講吓統一派位點排好?

muimui1022

First round 衰咗, 講吓統一派位點排好?有咩打算?

hugub

Which area?

jcctiu

以下是我對統一派位乙部填表的小小心得:

1. 第一志願最簡單，將你最心儀的學校填上去就得，無論幾難入都好，總有一定的機會。

2. 第二至五志願就是填表的關鍵，基本上除了要顧及自己的喜好外，還要考慮如何避免派去無人要的學校，你須要知道同區家長怎樣選擇學校，多數人選某校第四志願你就填第三，人地選第三你就填第二。

3. 若某學校自行收生比率是超過1:2.5(例如80學額200人報)，基本上除了揀佢做第一志願之外，你是唔會有機會入到的，放佢在第二志願就等於放棄你的第二志願。(條數是這樣計的:假設有70%在自行收生失敗的學生報番這間學校做第一志願，已經有(200-80)*0.7=84人，第二志願又點會有機會呢!不過好似41網有超多誇區學生的當然是例外啦!)

4. 至於其他志願其實並不太重要，因為如果被派到第五志願之後你都一定會四出叩門，不過最好都係聽話填晒所有學校落去，特別是將你最唔鐘意的放到最尾。

婥蔚媽咪

若心儀的學校在區外，可考慮在填寫表格時，在甲部（不限地區選校）首志願選擇心儀學校﹔第二志願選擇區內最喜歡的學校﹔留空第三志願，避免電腦隨機派中﹔在乙部（只限本區選校）再填上甲部的第二選擇，增加入讀心儀學校的機會。原來抽籤派位有兩個原則﹕一是先抽籤派甲部，後抽籤派乙部﹔二是甲部抽籤成功，再不派乙部了。
基於以上兩個原則，我提議如果家長心目中只有一所好的他網學校，另一所心儀學校則在網內，在甲部只填兩所，留空第3格，乙部則填滿30格，選30所。
為什麼我主張只填兩格，選兩間小學﹖
如果你心目中只有一所好的他網學校，第一格把他網的好學校填上，第二格把本網的好學校（即乙部第一格那一所）填上，第三格留空。這樣做，你給自己本區最好那所小學兩次機會，因為你在甲部第二格選了該校一次，在乙部第一格選了該校第二次，無形中，入讀本網最好學校比將該校填上甲部第三格的人高。
為什麼呢﹖因為大部分家長會把本網次選填入第三格，萬一「時來運到」，被剛剛抽中，「中了籤」的孩子只能入本網次選小學，再沒有機會讀乙部第一格的學校，即自己最心水的學校了﹗
所以我主張甲部填兩格，乙部填選30格。
忌將一所學校填滿格
我還有一點心得想與家長分享。
一，一定要盡量填滿30格，選30所小學，千萬不要喜歡1所就只選1所，喜歡5所就只選5所，要盡量選，最好填滿。
如果你只選一兩所，萬一抽籤失利，派不到心儀的學校，教統局會把其他人選完不要的學校學位，派給你的孩子了﹗
二，千萬別「從一而終」，把一所學校填30格，因為如果你這樣做，結果和上文一樣，萬一派不到心儀小學，你的孩子就要接受別人捨棄的小學了。
記得善用以上3個策略，祝家長選校順利，孩子獲心儀小學取錄

Ivy124

我想請問如果我想跨區,而我鍾意既a學校..o係自行衰左,咁o係統一甲部第一位我放番哩間做第一..第二我就選另外一間我都幾鍾意既b學校,到第三我先放我自己網內最鍾意既c學校,咁既情況跨到區既機會...會唔會易d呢?

Ting0329

咁網內無30間小學, 咁點呀, 亂填?

kate_je

Yes you are right, but this is a game to try our luck.  Good luck to everyone!

jcctiu

kate_je 寫道:
Yes you are right, but this is a game to try our luck.  Good luck to everyone!

Agree, but you can slightly increase your luck by making the right choices.

jcctiu

Ivy124 寫道:
我想請問如果我想跨區,而我鍾意既a學校..o係自行衰左,咁o係統一甲部第一位我放番哩間做第一..第二我就選另外一間我都幾鍾意既b學校,到第三我先放我自己網內最鍾意既c學校,咁既情況跨到區既機會...會唔會易d呢?

其實甲部無論你點樣填機會都是非常少，一間學校得10%即幾個位比全香港學生去報，一唸就知同中六合彩差唔多難啦。

至於第二同第三志願就更加無用，只要全香港有十個八個學生揀這間學校做第一志願，第二同第三志願就唔使玩了。所以這兩個志願填同唔填都唔會有太大分別，還有如果你亂填一d差的學校落去而又一個唔好彩中獎，乙部的大抽獎就唔使再預你啦。

Ivy124

多謝你既意見呀!
但我想再問下..其實我唔太鍾意自己區d學校,但係咪都一定要放一間落甲部呢? 而乙部係咪真係抽架...咁咪即係睇下自己好唔好彩lor   

jcctiu

Ivy124 寫道:
多謝你既意見呀!
但我想再問下..其實我唔太鍾意自己區d學校,但係咪都一定要放一間落甲部呢? 而乙部係咪真係抽架...咁咪即係睇下自己好唔好彩lor   

唔一定要將本區學校放在甲部，也唔一定要填滿甲部的三個志願。