寶血vs靈糧堂vs聖瑪加利大

Chine

大家對寶血vs靈糧堂vs聖瑪加利大有什麼睇法?
那間對升名校小一如華仁,st. paul co-ed, 比較有好?
我去過3間學校的網頁, 好似聖瑪加利大派位派得好d. 但名氣卻似乎最弱. 靈糧堂好似好多人想入, 但本人去完之後感覺卻一般. 寶血就口碑好, 但永遠都係比人當作後備.

yeechak

我都想知有冇人有意見, 因為我下年都諗住幫個女報呢幾間,
我之前都開過呢個題目, 不過無人回應.

Cline, 我同你的睇法都一樣, 不過我就將寶血放第一位, 靈糧堂最尾.

我想問有無人知道那一間課程比較深?

sml

同意Chine之說法, 但我亦想知其他人的意見.

felix喵喵

Chine

其實在這一區的家長多數都會報這3間幼稚園的, 因是區內較好,

首先, 小一派位跟幼稚園沒聯繫, 是冇影響的,
派位是跟居住地址所屬校網,
華仁是官校, 要抽籤的. st. paul co-ed 是直資, 要面試.

寶血, 靈糧堂, 聖瑪加利大 的名氣其實是差不多,
1. 寶血- 是全港第一間施行活動教學的幼稚園, 經驗豐富.
2. 靈糧堂 - 分校多, 傳統模式教學.
3. 聖瑪加利大 - 活動教學的幼稚園, 得到家長認同.

你的小朋友是那類型的性格啊, 那種模式會較適合呢 ??

felix喵喵

yeechak

"那一間課程比較深?".....!
你意思是否很多功課, 或k3就要讀小一課本, 做小一功課啊.

其他的不清楚, 但在 聖瑪加利大畢業的小朋友在連接小學課程的情況是冇問題的.
我兒也在 聖瑪加利大畢業, 現在他和幾個同學仔在學業上也冇問題, 如果你有上華仁website, 就知道學校有個每月之星的獎項, 在9月和10月得獎小朋友(2人), 就是 聖瑪加利大的出品.....喵喵.......
其實我想說是, 課程深或淺很難比較, 因人而已,
最重要是小朋友有個快樂的學習經驗, 快樂地學習...喵喵...

Chine

我個朋友個仔在靈糧堂讀, 佢話靈糧堂都係活動教學的. 但就唔係日日有英文堂. 寶血好似都係一樣.
有冇其他寶血及靈糧堂的媽咪可以比下意見, 他們的子女在升小一時跟得上嗎?
咁聖瑪加利大係咪好d呢? 點解唔見人在BK提呢?   

felix喵喵

Chine,

你再留心d睇吓其他topic吧,
3間幼稚園都有好多家長在聊天啊!......喵喵..... :tongue:

他們已提供了很多資料, 慢慢睇吓吧 !