大家對浸小/培橋的看法

Aimee

各位好！

很怕參與這類xxx vs xxx學校的話題，每間學校(特別係新的直資)都有其一定的特色，有優點有缺點，只視乎家長/學校/孩子間是否能互相包容和配合。而參與這類討論，用詞要特別小心，稍一不慎便很易引發成罵戰。

我的小朋友在浸會大學幼稚園畢業，現於培僑書院讀G1。兩間都是我孩子最愛的學校，而我孩子在這兩間學校，都得到很好的培育，作為家長的我，實不希望任何一方受到不善意的批評。(我不是說現時有不善意的批評。)

首先，我想大家對活動教學，仍有一定的誤解，總是認為活動教學程度淺。其實，活動教學也有很多不同的層次，而且只是一種教學方法，而不是教學目標。就以我孩子為例，我並不認同他所學的比一般幼稚園淺，在邏輯思維上仲比我所預計的深，而他在小一適應上亦很順利，亦得到唔錯的成績(不單單是學業上)。(當然，這個所謂「唔錯」純是我個人的看法。 :)

據我了解，兩間學校都是由一位校長同時管理中小學，除非他們離任，否則在貫徹中小學各事務上，問題不大。而兩位校長，私底下亦是好朋友，相信他們會互相交流和鼓勵，把學校辦好。

要趕著照顧照孩子上學了，有機會/空閒，再和大家分享吧！

p.s. 剛從報章中知道，直資學校議會選出培僑書院校長羅慶琮，擔任新一屆主席，為期兩年。在此恭賀他！希望在他的引領下，各直資學校能發光發熱，為香港的教育作個良好的榜樣。
      

angelinama

本人之囡囡將於06年就讀培僑書院,不過心裡總是忐忑不安,畢竟它都是一所新落成的校舍加上又有中資背景,不是所有家長都能夠接受的.但於這網頁內參考了不少家長的意見(現就讀和將來入讀此校之學生家長),他們的評價都很正面.例如:羅校長對教學的熱誠;教師的積極態度;學校的完善配套和悉心挑選的教材;這些這些的意見都令我的疑慮和擔心通通都一掃而空.所以現很放心交托我的女兒給他們培育成材.希望她能夠在這所學校開開心心渡過十二年啦!!!     

希望有多一些現就讀培僑的家長能分享他們子女的學校生活吧!!!     

llmama

我很同意Aimee的看法，事實上兩所學校亦各有所長，若果因此而引起罵戰便很無謂。況且，以我所知因為收生競爭激烈，有個別人士(不是浸小/培僑，因為這兩間均很有實力)會刻意利用討論區發放一些不實的消息來打擊對手。所以各位家長一定要持平地分析，始終一間好的小學對我們的小朋友會有十分深遠的影響。

kae

不好意思，想問下培僑的小學及中學的學費幾錢呢?? 因我上小學概覽及倍僑website找不到，可否幫幫忙??

wapwap

培僑書院 - 小學部   每月學費 $1700 , 雜費$100
               中學部   每月學費 $1900 , 雜費$100





:

kae

wapwap 寫道:
培僑書院 - 小學部   每月學費 $1700 , 雜費$100
               中學部   每月學費 $1900 , 雜費$100
:

wapwap

唔該哂。

father_ho

Dear parent,

If just select between the two schools, I also will choose PKC since at least it had already practiced for one year, the principal not too ambitious to expand too fast but rather progress in steps. I did apply it for my daughter and they accepted her but I finally give up the seat. It is because another school which I perceived better had a great chance to accept her in this moment. Indeed PKC is performing very well and the books they selected are also professional in pri. school. But one thing need to remember that these kind of activity approach teaching schools actually greatly demand parent's input and cannot be replaced by hiring up tutors.

Pulmma

4seasons 寫道:
浸小同培僑都收左我個小朋友,根本唔使點同老公商議,就決定左讀培僑,因為浸小個邊十問九唔知,我問過佢地校車、實際既全校師生比例等,佢地咩都話仲未開會議定,而家就連佢地有咩課程我都未知.簡介會又無聲無息咁搞完一次又一次,據講搞過四次,但半次我都唔知時間同地點,浸小網頁上確係有話個幾次簡介會存在,但都係最近先加番上去,有種補鑊感覺.再加上佢地個間幾乎係直升上去浸小既浸幼既課程,相對於我個小朋友個間真係太淺,如果將來佢地係同一小學(浸小)讀書,到時唔係浸幼d小朋友讀到傻左,就係我個小朋友悶到傻左.

