你個女可能對書本的興趣不太大才會這樣的，咁樣你就要做多d野嘞。你可以自製書比小朋友，用相機影咗既日常生活照，小朋友養既狗仔，幼稚園既同學仔，或者一d街道常見既野如郵政局，警署等，然後再將一幅幅既照片編成故事書，甚至讓他參予創作故事，並寫下來。這樣跟看圖書的效果差不多，又容易引起佢的興趣。等佢的興趣越來越大後先至買書比佢睇。

Vernique2005

JULIETTA 說的大概就是我都會做的了﹐你還可以坐在孩子旁邊讓他畫畫﹐然後就問他在畫什麼﹐讓他慢慢地解析你聽。

有時候﹐普通的對話對他都有好處﹐問下他上學做了什麼﹐出外見到什麼都可以。。。

julietta

專家話，同小朋友講野要將佢當大人看待，唔好用bb話溝通，要講大人既說話；而家阿個仔讀緊小一，我已經用大人的用語來同佢傾計，發覺佢亦會用番大人的說話答我，或者學咗我的語氣，例如我常常向佢分析一些事情，以point form"第一,...第二,... 第三" 等，佢就學番我黎分析佢自己的話題。雖然老積咗d，但對佢寫作的幫助很大。有d大人先識講既詞語，如分享、有興趣、取笑等字眼，佢都識講，呢d東西好容易就會放進造句裏！所以vernique同小朋友傾計的方法，都好有用架！

yiuyiu2000

好多謝兩位的分亨. 我會試下你地提議的方法訓練下佢.
其實我每晚都會同我女講書, 我係用書面語讀出來, 但我就發覺佢唔識用白話講番出來, 只係識跟住我照背出來, 有時都覺得佢學了好多詞匯, 亦都運用得恰當, 但又唔知佢係真明掟假明.