其實pkc 開學初期都有好多混亂的情況出現, 只要你喜歡學校, 相信學校應該就多點包容.

其實我有個理念, 好想宣揚出去, 奈何香港好多家長都唔認同, 即使認同, 做又是另一套.

小朋友的成長過程中, "深" 知識的定義是冇意義的,  在他們學習過程初期, 硬要他們去學一些家長認為"深"的東西, 學懂幾多生字, 就是好事.  

根據歐美國家的教育專家在10多年前已提出, 小朋友的學習由出生至10歲左右, 對他們最重要的知識是教懂他們主動學習, 創意, 推理及對文字有興趣, (當然還有好重要的是品德培養, 3歲定八十是有根據的)只要這數點做得好, 10歲過後學什麼深知識都冇問題.  

其中以令孩子對文字有興趣最為重要. (不是要孩子不停抄寫) 因為人的記憶是以文字來存放,  一個人如果語言能力高, 學習必定會容易些.

故此你們身認為的課程淺, 不一定是不好的, 只是作為媽媽眼見隔離陳太的仔仔已懂寫個 "難"字啦, 我個仔返學就只懂玩, 怎樣怎樣.  跟著嚷著找一間深少少的學校, 其實如果香港的考試一日唔改, 一日都會這樣.

如果你想知道當中的道理你可以去看看"美國的小學教育"的topic 看看(記住, 只看看第一頁篇文章就ok 因為後面又是罵戰)

對於文字培養方面, pkc 做得很好很好, 她每天都安排有1個小時的閱讀時間, 有個全港最大的學校圖書館(可以她很著重閱讀) 投放很大的資源在閱讀上.  這點是我最欣賞的.

小女學期初語文(包括中英文) 很少很少很少生字的功課, 即使不著重抄寫, 但總不能唔寫, 每天的功課十五分鐘內完成, 又冇書(課題)温, 初初很迷惑, 我就走去問問老師, 她答: 課文不用温, 字方面慢慢就會學懂不用担心, 有時間就和小孩閱讀多些課外圖書吧!!!!

結果呢???? 我買給她的日記簿竟然很好地寫得到.  這是我預算不到的成果.  她還很喜歡寫字, 每天我都會收到她給我的一封 "情信" .  很開心.  因為學校是以普通話教學, 她普通話的表達能力亦給我一個大驚喜.  英文當然都唔弱啦!

請細心想想我說的話.  (浸幼是一所唔錯的幼稚園, 相信將來的浸小都唔差)

p.s. 如果將來再有人說pkc 是左的話, 你就答他們:咁d 什麼什麼教會學校, 又同一層面上又咪一樣是 "左"?  

pulmma


  

4seasons

只要你喜歡學校, 相信學校應該就多點包容.

我省略左校名,唔好意思,因為我並唔係想要比較呢2間學校,而係想分享下我對呢兩間學校係我心目中既感覺.

預期左新學校係開校初期會亂,但我真係無諗過,浸小籌備經年,明年就係佢第一年收生,係招生前既宣傳嚴重不足下,我對佢既認識極少,不足以叫我喜歡佢,亦好難叫我無條件咁包容佢.我只係覺得,若果要我去包容一間我對佢所知極少既收費學校,我寧願揀唔使收費既津校.

至於幼稚園既課程難易問題,我曾經有過咁既經驗:我個小朋友讀個間學校都係活動教學,係開學之初既介紹會中聽校長講時,都覺得未來一年既課程好難好深,但發覺佢地又學得識,我唔係期望佢要識得比人多,亦唔要佢比人叻,但求佢返學開開心心,熱衷返學咁就得.曾經因為某d原因,有段日子為佢轉過去另一間活動教學既一條龍幼稚園,最激發我吃回頭草既原因,係我個小朋友入左去之後唔識笑唔肯同我地講心事,tum佢好耐,佢先話d課程佢都識晒,唔明點解我地要俾佢入黎呢度讀,之後俾佢返去原本個間幼稚園讀書,睇見佢一切回復原狀,我個心都安樂晒.

如之前我既言論曾引起浸幼或其他家長不滿,我在此謹以致歉,我只係想話"浸幼既課程對比起我小朋友間幼稚園同級黎講係太淺",唔係話"浸幼既課程太淺",或者大家可以將我呢番說話理解為"我個小朋友間學校既課程好深"都可以,之所以有呢句出現,都係因為上一段既原因.

我,只係我個人方面,唔想我個小朋友再次出現上述情況,而浸小既收生比率亦都係以浸幼畢業生為主,係對浸小課程內容未明既情況下,我唯有估計浸小既課程或者係依浸幼課程去,咁既話我個小朋友就唔係好適合讀浸小了.

所有要分享既意思都係依字而所言,如果我既言論曾引起大家不滿,好對唔住!

討論區就係咁,大家都可以係度講自己想講既野,有真亦有假,最重要係大家既分析能力,同埋係咪有心去探究自己想知既事實真相,如果認為不能盡信既,最好都係親自打電話去學校問清楚.所有討論區都只係方便大家收料,至於當唔當收到既料係事實就見仁見智.

ZZPAPA

p.s. 剛從報章中知道，直資學校議會選出培僑書院校長羅慶琮，擔任新一屆主席，為期兩年。在此恭賀他！希望在他的引領下，各直資學校能發光發熱，為香港的教育作個良好的榜樣。

My son is now studying in P2 of PKC.  Few days ago, I asked my son to select one of the teachers he likes most.  Mr. Law is selected and my son told me that he is very kind.  

At the beginning, I am quite afraid that my son English's standard due to not much homework in PKC.  But now I am not worried about it, I understood the methodology of which the school is adopting.  My son likes to read English books and pronounce the words accurately.  A great improvement has been shown recently.

birdhk

恭賀培僑書院羅慶琮校長，擔任新一屆直資學校議會主席，為期兩年。

Aimee

4seasons,

很多謝你的分享！千萬不要誤會，我並無任何不滿！我本身是一位幼兒工作員，對一般家長所認為課程的"深"與"淺"，早已習已為常！我相信我所認識的浸幼家長亦然，入得浸幼，早已習慣別人這樣的看法。 我亦不是想特別為浸小說甚麼好說話，更加不是對培僑有任何不滿(應該說，到現時，我對培僑都是很滿意和有很高的評價。)，只是想就我本人已往工作的經驗和對浸幼，浸小及培僑書院的了解和大家分享！
就我的記憶，上一年培僑書院的課程、老師的資料，也是在一月及五月的家長會才漸讓我們有一個比較清晰的了解，我亦曾因此十五十六，同時留了兩間直資的位，直到五月培僑家長會後，才下了最後的決定。至於浸小，我同意現階段我們所知不多，將來如何，仍是未知之數，但這亦是新校的必經過程，相信大家報考時已預計到。而浸小的簡介會，在我印象中，在網上(沒有保留到)及報章上都曾刊登過，可能碰巧你沒留意吧。而據我了解，浸小和浸幼的課程亦有一定程度的分別，會是如何，除了校方，我們仍未知道，一切只是個人的估計。

可以就你認為你孩子的幼稚園如何深，而浸幼的課程如何淺，和我們分享一下嗎？謝謝！

kae,
以下有較多的資料：
http://www.puikiucollege.edu.hk/060.html

chantessa

各位媽咪 :

請問知唔知道有無邊間幼稚園d學生會有好高機會率可以入到培橋呢 ?   佢地interview會考d咩呢 ?   會唔會考d野好深架 ?   係唔係一定要英文同普通話都幾好先有機會收呢 ?   我好鐘意呢間學校, 而家幫囝囝報左一間係大埔嘅國際幼兒園讀n1, 主要都係希望佢d英文同普通話會好d, 第時可以容易d搵到心水學校.... 而家做家長真係壓力好大.  

BBCMum

英語，普通話好似真係幾重要，據小朋友講，要聽普通話故事，然後跟老師講，也有英語溝通及回應，另外寫字，繪畫及體能(呼拉圈)等，都幾全面，所以成個鐘。至於那幼稚園機會較大，就不清楚了。

另外我有d八掛，想知道培僑在12月4日有否特別活動，真係好想多些觀察及了解她的風格，家長可否報料?謝謝!

而據聞今年保良局剛巧在12月4日步行，又有學生採排節目歡迎航天訪問團，似乎都有番咁上下落力。

Pulmma

BBCMum 寫道:

另外我有d八掛，想知道培僑在12月4日有否特別活動，真係好想多些觀察及了解她的風格，家長可否報料?謝謝!

而據聞今年保良局剛巧在12月4日步行，又有學生採排節目歡迎航天訪問團，似乎都有番咁上下落力。

pkc 明天沒有活動喎!!!

swwm

BBCMum 寫道:

另外我有d八掛，想知道培僑在12月4日有否特別活動，真係好想多些觀察及了解她的風格，家長可否報料?謝謝!

明天有陶笛表演, 地點: 尖沙咀星光大道表演台, 時間: 下午5:00

sammyck

chantessa

BBCMum :

THANKS !   

AaronMummy

Yes, PKC is really cool these days

NatMom

deleted